“Клипперс” – “Лейкерс” – 102:91 (25:26, 27:17, 27:30, 23:18)

К: Дэвис – 25, Каман – 21, Гордон – 18.

Л: Брайант – 33, Байнум – 15, Браун – 15

Нэг хотын 2 баг дундаа нэг ордонтой. Энэ удаагийн тоглолтын талбайн эзэн баг нь Клипперс байв. Эдгээр багуудын өмнөх 9 тоглолтонд бүгдэд нь Лейкерс хожоод байсан бол энэ удаа Клипперс хожлоо. 2007 оны 4 сарын 12-ноос хойш анх удаа Клипперс Лейкерсийг хожиж байгаа гэнэ.

Клипперс мөн 2006 оны 11 сарын 2-ноос 18-ний хооронд талбай дээрээ 6 дараалж хожиж байснаасаа хойш анх удаа 5 дараалан талбай дээрээ хожив.

Лейкерсийн Газоль тоглоогүй. Түүний гэмтэл улирлын эхэнд 11 тоглолт өнжиж байсан шиг хүнд биш бөгөөд удлаа гэхэд ирэх долоо хоногоос тоглож эхэлнэ. Газоль Лейкерсийн гарааны бүрэлдэхүүнд байгаагүй 24 тоглолтын 8-д нь Лейкерс хожигдсон үзүүлэлттэй юм байна.
“Атланта” – “Нью-Жерси” – 119:89 (32:15, 29:30, 28:25, 30:19)
А: Кроуфорд – 26, Жонсон – 20, Уильямс – 12
Н: Яньлянь – 19, Харрис – 15, Лопес – 12

Атланта дараалсан 4 хожигдлоо өнөөдөр зогсоов. Тэд талбай дээрээ Нетсийг 30 онооны илүүгээр хөнгөхөн хожлоо. Сэлгээнээс тоглосон Жамал Кроуфорд 26 оноогоор багаа тэргүүлжээ.

“Майами” – “Бостон” – 106:112 НЦ (35:30, 19:27, 24:18, 23:26, 5:11)
М: Уэйд – 44, Хаслем – 19, О’Нил – 14.
Б: Рондо – 25, Аллен – 22, Перкинс – 20

Тоо 99:99, 5.5 секунд дутуу байх үед Селтикс сүүлчийн довтолгоо хийх ёстой байв. Гэвч Уэйд Рэй Алленаас бөмбөгийг булааж, данк хийхэд 0.6 секунд үлджээ. Хит 2 оноо илүү. Пирс завсарлагын дараа бөмбөгийг тоглолтонд оруулж, Рондод шууд довтолсноор үндсэн цаг тэнцэв. Тун санаанд оромгүй явдлууд тоглолтын сүүлийн хэдхэн секундэд болсон нь энэ. Улмаар цаг сунгаж, мөнөөх Рондо 34 секунд дутуу байхад зөрүүг +4 болгосноор Селтикс айлын талбайд 3 дараалан ялагдаад байсан цувралаа зогсоосон юм. Рондо өмнөх тоглолтыг гэмтлийн улмаас өнжсөн ч эргэн ирээд 25 оноо авч, багийнхаа хожилд гол үүрэг гүйцэтгэв.

Хитээс Уэйд 44 оноо авсан ч баг нь хожигдлоо.

“Миннесота” – “Голден Стейт” – 101:107 (22:34, 22:27, 23:17, 34:29)
М: Жефферсон – 26, Лав – 23, Брюер – 19.
Б: Маггетти – 28, Эллис – 20, Кьюри – 16

Монта Эллис сүүлийн 48 цагт талбайд нийт 96 минут тоглох боломжтойгоос 83-т нь тогложээ. Ер нь тэрээр энэ улиралд олон ч тоглолтонд бүтэн 48 минут тоглосон, одоогоор дунджаар 41.6 минутаар лигийг тэргүүлж байгаа.

