“Лейкерс” – “Кливленд” – 87:102 (19:23, 23:28, 17:25, 28:26)

Л: Брайант – 35+8 дамжуулалт+9 самбар. Артест – 13. П. Газоль – 11.

К: Мо Уильямс – 28. Жеймс – 26+9 дамжуулалт. Мун – 13.

Тоглолтын төгсгөлд Стэплс Центрт цугласан үзэгчид талбай руу гарт тааралдсанаа шидэж байв. Иймэрхүү үйл явдал зөвхөн Монголд болдоггүй юм байна. Лейкерсийн фэнүүдийн уур юунд хүрсэн юм бол? Баг нь илт давуу хожигдож, Зул сараар таагүй бэлэг барьсанд нь л уурлах ёстой байтал шүүгчдэд уурласандаа тэгсэн байх. “Би хэзээ ч ЛА-ын үзэгчдээс ийм реакц гарч байхыг хараагүй ” хэмээн Фил Жексон хэлж.

Лейкерс 5 удаа техникийн алдаагаар торгуулсан бөгөөд Одом 2 ч удаа техник авч, талбайг чөлөөлсөн байна.

Мо Уилльямс 28, ЛеБрон 26 оноо авч, Кобигийн 35 онооны эсрэг Кавальерс сайн багийн тоглолт үзүүлснээр Зул сарын баяраар Лейкерсийг талбайд нь хожиж, үзэгчдийг нь “уурлуулжээ”

Кавальерсийн дасгалжуулагч Майк Браун тоглолтын дараа хэлсэн үгэндээ Лейкерсийн фэнүүдийн ийм үйлдэл хойшид жишиг болох вий хэмээн болгоомжилжээ. Үнэн л үг.

Шакийг Лейкерсийн фэнүүд таатай угтаагүй. Шак хэд хэдэн данкаар үүнийх нь хариуг барих шиг болсон.

Тоглолтын тухайд Коби өөр дээрээ ачааг үүрч тоглосон бол ЛеБрон тэгсэнгүй, багийн тоглолтыг чухалчилжээ. Энэ нь ч үр дүнгээ өгч хожлоо. Лейкерсээс Коби л ганцаараа л тоглосон, Газоль зэрэг бусад тоглогчид огт харагдсангүй. Энэнд магадгүй Кобигийн буруу байж болох.

“Финикс” – “Клипперс” – 124:93 (30:26, 37:29, 34:22, 23:16)

Ф: Стадемайр – 26+9 самбар. Ричардсон – 18+8 самбар. Дадли – 18.

К: Р. Батлер – 22. Каман – 19+10 самбар.

Финикс талбай дээрээ Лос Анжелесийн нөгөө нэг багийг илт давуу хожлоо. Лос Анжелесийн багууд Зул сарын баяраар одгүй байв.

Санс Клипперсийг нийт 6 дахиа дараалан хожиж байгаа нь энэ. Санс 54 хувьтай довтолсны дээр 3 онооны 24 шидэлтийнхээ 12-ийг нь оновчтой болгов.

Клипперсийн төвийн тоглогч Маркус Кэмби 1-р үед гэмтэл авч тоглолтыг орхисноор тэдний хамгаалалт нэлээн суларсан байх.

Сансын эгнээнд Барбоса эргэн нэгдэв. Тэрээр гэмтлийн улмаас тоглолтууд өнжөөд байсан юм. Санс Барбосагийн эзгзйд 4-8 амжилт үзүүлээд байсан.

Бостон яг л өөрийн зөвхөн хамгаалалт стилээрээ тоглож Мэжикийг хожсон бол Санс мөн л өөрсдийн довтолгоо стилээрээ Клипперсийг хожлоо.

“Орландо” – “Бостон” – 77:86 (19:18, 8:20, 26:23, 24:25)

О: В. Картер – 27. Р. Льюис – 19. Пьетрус – 9.

Б: Р. Аллен – 18. Рондо – 17+13 самбар. Т. Аллен – 16.

