ATP-гийн шинэчилсэн чансааг өчигдөр танилцууллаа. 2008 оны 8 сараас хойш эхний 4-н байрнаас буугаагүй Энди Мюррэй, Аргентиний Хуан Мартин дель Потрод байраа алдаж 5-р байранд бичигджээ.

Шинэ оны эхэнд Мюррэй эх орноо төлөөлөн Хопманы цомын тэмцээнд оролцосон тул , Катарын нээлттэй тэмцээнийг өнжихөөс өөр аргагүй болсон юм.

Гэхдээ Австралийн нээлттэй тэмцээний өмнө ийнхүү зиндаа уруудсан нь Эндигийн санааг тийм ч их зовоохгүй байна. ”Тэмцээний оноолтод энэ бүхэн нэг их нөлөө үзүүлэхгүй байх. Угаасаа финалд шалгарахын тулд хүнд өрсөлдөгчидтэй тулах нь ойлгомжтой хойно нэг байр ухарлаа гээд ямар нэгэн өөрчлөлт гарахгүй байлгүй” хэмээн ярьсан байна.

Чансааны эхний байранд өнгөрсөн оны шилдэг теннисчин Рожер Федерер 10550 оноогоор, хоёрдугаар байранд Рафаель Надаль 9310 оноогоор тус тус бичигдсэн байна. Харин  анхныхаа Их Дуулгын түрүүг хүртсэн дель Потро 8310 оноотой байна.

#	Нэр	оноо	Өмнөх	Шилжилт
1	Рожер Федерер	10550	1	▬ =
2	Рафаель Надаль	9310	2	▬ =
3	Новак Жокович	8310	3	▬ =
4	Хуан Мартин дель Потро	6785	5	▲ 1
5	Энди Мюррэй	6780	4	▼ 1
6	Николай Давыденко	4930	6	▬ =
7	Энди Роддик	4510	7	▬ =
8	Робин Содерлин	3410	8	▬ =
9	Фернандо Вердаско	3300	9	▬ =