Өнөөдөр тэрээр Миннесотагийн эсрэг 38 минут тоглож, 20 оноо, 7 самбараас авалт, 6 оновчтой дамжуулалт хийж багтаа туслан Голден Стэйт улирлын 10 дахь хожлоо авав. Айлын талбайд 8 дараалан хожигдоод байсан цувралаа зогсооход Кори Маггетти мөн 28 оноогоор тусалжээ.  Маггетти гараанд гарсан 13 тоглолтондоо дунджаар 23 оноо, сэлгээнээс тоглосон 20 тоглолтондоо дунджаар 15.8 оноо аваад байна.

Уириорз одоогоор талбай дээрээ лигт хамгийн бага буюу 13 тоглолт л хийгээд байгаа. Гэхдээ тэд дараагийн 24 тоглолтынхоо 18-г нь Оракл Аренадаа хийх гэнэ.

“Орландо” – “Торонто” – 103:108 (27:23, 22:35, 19:28, 35:22)
О: Льюис – 24, Ховард – 20, Нельсон – 16.
Т: Барьняни – 18, Бош – 18, Туркогду – 17

Улирлыг тааруухан эхлүүлсэн Торонто одоо л учраа олж байгаа бололтой. Тэд өнөөдөр Орландог талбайд нь хожлоо. Торонто сүүлийн 8 тоглолтынхоо 7-д нь хожив. Харин Мэжик 3 дараалан хожигдоод байна. Эдгээр 3 хожигдол нь бүгд хожлын 50 хувьд хүрээгүй багуудтай хийсэн тоглолтынх байв. Тэд мөн 2006-2007 оны улирлаас хойш 4 дараалан хожигдоогүй байгаа. Дараагийн тоглолтоо Мэжик Вашингтонтой хийнэ.

4-р үед Торонто 18 оноогоор давамгайлж байсан ч нэлээн бариулж, 43.4 секунд дутуу байхад Картер 2 оноо авснаар тоог 101:103 болгожээ. Улмаар  цаг дуусахын өмнөхөн Реддик тоог тэнцүүлэх боломжтой 3 онооны шидэлтээ алдсанаар Торонто хожсон юм. Рэпторсийн холбогч Кальдерон гэмтлээс эргэн ирж, 8 оновчтой дамжуулалт хийжээ.
“Оклахома Сити” – “Нью-Орлеан” – 92:97 (23:23, 23:25, 35:31, 11:18)
О: Дюрант – 26, Грин – 20, Крстич – 11, Уестбрук – 11.
Н: Уэст – 19, Окафор – 15, Пол – 14

Хорнетс өнөөдөр хожсоноор улирал эхэлснээс хойш анх удаа хожлын 50+ хувьд хүрлээ. Хорнетс өмнө нь Оклахомад байсан, энд Пол оны шилдэг шинэ тоглогчоор тодорч байлаа. Тэрээр хуучин дэмжигчдийнхээ өмнө тоглож, 11.1 секунд дутуу байхад чухал лэй-апаа амжилттай болгосноор Хорнетс хожив.

Дюрант 27 оноо авсан ч 4-р үед ердөө 2-хон оноо авсан байна. Ер нь Тюндер 4-р үед нийтдээ 11-хэн оноо авчээ.

“Сан-Антонио” – “Детройт” – 92:112 (27:28, 32:24, 18:23, 35:17)
С: Паркер – 23, Жефферсон – 17, Жинобили – 16.
Д: Хэмилтон – 29, Вильянуэва – 14, Стакки – 13

Спэрсийн талбайд хожигдсоноор Пистонсийн дараалсан хожигдлын тоо 11 болов. 4-р үеийн эхэнд Бен Гордон оновчтой шидэж, тоог 77:77 болгосон. Дараа нь торгуулийн шидэлтээр 1-р үеэс хойш багаа анх удаа тоогоор илүү гаргах боломжтой байсан ч алдсан юм. Харин үүнээс хойш Спэрс 35 оноо авч, 15-ийг л алдсанаар улирлын 21 дэх хожлоо авлаа. 2007 оны 3 сарын 23-наас хойш Спэрс талбай дээрээ Пистонсийг хожоогүй байж.

“Бид 36 минут сайн тоглосон” гэж Принц хэлжээ. Үнэхээр ч 4-р үед Пистонс тун муу байж, нийт 23 дахь хожигдлоо хүлээсэн.

