“Индиана” – “Орландо” – 97:90 (24:19, 21:20, 23:23, 29:28)

И: Хибберт – 26 оноо, Хэд – 18, Д.Жонс – 13

О: Нельсон, Пьетрус – 16, Барнс, Редик – 13

Пейсерсийн залуу төвийн тоглогч Рой Хибберт лигийн супермэн Дуайт Ховардийн эсрэг өөрийн дээд амжилт 26 оноо авч, Пейсерс талбай дээрээ Мэжикийг хожиход гол үүрэг гүйцэтгэлээ. Пейсерс 43 оноогоор хожигдсон тоглолтынхоо дараа бүсийнхээ шилдэг багуудын нэгийг ийн хожив. Мэжик 2 дараалан хожигдсон бөгөөд эдгээр 2 баг нь 2-уулаа хожлын 50 хувьд хүрээгүй багууд юм. Дуайт сүүлийн 5 тоглолтынхоо 4-т нь 12-оос бага оноо аваад байна.

“Хибберт  илүү идэвхтэй болоод байна. Чухал үед бөмбөг авахыг хүсдэг болсон. Яг одоо тэрээр үнэхээр гайхалтай тоглож байна. Түүнийг хэн нэгэн зогсоож чадна гэж бодохгүй байна. Өнөөдөр л гэхэд Дуайт Ховардаас хамаагүй илүү тоглолоо, Дуайт бол лигийн хамгийн шилдэг тоглогчийн нэг” хэмээн Пейсесрийн хамгаалагч Брэндон Раш багийн андаа магтжээ.

Мэжикийн хамгаалагч Винс Картер 15 довтолж, ердөө 2-ийг нь оновчтой болгосон. Картер одоогоор Мэжикт төдий л сайн тоглохгүй байна. Хедо Туркоглу, Картер нарын Хедо нь Мэжикт илүү зохицсон тоглогч байжээ гэж бодогдохоор байна, одоогоор бол. Гэхдээ хойшид юу ч болохыг үгүйсгэхгүй. Харж л байя.


“Филадельфи” – “Вашингтон” – 97:104 (26:23, 32:21, 22:34, 17:26)

Ф: Даламберт – 20 оноо+20 самбар, Игоудала – 20, Уильямс – 19

В: Жеймисон – 32 оноо+14 самбар, Янг – 21, Аренас – 19+14 самбар

Жеймисон оноо  түүж, самбараас сайн авч, Аренас оновчтой дамжуулалтууд олон хийснээр Визардс Филлиг талбайд нь хожлоо. Уг нь Филли эхний хагаст хамаагүй илүү тоглосон ч 2-р хагаст 18 онооны давамгайллаа бариулан хожигдов. Визардс энэ улиралд Филлитэй 3 тоглож, 3 дахиа хожиж байна. Визардс 4 дараалан хожигдсон цувралаа зогсоов.

5:52 үлдээд байхад Далемберт оновчтой довтолж, Филли 4 оноо илүү болсон ч Визардс дараалан 10 оноо авч, хожих үндсээ тавьжээ. Далемберт, Игуодала, Уилльямс нар сайн тоглосон боловч Айверсон, Брэнд нар харагдсангүй. Тоглолтын өмнө Айверсоныг Филли улирал дуустал тоглуулах шийдвэр гаргаад байсан. Айверсон өнөөдөр ердөө 4-хөн оноо авсан байна.

“Денвер” – “Голден Стэйт” – 123:122 (28:30, 37:32, 33:34, 25:26)

Д: Мартин – 27 оноо+13 самбар, Лоусон, Смит – оба-21

Г: Мэггетт – 35, Эллис – 32, Кьюрри – 26

Монта Эллис нийт 32 оноо авсан, үүний дотор 15.2 секунд дутуу байхад хожлын байж болох 2 оноо авсан ч шийдвэрлэх мөчид багаа хөөдлөө. Голден Стэйт 1 оноо илүү байхад Денвер бөмбөгийг тоглолтонд оруулж, Жи.Ар Смит талбайн төвөөс шахам шидэлт гүйцэтгэх үед Монта Эллис алдаа гаргасан юм. Тийм хол зайнаас оновчтой шидэх боломж мэдээж бага. Монта Эллис туршлагагүйтлээ л гэж хэлж болохоор. Смит торгуулийн 2 шидэлтээ оновчтой болгосноор Денвер 1 оноо илүү болсон. Цаг дуусахад 0.4 секунд л үлдээд байсан тул Смит сүүлийн шидэлтээ санаатай алдаж, Эллист алдаагаа засах боломж үлдээсэнгүй.

Денверээс Биллапс, Кармело болон Крис Андерсон тоглоогүй. Тэдний эзгүйд Кенион Мартин багаа тэргүүлэн 27 оноо, 13 самбараас авалт хийв. Мөн энэ тоглолтонд Трай Лаусон, Нене нар гэмтэл авчээ.

“Шарлотт” – “Чикаго” – 113:108 (31:28, 28:24, 28:28, 26:28)

Ш: Уоллес – 32, Жексон – 25. Мюррей – 25.

Ч: Роуз – 24, Сэлмонс – 19, Денг – 18

Хит, Кавальерсийг талбайд нь хожоод байсан Бобкэтс энэ удаа Буллзыг талбай дээрээ хожлоо. Жеральд Уоллес 32, Стивен Жексон, Флип Мюррей нар тус бүр 25 оноо авснаар Бобкэтс дараалсан 3 дахь хожлоо авч, Дорнодийн 7-д бичигдэж эхлэв. Энэ баг байгуулагдсанаасаа хойш анх удаа плей-оффийн байранд бичигдэж байгаа нь энэ. Стивен Жексоны солилцооноос хойш Бобкэтс тун сайн тоглож байна.

