НХЛ-ийн өнгөрсөн 12 сарын шилдэг гурван хоккейчинг зарлалаа. Ванкувер Канэксийн Хенрик Седин, Финиксийн хаалгач Илья Брызгалов, Чикагогийн Патрик Кейн шилдэг гурван “од”-оор шалгарчээ.

Хенрик Седин 12 сард шилдэг мэргэн бууч нь байж 25 оноог (5 гоол, 20 дамжуулалт) 15 тоглолтонд авчээ. Түүний тэргүүлсэн Кэнакс 10 тоглолонд ялж дивизионоо тэргүүлж байна. 12 сарын 27нд зарласан Шведийн шигшээ багийн бүрэлдэхүүнд багтсан ба олимпийн наадамд хоёр дахь удаагаа оролцохоор болжээ. Өдгөө 42 тоглолтонд 55 оноотойгоор мэргэн буучдын жагсаалтанд 2-р байранд явж байна.

Илья Брызгаловын хүчин зүтгэдэг Финикс Койотс 8 ялж 5 ялагдсан. Нэг тоглолтонд дунджаар 1,82 шайб алдаж байсан ба 93,9 хувийн амжилттай хамгаалж байна.  Хоёр ч тоглолтыг шайб алдалгүй дуусгасан түүний баг “Номхон далайн” дивизиондоо хоёрдугаар байранд явж байна. Мөн л ОХУ-ын олимпийн шигшээд багтсан тэр НХЛ-ийн хаалгачдыг бүх үзүүлэлтээр тэргүүлж байна.

Кейн мөн Блэкокс багийнхаа мэргэн бууч нь байж 20 оноо (8 гоол, 12 дамжуулалт) авсан. Чикаго баг энэ улирлыг тэргүүлж буй нь түүнтэй салшгүй холбоотой билээ.