“Финикс” – “Хьюстон” – 118:110 (36:33, 17:27, 32:26, 33:24)
Ф: Нэш – 26, Студемайер – 25, Фрайе – 20.
Х: Брукс – 34, Лэндри – 31, Ариза – 15

Эхлээд Санс 16 оноогоор тэргүүлж байсан ч 2-р үед Рокитс сайн тоглож, -16 онооны алдагдлаа + 16 онооны давамгайлал болгосон. Гэвч үлдсэн хугацаанд Санс илүү тоглож, улмаар 8 оноогоор хожлоо. Рокитсийн 2 тоглогч 30+ оноо авсан ч Сансын 4 тоглогч 20+ оноо авчээ.

“Би ийм тоглолт харж байгаагүй. Бид эхлээд 16 оноогоор тэргүүлсэн. Дараа нь тэд 16 оноогоор тэргүүлсэн. 32 онооны өөрчлөлт гэсэн үг” хэмээн 30-аад жил дасгалжуулагч хийсэн Жентри тоглолтын дараа хэлсэн бол үүнтэй төстэй үгийг Ж. Ричардсон мөн хэлжээ.

“Кливленд” – “Вашингтон” – 121:98 (29:23, 36:20, 36:37, 20:18)
К: Жеймс – 23, О’Нил – 17, Паркер – 16.
В: Жэмисон – 26, Фойе – 18, Янг – 14

Тоглолт болохоос хэдэн цагийн өмнө Визардс өөрийн багийн лидерээ, хамгийн олон оноо авдаг тоглогчоо, магадгүй энэ улирлаа алдсан. Юу гэвэл Дэвид Стерн Аренасыг мөнгөөр торгоогүй ч тоглох эрхгүй болгож шийтгэсэн юм. Шийтгэл одоогоор яг таг тодорхой болоогүй ч хууль, шүүхийн байгууллага хэргийг шалгаж дуустал Аренас тоглохгүй. Шалгаж дууссаны дараа Стерн яг ямар шийтгэл хүлээлгэхээ шийдэх биз. Юутай ч тэрээр энэ улиралд бараг тоглохгүй болов уу. 111 сая долларын гэрээ нь дуусахад 4 жил хагас үлдээд байгаа Аренас ийн НБА-ын нүүр царай болсон баян супер одын замналаа өөрөө сүйтгэх шахуу дээрээ тулаад байна. Торгуультай тоглолтын тоогоор тэр мөнгө алдана. Энэ улиралд 16.2 сая доллар авах ёстой байсан ч одоо тоглолт бүрт 147200 доллар хасагдана. Магадгүй Визардс түүний гэрээг цуцлахыг оролдох ч юм бил үү? Мөн түүнээс Адидас зэрэг спонсор компаниуд нь ч нүүрээ буруулж болзошгүй. Миний сонссоноор Адидастай 30 саяын гэрээтэй гэж байгаа. 2 жил гэмтэлтэй байж байгаад энэ улиралд овоо тоглож байсан ч хөзөр тоглож алдсан 25 000 долларын мөрийгөө төлөхгүй луу унжсанаас болж буу шийдэмдээ тулсан Аренас одоо өөртөө л гомдохоос яахав. Криттентонтой буу тулгалцсан нь тоглоом байсан гэж Аренас хэлсэн ч энэнд хэн итгэх билээ.

Дашрамд Аренаст төрсөн өдрийнх нь мэндийг хүргэе. Тэрээр 28 хүрч байгаа.

Кавальерс – Визардс багууд тэнцүү өрсөлддөг, ривалууд байсан. Гэвч одоо энэ түүх дуусаж байх шиг байна. Аренасгүй Визардсийг Кавальерс талбай дээрээ арчаад өнгөрөв. ЛеБрон 3 үе тоглохдоо 23 оноо, 8 оновчтой дамжуулалт, 7 самбараас авалт хийсэн бол Шак 17 минутанд 17 оноо авчээ.

“Би Гилийг энэ тоглоомонд хайртай гэдгийг мэднэ. Түүнд одоо маш хэцүү байгааг би мэдэж байна” хэмээн 12-р сарын Дорнод бүсийн шилдэг тоглогч ЛеБрон хэлсэн байна.

Лос Анжелесийн баг хожиж, хожигдов, 10.0 out of 10 based on 1 rating