“Майами” – “Атланта” – 92:75 (30:14, 21:20, 22:24, 19:17)

М: Уэйд – 28 + 8 самбар. Бизли – 22 + 8 самбар. Хаслим – 12 + 8 самбар.

А: Кроуфорд – 23. Жонсон – 11. Уильямс – 9.

Майами талбай дээрээ өнгөрсөн улирлын плей-оффт таараад хожигдсон Хоуксийг хүлээн авч тоглоод сайн хамгаалалтынхаа хүчээр хожлоо. Хит ийн 3 дараалсан хожигдлоо зогсоов. Хоуксийн эсрэг улирал эхэлснээс хойш ямар ч баг ийм сайн хамгаалалт үзүүлээгүй. Хоукс өнөөдөр улирлын хамгийн бага оноо, хамгийн муу довтолгооны хувь зэрэг үзүүлэлтийг үзүүлжээ. Хоукс ийн 4 дараалан хожигдлоо. Яг жилийн өмнө Хоукс мөн 4 дараалж хожигдож байж.

Хитийн төвийн тоглогч Жермайн О`Нил тоглоогүй ч 2 хоногийн дараа Бостоны эсрэг хийх тоглолтонд талбайд гарна хэмээн таамаглаж байгаа аж.

“Чикаго” – “Оклахома Сити” – 85:98 (28:23, 24:24, 14:32, 19:19)

Ч: Роуз – 19. Денг – 15 + 10 самбар. Хайнрих – 15.

О: Уэстбрук – 29. Дюрант – 25 + 8 самбар. Харден – 13.

Дюрантийн дараалсан 30 оноотой цуврал дууссан ч Оклахома хожиж чадлаа. Тэд Буллзыг талбайд нь хожиход Рассель Вестбрук хамгийн сайн тогложээ. Тэрээр 29 оноо, 7 самбар, 6 оновчтой дамжуулалт хийв. Тюндер улирал эхэлснээс хойш айлын талбайд 10-8 амжилт үзүүлэв. Өнгөрсөн улиралд тэд нийтдээ 8 удаа л зочлон тоглохдоо хожиж байлаа.

19 хожил, 15 хожигдол супер амжилт биш ч лигийн 2 дахь залуу багийн хувьд тун өндөр үзүүлэлт.  Тэд сүүлийн 7-с 6-д нь хожоод байна.

Буллзын хувьд эхний хагасыг 5 онооны илүү дуусгасан ч 3-р үед өрсөлдөгчөөсөө 18 оноо дутуу авчээ.

“Юта” – “Нью-Орлеан” – 87:91 (32:24, 19:20, 11:25, 25:22)

Ю: Бузер – 18 + 14 самбар. Уильямс – 17 + 11 дамжуулалт. Си. Жей. Майлз – 15. Кириленко – 15.

Н: Браун – 30. Уэст – 20 + 9 самбар. Пол – 12 + 9 самбар. Поси – 12.

27 секунд дутуу, Хорнетс 4 оноо илүү байх үед Крис Пол лэй-апаа амжилттай болгож, зөрүүг 6 болгосноор Хорнетс хожих нь тодорхой болсон. Дерон – Пол нар нийт 14 удаа хоорондоо тулахад 3 дахь удаагаа л Полийн баг хожиж байна.  Хорнетс улирал эхэлснээс хойш 3 дахь удаагаа л айлын талбайд хожлоо. Жазз 3 дараалан, сүүлийн 6 тоглолтынхоо 5-д нь хожигдов.

Дерон энэ тоглолтонд 3000 дахь оновчтой дамжуулалтаа хийсэн бөгөөд ийм амжилтанд хүрсэн Жаззын 4 дэх тоглогч боллоо. Жон Стоктон, Карл Мэлоун, Рики Грин нар өмнө нь Жаззаас 3000+ оновчтой дамжуулалт хийж байж.

“Клипперс” – “Портленд” – 105:95 (20:21, 25:24, 33:29, 27:21)

К: Каман – 20 + 8 самбар. Гордон – 19. Дэвис – 15 + 9 дамжуулалт.

П: Уэбстер – 25. Миллер – 22 + 16 дамжуулалт. Ховард – 16.

Клипперс талбай дээрээ гэмтэлд нэрвэгдсэн Портлэндийг хожлоо. Каманн, Гордон нар оновчтой довтолж, Кэмби сайн хамгаалалтууд хийж байснаар Клипперс улирлын 15 хожлоо авав.

Портлэндээс Андре Миллер хамгийн сайн тоглосон ч Брэндон Рой тааруу байлаа. 15 тоглолт дараалан 20+ оноо авсан цуврал нь тасалдав.

Маргаашийн тоглолтууд:

Шарлотт – Чикаго

Индиана – Орландо

Филадельфи – Вашингтон

Нью-Жерси – Милуоки

Даллас – Детройт

Денвер – Голден Стэйт

Портленд – Мемфис

Сакраменто – Финикс

Л.А. Лейкерс – Хьюстон