Хэдийгээр Бостон улирлын хамгийн их буюу 20 удаа ТО хийсэн ч бүсийнхээ гол өрсөлдөгч Мэжикийг талбайд нь хожлоо. Селтикс айлын талбайд 13-1 болсны зэрэгцээ сүүлийн 15 тоглолтынхоо 14-т нь хожоод байна.

Мэжикийн довтолгоо тун муу байсныг Бостоны сайн хамгаалалттай холбож ойлгох хэрэгтэй. Мэжик эхний үед 19 оноо авахад бүгдийг нь Картер, Пиетрус нар авчээ. Харин 2-р үед ердөө 8-хан оноо авч, өрсөлдөгчдөө 20-ийг алджээ. Мэжик улирал эхэлснээс хойш хамгийн бага оноогоо авч байгаа нь энэ. Дуайт Ховард хэдийгээр 20 самбараас авалт хийсэн ч 5-хан оноотой тоглолтыг дуусгасан нь чамлалттай.

Рондо 17 оноо, 13 самбараас авалт, Рэй Аллен 18 оноо авсан бол гэмтэлтэй Пол Пирсийг орлосон Тони Аллен 16 оноо авлаа. Пирс ойролцоогоор 2 долоо хоног талбайд гарах боломжгүй гэж байсан ч энэ хугацаа багасаж магадгүй гэнэ.

Тоглолтын үеэр Гарнетт Дуайтыг тохойдсоныхоо төлөө техникийн алдаагаар торгуулсан.

Одоогоор тэд 2 тоглож, зочилж тоглосон тоглолтууддаа хожилцож, харьцаа 1:1 болов. Энэ улиралд тэд дахин 2 тоглолт хийнэ.

“Портленд” – “Денвер” – 107:96 (24:31, 25:20, 25:25, 33:20)

П: Рой – 41. Блэйк – 17. А. Миллер – 14+8 дамжуулалт.

Д: Энтони – 32+9 самбар. Жей Ар Смит – 20. К. Мартин – 12+14 самбар.

Өнгөрсөн жилийн Зул сараар Портлэнд Далласт хожигдож байсан бол энэ жил Денверийг хожлоо. Брэндон Рой дахин баярын өдөр хожигдохыг хүссэнгүй. Тэрээр 41 оноо авч, багаа тэргүүлэн 32 оноо авсан Мелогийн багийг талбай дээрээ хожиж, Роүз Гарденд цугласан үзэгчиддээ Зул сарын бэлэг барьлаа.

Рой зүүн мөрний гэмтлийн улмаас өмнөх Спэрстэй хийсэн тоглолтыг өнжөөд байсан ч энэ удаа өөрийн дээд амжилтаа тогтоон, 16 удаа оновчтой довтолж, Портлэнд 4 дэхээ дараалан хожив.

Денверийн бүрэлдэхүүнд Чонси Биллапс эргэн ирсэн ч 2-р хагаст тоглоогүй, тэд айлын талбайд 4 дараалан хожигдов.

“Нью-Йорк” – “Майами” – 87:93 (23:21, 14:20, 17:23, 33:29)

Н: Галлинари – 26+8 самбар. Д. Ли – 19+16 самбар. Чандлер – 15.

М: Уэйд – 30+9 самбар. Бисли – 19. Хаслем – 12.

Уэйд Никсийн эсрэг НБА-ын хамгийн супер орднуудын нэгэнд 30 оноо авч, Хит өрсөлдөгчөө талбайд нь хожлоо. Хит Никсийг 4 дэхээ дараалан хожиж байгаа нь энэ. Никс энэ тоглолтноос өмнө 3 дараалан хожоод байсан ч 4 болгож чадсангүй. Мөн талбай дээрээ 6 дараалан хожоод байлаа.

Никс Зул сарын баяраар нийт 45 удаа тоглолт хийсэн нь лигт хамгийн их. 2001 онд Торонтод хожигдсоноосоо хойш анх удаа Зул сараар хожигдож байгаа гэнэ.

Уэйд ирэх зун чөлөөт агент болно, түүнийг авах боломжтой багийн тоонд Никс байгаа. Уэйдээс сэтгүүлч Никст ирэх үү гэхэд: “Би одоо энд байна, энд их хүйтэн байна” гэжээ.