“Хьюстон” – “Миннесота” – 120:114 3 ОТ (30:13, 23:31, 16:17, 20:28, 9:9, 7:7, 15:9)

Х: Брукс – 43. Ариза – 19. Лэндри – 16.

М: Жефферсон – 26 + 26 самбар. Гомес – 18 + 8 самбар. Эллингтон – 17.

Рокитс эхний үед 17 оноогоор тэргүүлсэн тул бүсийнхээ хамгийн муу баг Миннесотаг амархан хожно гэж бодсон байх. Гэвч тийм зүйл болсонгүй, талбайн голоос хийсэн баззер шот, Ал Жефферсоны дээд амжилт, 3 нэмэлт цаг гээд сонирхолтой тоглолт боллоо.

Рокитс 3 дахиа 3 удаа цаг сунгасан тоглолт хийж байгаа бол Миннесота анх удаа 3 цаг сунгаж байгаа нь энэ.

Кори Брьюр үндсэн цаг дуусах дохиотой зэрэг шахуу талбайн төвөөс шидэхэд бөмбөг цагирагт орж цаг сунгав. Эхний нэмэлт цагийн сүүлийн 1 минутанд багуудын аль нь ч оноо аваагүй тул 2 дахиа сунгасан. 16.9 секунд дутуу байхад Брукс тоог 105:102 болгосон ч Эллингтон 8.4 секунд дутуу байхад 3 оноо авснаар 3 дахиа цаг сунгажээ. 3 дахь нэмэлт цагт Рокитс 6 оноо илүү авснаар 3 цаг 10 минут үргэлжилсэн тоглолтын ялагч болжээ.

Аарон Брукс 43 оноо авч, өөрийн дээд амжилтаа тогтоосон байна.

“Атланта” – “Вашингтон” – 94:82 (17:13, 28:20, 21:29, 28:20)

А: Жонсон – 24. Кроуфорд – 22. Уильямс – 16 + 8 самбар.
В: Жэймисон – 25 + 19 самбар. Фой – 18. Батлер – 15 + 11 самбар.

Жонсон 24, Жамал 22 оноо авч Хоукс талбай дээрээ Визардсийг хожиж, улирлын 25 дахь ялалтаа авлаа. Жэймисон 25 оноо, 19 самбараас авалт хийсэн ч Визардс 3 дахиа дараалан, мөн сүүлийн 9 тоглолтноос 7 дахь хожигдлоо хүлээв.

Хоукс энэ улиралд талбай дээрээ 14-2 болсны дээр 4-р үеийг оноогоор илүү эхлүүлсэн 26 тоглолтынхоо 22-т нь хожоод байна.

“Индиана” – Финикс” – 122:114 (24:35, 28:33, 39:23, 31:23)

И: ГрейнЖер – 33 + 8 самбар. Данливи – 30. Хибберт – 14 + 8 самбар. Уотсон – 14.

Ф: Стаудмайер – 21. Нэш – 20 + 9 дамжуулалт. Хилл – 14.

Санс 24 оноогоор тэргүүлж байсан ч Грейнжер, Данливиг хамгаалж чадалгүй давамгайллаа алдаж, бүр 8 онооны зөрүүгээр хожигдов.  Энэ долоо хоног Пейсерсийн хувьд тун онцгой болж байна. Тэд 2 дахь тоглолтондоо 20-оос дээш оноог барьж, хожлоо. Даваа гаригт Пейсерст 23 оноогоор хожигдож байгаад хожиж байсан удаатай.

Тоглолтын дундуур Стив Нэш Ирл Уотсонд нүүр лүүгээ тохойдуулж багагүй хугацаанд тоглолтоос гарсан байна.

“Филадельфи” – “Нью-Йорк” – 92:93 (26:30, 22:17, 20:21, 24:25)

Ф: Айверсон – 16. Карни – 13. Деламберт – 21 + 21 самбар.

Н: Дэвид Ли – 24 + 9 самбар. Чандлер – 18. Харрингтон – 17.

Дэвид Ли 24 оноо авсны дотор 13.3 секунд дутуу үед хожлын оноо авсан лэй-апаа оновчтой болгосноор Никс өрсөлдөгчөө талбайд нь ганц оноогоор хожлоо. Лигийн эмээ нь өчигдөр 92 насандаа өөд болсон бөгөөд Ли тоглолтонд оролцохгүй гэж байсан ч бодлоо өөрчлөн, багтаа туслахаар шийдэж, үүнийх нь хүчинд Никс хожив.

Никс Филадельфигийн талбайд 9 дараалан хожигдсоны эцэст хожлоо. Филлигээс Айверсон хамгийн өндөр 16 оноог авсан бол Далемберт 12 оноо, 21 самбараас авалт хийсэн ч Андре Игуодала, Луи Уилльямс, Элтон Брэнд нар маш муу тогложээ.

Далембертийн төрөлх Гайтид газар хөдлөлт болж, 100 гаруй мянган хүн амь үрэгдээд байгаа юм. Далемберт 1980 онд Гайтигийн Порт-ау-Принцт төрж, 14 настайдаа Канадын Монреал руу шилжсэн юм байна.

“Даллас” – “Лейкерс” – 95:100 (24:27, 21:22, 26:27, 24:24)

Д: Новицки – 30 + 16 самбар. Ховард – 18. Кидд – 11 + 11 дамжуулалт.

Л: Байнум – 22 + 11 самбар. Артест – 16 + 11 самбар. Одом – 18 + 14 самбар.

