Энэ сарын 28-29-ний өдрүүдэд Германы нийслэл Берлин хотод 100 буудалт даамын түргэн тоглолтын дэлхийн аварга шалгаруулах эрэгтэйчүүдийн тэмцээн зохион байгуулагдах гэж байна.  Уг тэмцээнд нийт  21 орны 70 орчим даамчид оролцож оюун ухаанаа сорих бөгөөд Монгол Улсаа төлөөлөн олон улсын их мастер Д.Эрдэнэбилэг оролцох юм байна. Түргэн тоглолтын дэлхийн аварга шалгаруулах тэмцээн нь фишер системээр 5 минут +3 секундийн хувилбараар зохиогдох бөгөөд олон улсын их мастер Д.Эрдэнэбилэг нь түргэн тоглолтын энэхүү төрөлд 2008 онд зохиогдсон Бээжингийн олимпид 140 тамирчнаас шилдэг наймд шалгарч байсан юм. Мөн ондоо тэрээр Дэлхийн шилдэг 12 даамчнаар шалгарч байсан бөгөөд одоо 2320 гэсэн рейтингээр дэлхийд чансаагаараа 45-д жагсаж байгаа ажээ.