“Лейкерс” – “Голден Стэйт” – 124:118 (29:35, 24:25, 35:26, 36:32)

Л: Брайант – 44 + 11 дамжуулалт. Газоль – 27 + 12 самбар. Фармар – 12.

Г: Маггети – 25. Эллис – 22. Кёрри – 15.

Коби улирлын дээд 44 оноо авсны дээр торгуулийн 16 шидэлт гүйцэтгэж, бүгдийг нь оновчтой болгож, Лейкерс талбай дээрээ Голден Стэйтийг хожлоо. Коби улирал эхэлснээс хойш 40+ оноог хамгийн олон буюу 7 дахиа авч байгаа нь энэ. Мөн тэрээр сүүлийн 5 тоглолтондоо 38.2 оноо дунджаар аваад байгаа ч Лейкерс эдгээр тоглолтуудад 3-2 гэсэн амжилт үзүүлжээ. Лейкерсийн довтлогч Рон Артист гэмтлийн улмаас 3 дахь тоглолтондоо дараалан тоглосонгүй.

“Вашингтон” – “Оклахома Сити” – 98:110 (25:30, 30:23, 21:23, 22:34)

В: Жэмисон – 28. Аринас – 24 + 8 дамжуулалт. Хэйвуд – 16 + 8 самбар.

О: Дюрант – 35 + 11 самбар. Грин – 18. Уэстбрук – 11 + 10 дамжуулалт. Харден – 11.

Саундерс хангалттай хүлээлээ. Одоо өөрчлөлт хийх гэнэ. Гарааны бүрэлдэхүүн, тоглогчдын үүрэг ролийг солих гэнэ. Арга ч үгүй биз. Визардс нэг л болж өгөхгүй байна. Өнөөдөр л гэхэд Оклахомаг талбайдаа барсангүй.

Оклахома Сити 3 жил хагасын түүхэндээ анх удаа 4 дараалан хожлоо. Дюрант Вашингтонд төрж өссөн бөгөөд төрөлх хотынхоо багийн эсрэг 35 оноо авчээ. Тэрээр 5 дахиа дараалан 30+ оноо авлаа. 12 сард тэрээр нийт 14 тоглохдоо 9-д нь 30+ оноо авч байна.

“Детройт” – “Нью-Йорк” – 87:104 (21:27, 19:22, 26:30, 21:25)

Д: Гордон – 17. Хэмилтон – 16. Стаки – 15 + 8 самбар.
Н: Дэвид Ли – 30 + 12 дамжуулалт. Чандлер – 23 + 9 самбар. Галлинари – 16.

Детройт талбай дээрээ Никсийг барсангүй, хожигдлын цувралаа 8 болгов. 2000-2001 оны улирлаас хойш анх удаа 50 хувийн хожлоос 9 тоглолт (11-20) дутуу болж байна.

Никсээс Дэвид Ли онцгой байж, улирлын хамгийн их 30 оноогоо авчээ.

“Чикаго” – “Индиана” – 104:95 (34:15, 23:38, 30:21, 17:21)

Ч: Роуз – 28. Салмонс – 17. Миллер – 16.

И: Хибберт – 17. Жонс – 13. Данливи – 13.

ИСПН зэрэг сайтийн мэдээлж байгаагаар Буллз одоогийн дасгалжуулагч Винни Дель Негрог халах шийдвэрээ хэдийн гаргасан, харин хэнээр орлуулахаа л шийдээгүй байгаа гэнэ. Юутай ч Буллз өнөөдөр талбай дээрээ Пейсерсийг хожиж, 12-17 боллоо.

Буллз эхний үед 19 оноогоор тэргүүлсэн ч 2-р үе дуусахад энэ давамгайлал нь ердөө +4 болж. Гэвч 3-р үеийг сайн эхлүүлж, улмаар дахин “баригдсангүй”. Пейсерсийн Трой Мерфи 3-р үед гэмтэж талбайг орхисон, дараагийн тоглолтонд тоглохгүй байж магадгүй гэнэ.

“Сан-Антонио” – “Миннесота” – 117:99 (29:24, 37:28, 23:21, 28:26)

С: Ричард Жефферсон – 24. Мейсон – 18. Данкан – 17 + 10 самбар.

М: Эл Жефферсон – 20 + 8 самбар. Кевин Лов – 18 + 12 самбар. Флин – 17.

Миннесотагийн дасгалжуулагч Ману Жинобилиг лигийн хамгийн олон талт, аюултай тоглогчдын нэг гэж үздэг гэнэ. Үүнийг нь ч Ману харууллаа. Тэрээр 14 оноо, 10 оновчтой дамжуулалт хийсэн бөгөөд Спэрс Миннесотаг талбайдаа амархан хожлоо. Спэрс сүүлийн 11 тоглолтынхоо 9-д нь хожив.

Миннесотагийнхан 2004 оны 1 сарын 14-нөөс хойш Сан Антионод ялалт байгуулж чадаагүй хэвээр үлдлээ.

“Хьюстон” – “Нью-Орлеан” – 108:100 (31:23, 30:28, 13:31, 34:18)

Х: Брукс – 27. Батьер – 20. Лэндри – 18. Скола – 13 + 12 самбар. Ариза – 13.

Н: Уэст – 44 + 12 самбар. Крис Пол – 16 + 10 дамжуулалт + 11 самбар. Окафор – 9.

Дэвид Уэст өөрийн дээд амжилт 44 оноогоо авсан, Крис Пол 11 дэх удаагаа трипл-дабл хийсэн ч энэ нь Рокитсийн хамтач тоглолтын дэргэд хангалтгүй байж, Рокитс талбай дээрээ хожлоо. Хорнетс улирал эхэлснээс хойш айлын талбайд 2-13 болж байна. Рокитс 19-13 боллоо. Яо Мин, Трэйси МакГрэйдигүй тэднийг ийм гараа хийнэ гэж улирлын өмнө хэн төсөөлж байв?

“Атланта” – “Кливленд” – 84:95 (26:23, 25:33, 23:19, 10:20)

А: Кроуфорд – 26. Жонсон – 15. Жош Смит – 15 + 8 самбар.

К: Уильямс – 20. Уэст – 17. Илгаускас – 15.

Өнгөрсөн плей-оффт тоглож байсан эдгээр багуудын тоглолт энэ удаа ч Кавальерсийн хожлоо өндөрлөв. Эхний 3 үед тэнцүү тоглож байсан ч Хоукс 4-р үед маш муу тоглолоо.

4-р үеийн эхний 9 минут орчим хугацаанд Хоукс оноо авч чадаагүй нь тоглолтыг шийдсэн. Филипс Аренаг дүүртэл цугласан 20150 үзэгч ЛеБроныг бөмбөг авах бүрт дургүйцлээ илэрхийлж байв. ЛеБрон 14 оноо, 10 оновчтой дамжуулалт, 5 таслалт хийсэн ч 20 довтолгооныхоо ердөө 6-г нь оновчтой болгосон. Гэхдээ багийн бусад тоглогчид, тухайлбал Мо, Делонте, Биг-Зи нар сайн тогложээ.

Эдгээр багууд маргааш дахин тоглоно. Энэ удаа Кавальерсийн талбайд. Уг тоглолт ЛеБроны төрсөн өдөртэй давхцаж байгаа. 25 хүрч байгаа супер од маргааш үзүүлээд өгөх биз ээ.