Буллзээс Роуз хамгийн олон оноо авсан ч маш олон удаа ТО хийжээ. Үүнийг Буллзын дасгалжуулагч Дель Негро ч онцолсон. Сүүлийн мөчид Буллз тоог тэнцүүлэх боломжтой байсан ч Роуз, Сэлмонс нар сул шидээд алЖээ.
“Нью-Жерси” – “Милуоки” – 76:98 (16:22, 25:30, 18:26, 17:20)

Н: Яньлянь – 22, Дуглас – 12, Лопес – 11

М: Богут – 18, Делфино – 17, Уоррик – 13

Делфино, Риднур, Уоррик зэрэг Баксийн нөөц тоглогчид 53 оноо авч, Бакс Нетсийг талбайд нь хожлоо.  Бакс улирал эхлээд 15 дахь тоглолтоо зочилж хийж, 4 дэх хожлоо л авч байгаа нь энэ.

Нетсээс И Жинлянь хамгийн сайн тоглож 22 оноо авсан ч Харрис зэрэг гол тоглогчид нь маш муу тогложээ. Нетс 34 дэх тоглолтоо хийж, 31 дэх хожигдлоо хүлээв. Нетс мөн хамгаалагч Рафер Алстоныг багаасаа хассан бөгөөд түүнийг Майами Хит авсан байна.
“Даллас” – “Детройт” – 98:93 (14:22, 22:22, 32:24, 30:25)

Дал: Терри – 26, Новицки – 22 оноо, 12 самбар, Мэрион – 18

Дет: Хэмилтон – 20, Виллануэва – 17, Стакки – 15

Детройт Пистонс баг 1994 оны 4 сараас хойшхи хамгийн олон дараалсан хожигдлоо хүлээв. Өнөөдөр Далласын талбайд зочилж хожигдсоноор сүүлийн 10 тоглолтондоо дараалан хожигдлоо. Далласийн Дирк Новицки, Жейсон Терри нар нийт 48 оноо авч багийнхаа довтолгооны гол цөм болов. Даллас 2 хоногийн өмнө Лейкерст 35 онооны зөрүүтэй ялагдаад байсан тул энэ удаа хожих хэрэгтэй байсан, үүнийгээ ч биелүүллээ.

Дирк Далласын төлөө 873 дахь тоглолтондоо оролцож, Дерек Харперийг ардаа орхин  багийнхаа түүхэнд тоглосон тоглолтоороо 2-т бичигдэх болов. Диркээс 11 тоглолтоор илүү Брэд Дэвис 1-т бичигддэг юм байна.

“Портленд” – “Мемфис” – 105:109 (25:24, 33:33, 21:30, 26:22)

П: Рой – 27, Уэбстер – 21, Миллер – 16 оноо, 10 самбар

М: Рэндолф – 27 оноо, 14 самбар, Мэйо – 27, Газоль – 18 оноо+10 самбар

3:45 дутуу байхад Портлэнд 104:96-аар хожиж байв. Гэвч Мемфис төгсгөлийг маш сайн хийж, 13 оноо авч, ганцыг алдсанаар 4 онооны илүүгээр хожлоо. Мемфис ийн 4 дараалан ялж, 17-16 болов. Гэхдээ тэд плей-оффын гадна бичигдэж байгаа. Хэрэв Дорнод бүсэд байсан бол 5-д бичигдэх байв.

Мемфисээс 2 ч тоглогч (Гэй 20.8, Рэндольф 20.2) 20+ оноог дунЖаар авч байгаа бөгөөд 2 тоглогч нь ийм амжилттай байгаа лигийн ганц баг нь юм байна.
“Сакраменто” – “Финикс” – 109:113 (25:34, 24:29, 32:25, 28:25)

С: Эванс – 27, Касспи – 24, Ночиони – 19

Ф: Нэш – 30 оноо, 12 дамжуулалт, Стаудмайр – 24, Ричардсон – 20

Санс 7  дараалан айлын талбайд хожигдсоны эцэси Кингзийг Арко Аренад нь хожлоо. Нэш кареертаа 15 дахь удаа 30+ оноо, 10+ оновчтой дамжуулалт хийв. Харин энэ улиралд анх удаа 30-10 үзүүллээ.  Амаре, Жей.Рич нар мөн сайн тогложээ.

Талбайн эздээс Касспи, Эванс гэсэн 2 шинэ тоглогч нь тун сайн байлаа. Кингзийн довтлогч Франсиско Гарсиа өнгөрсөн 10 сараас хойш анх удаа бэлтгэл хийжээ. Гэхдээ тэрээр тоглох болоогүй хэвээр аж.

“Лейкерс” – “Хьюстон” – 88:79 (22:15, 19:18, 18:22, 29:24)

Л: Байнум – 24, Брайант – 22, Одом – 17 оноо+19 самбар + 9 дамжуулалт

Х: Лэндри – 19, Брукс – 18, Ариза – 15

Өмнөх тоглолтонд гэмтсэн По Газоль тоглоогүй ч Рон Артист эргэн ирж, Ламар Одом маш сайн тоглож, Лейкерс талбай дээрээ Рокитсийг хожлоо. 4-р үед Байнум 11 оноо авч багтаа тусалсан бөгөөд Лейкерс 4 дэх дараалсан хожлоо авав. Лейкерс талбай дээрээ 20-3 амжилт үзүүлээд байгаа нь одоогоор лигт тэргүүлэх амжилт юм.

По Газолийн гэмтэл санасныг бодоход гайгүй байсан ба тэрээр маргаашийн тоглолтонд оролцож магадгүй гэнэ.