“Лейкерс” – “Даллас” – 131:96 (30:13, 34:26, 39:24, 28:33)

Л: Фармар – 24. Байнум – 19. Одом – 15 + 15 самбар. Брайант – 15 + 8 дамжуулалт.

Д: Новицки – 22 + 8 самбар. Томас – 12. Барреа – 10. Терри – 10.

Овоо сонирхолтой, өрсөлдөөнтэй тоглолт болох болов уу гэж бодсон маань талаар болов. Лейкерс талбай дээрээ Мавериксийг илт давуу хожлоо. Өрнөдийн тэргүүн багийн эсрэг Өрнөдийн 2 дахь баг юу ч хийж чадсангүй. Лейкерсийг 24 оноогоор Фармар тэргүүлжээ.

Коби 15 оноо авснаар бүх үеийн онооны лидерүүдийн 15-д орж, Патрик Юингтэй тэнцэв. Хэрэв Даллас арай олигтой тоглосон бол Коби Юингийн дээр гарах байсан биз. Коби одоо Жерри Уэстээс 377 оноо дутуу байна.

Байр	тоглогч	Оноо
13	Reggie Miller	25,279
14	Jerry West	25,192
15	Kobe Bryant	24,815
15	Patrick Ewing	24,815
17	Allen Iverson	24,144

Лейкерс өнөөдөр 63 хувьтай довтолж, улирлын хамгийн өндөр оноогоо авчээ. Гэхдээ Лейкерс нэг том хохиролтой үлдсэн нь довтлогч По Газоль нь эхний үед зүүн хөлийн шөрмөсөө гэмтээж талбайг орхисон явдал юм. Газолийн гэмтэл хүнд байж магадгүй гэнэ. Газоль баруун шөрмөсний гэмтлээс болж улирлын эхний 11 тоглолтыг өнжиж байв.

“Кливленд” – “Шарлотт” – 88:91 (24:18, 22:27, 23:25, 19:21)

К: Жеймс – 29. Уильямс – 27. О`Нил – 10.

Ш: Жэксон – 22. Уоллес – 19 + 12 самбар. Фелтон – 17.

Зочлон тоглолтууддаа 1-14 амжилт үзүүлээд байсан Шарлотт Бобкэтс өчигдөр Майамиг талбайд нь хожсон бол өнөөдөр “давраад” Кливлендийг талбайдаа хожлоо. Бобкэтс Кавальерсийг 2 дараалан хожив. Учраа таарсан өмнөх 7 тоглолтондоо бол дараалан хожигдоод байж. Мөн Кавальерс талбай дээрээ 11 дараалан, нийт 7 дараалан тус тус хожоод байсан цуврал нь зогслоо.

Флип Мюррей 56 секунд дутуу байхад 3 онооны оновчтой шидэлт хийсэн нь Бобкэтсийн хожлын оноо байжээ.  2.5 секунд дутуу байхад Кавальерс бөмбөгийг тоглолтонд оруулж, ЛеБрон 3-аас шидсэн ч амжилтгүй болсноор Бобкэтс хожсон байна.

“Нью-Йорк” – “Индиана” – 132:89 (38:16, 36:26, 33:20, 25:27)

Н: Чандлер – 23. Дэвид Ли – 22 + 16 самбар. Духон – 18.

И: Хед – 18. Данливи – 12. Эй.Жей. Прайс – 11.

Никс хамгийн сүүлд 1996 оны 4 сарын 15-нд 43 онооны илүү хожил авч байжээ. Тэр үед Торонто Рэпторсийг 43 оноогоор хожиж байсан бөгөөд Торонтогийн НБА дэх анхны улирал нь байлаа.  14 жилийн дараа дахин 43 онооны хожлыг талбай дээрээ Пейсерсээс өнөөдөр авлаа. Тоглолтын дундуур Никс 48 онооны илүүгээр тэргүүлж байсан нь энэ улирлын хамгийн их зөрүү юм. 11 сарын 9-нд Голден Стэйт Миннесотагаас 45 оноогоор илүү гарч байсан нь улирлын хамгийн их зөрүү болж байв.

Мэдээж Никсийнхэн өнөөдөр бүгд л сайн тоглосон нь тодорхой. Харин өмнөх тоглолтонд 41 оноо авсан Нэйт л жаахан тааруу байв. Гэхдээ түүнийг талбайд гарах үед ордонд цугласан үзэгчид тааламжтай угтаж байлаа.

Индиана сүүлийн 10 тоглолтынхоо 9-д нь хожигдлоо.

“Торонто” – “Сан-Антонио” – 91:86 (27:19, 21:15, 19:21, 24:31)

Т: Крис Бош – 22 + 15 самбар. Жэк – 16. Барньяни – 15 + 8 самбар.

С: Паркер – 23. Данкан – 21 + 12 самбар. Жефферсон – 12.

Крис Бош 22 оноо авснаар Торонто Рэпторс багийн түүхэн дэх хамгийн олон оноо авсан тоглогч боллоо. Бош одоогоор 9428 оноог улирлын тоглолтуудад аваад байна. Өмнөх дээд амжилтыг нь Винс Картер эзэмшиж байсан юм. Үүнээс чухал нь Рэпторс талбай дээрээ Спэрсийг буулгаж авав. Спэрсийн дараалсан хожил 5 дээр зогссон бол Рэпторс сүүлийн 7-оос 6-д нь хожив. Рэпторсийн довтлогч Хедо Туркоглу тоглоогүй. Сүүлийн 13 тоглолтын 12-ийг нь өнжсөн Кальдеронийг ирэх Лхагва гаригт Орландогийн эсрэг хийх тоглолтонд тоглоно хэмээн таамаглаж байгаагаа Рэпторсийн дасгалжуулагч Ж. Триано хэлжээ.

Спэрсийн лидер Тим Данкан кареертаа 2 дахь удаагаа л нөөцнөөс тоглолтонд оролцсон байна.

“Денвер” – “Филадельфи” – 105:108 (36:27, 24:32, 16:25, 29:24)

Д: Хиларио – 24 + 15 самбар. Лоусон – 23 + 9 дамжуулалт. Мартин – 17 + 9 самбар. Аффлало – 17.

Ф: Айверсон – 17. Брэнд – 16. Янг – 12. Уильямс – 12.

Айверсон Филлид дахин ирснээсээ хойш анх удаа багаа оноогоор тэргүүллээ. Хуучин багийнхаа эсрэг Айверсон 17 оноо авснаар Филли гэмтэл бэртэлд нэрвэгдээд байгаа Денверийг талбайд нь 3 оноогоор хожив.  Денверийн лидерүүд болох Кармело, Биллапс нар энэ удаа мөн л тоглоогүй. Денвер улирлыг 19-7 эхлүүлсэн ч сүүлийн 8 тоглолтынхоо 6-д нь хожигдоод байна.

“Дахин энд ирэхэд сайхан байлаа. Фэнүүд надад одоо ч хайртай хэвээр байна” хэмээн Айверсон хэлжээ. Филли улирлын 10 дахь хожлоо авсан байна.

Биллапс, Мело нар дараагийн тоглолтонд тоглох эсэх нь одоогоор тодорхойгүй байгаа болно. Мөн энэ тоглолтонд Крис Андерсон гэмтсэн бөгөөд Жорж Карл түүнийг дараагийн 2 тоглолтонд тоглохгүй гэжээ.