Коби нурууны гэмтлийн зовиуртай тоглож, улирлын хамгийн бага 10 оноо авсан ч тоо тэнцүү, 28 секунд дутуу байхад дундын шидэлтээ амжилттай болгож, Лейкерс 97:95 буюу 2 оноо илүү болж, улмаар Далласын довтолгог хамгаалж чадсанаар 100:95-аар хожлоо.

Коби эхний хагаст гэмтлээс болж төдий л олон минут тоглоогүй. “2-р хагаст ‘Чи зүгээр үү?’ гэж би Кобигоос асуусан. Тэр ‘Тийм ээ, би одоо сайн байна’ гэж хэлсэн. Даанч Далласынхан түүнийг нь мэдээгүй. Улмаар сүүлийн мөчид 1-ийн эсрэг 1 тоглож, тэрхүү чухал шидэлтээ оновчтой болголоо” гэж Артист хэлжээ.

Энэхүү хожлыг авснаар Лейкерс НБА-ын түүхэнд 3000 хожилд хүрсэн анхны баг болсон бол Дирк Новицки 20 000 оноо авсан НБА-ын түүхэн дэх 34 дэх тоглогч болов. Мөн тэрээр 20 000 + оноо авсан 4 дэх Америк биш тоглогч болжээ.

Хаким Олажьювон	Нигери	26,946
Доминик Уилкинс	Франц	26,668
Патрик Юинг	Ямайк	24,815
Дирк Новицки	Герман	20,001

“Нью-Жерси” – “Бостон” – 87:111 (22:38, 13:33, 29:19, 23:21)

Н: И Жинлянь – 19. Лопес – 18 + 10 самбар. Харрис – 15.

Б: Пирс – 24. Аллен – 15. Дэвис – 13.

Селтиксийн хувьд Нетс өрсөлдөгч биш байлаа. Бостон эхний 11 шидэлтийнхээ 10-г нь оновчтой болгож, эхний хагаст 71 оноо авсан бол Нетс 35 оноо л авч. Селтикс ийн Нетсийг 11 дэхээ дараалан хожлоо.

Өмнөх тоглолтонд шүүгчтэй шийдвэрийг эсэргүүцсэн Селтикс дасгалжуулагч Док Риверсийг НБА 25000 доллараар торгосон байна.  “Шүүгчийн шийдвэр буруу байсан…Өнгөрсөн долоо хоногт 2 ч дасгалжуулагч над шиг байдлаар шүүгчийг эсэргүүцсэн ч тэднийг яагаачгүй, би л торгуулж байна” гэж Риверс хэлжээ.

“Оклахома-Сити” – “Сан-Антонио” – 108:109 ОТ (18:35, 33:28, 26:13, 22:23, 9:10)

О: Дюрант – 35. Уэстбрук – 25 + 13 дамжуулалт. Грин – 16 + 10 самбар.

С: Паркер – 28 + 8 дамжуулалт. Блэйр – 28 + 21 самбар. Хилл – 16.

Өчигдөр Лейкерсийг амархан хожсон Спэрс энэ удаа Оклахомаг ширүүн өрсөлдөөний эцэст хожлоо. Попович Данканыг амраасан нь ч нөлөөлсөн байх.  Гэхдээ Данканыг орлосон шинэ тоглогч Д. Блайр 28 оноо, 21 самбараас авалт хийж, тун сайн тоглолт үзүүлжээ.

Үндсэн цаг дуусахаас 9 секундын өмнө Паркер оновчтой шидэж, Спэрс 2 оноо илүү гарсан ч Вестбрук хариуг нь барьж тоо тэнцсэн. Үлдсэн хугацаанд МакДэйсс шидсэн ч оновчтой болоогүй тул цаг сунгав.

Нэмэлт цаг дуусахад 9.1 секунд дутуу байхад Ричард Жефферсон дундын шидэлтээ оновчтой болгож, Спэрс 1 оноогоор илүү гарсан бөгөөд Вестбрук цаг дуусахтай зэрэгцэн шидсэн ч амжилтгүй болсноор Спэрс хожжээ.

Жефферсоны шидэлтийн өмнө Ману Жинобили бөмбөгөө алдах дөхсөн ч гарч яваа бөмбөгийг гайхалтай татан, Жорж Хиллд дамжуулж, Хилл Жефферсонд дамжуулснаар Жефферсон 2 оноо авсан болно. Жинобилигийн тэрхүү гарч яваа бөмбөгийг татаж буй агшныг бид НБА-ын миксүүдээс дахин олон удаа харах байх.

“Денвер ” – “Орландо” – 115:97 (25:25, 25:28, 35:19, 30:25)

Д: Энтони – 27. Биллупс – 24. Жи. Ар. Смит – 17.

О: Барнс – 28 + 9 самбар. Реддик – 13. Пьетрус – 12.

Өчигдөр энэ улирлын шилдэг тоглолтынхоо нэгийг гаргасан Дуайт өнөөдөр харин хамгийн муу тоглолтоо үзүүлж, Орландо Денверт зочлоод бут ниргүүлэв. Наггетс тун сайн тоглож, 55.8 хувьтай довтолж байлаа. Мэжик сүүлийн 7 тоглолтынхоо 5-д нь хожигдов. Винс Картер 3 дахиа дараалан тоглолт өнжжээ. Мэжик одоогоор дивизионоо тэргүүлж байгаа ч дараагийн тоглолтондоо Портлэндэд хожигдвол Атлантад гүйцэгдэж магадгүй болжээ.

“Нью-Орлеан” – “Клипперс” – 108:94 (28:25, 22:23, 28:22, 30:24)

Н: Окафор – 21. Стоякович – 20. Крис Пол – 15 + 15 дамжуулалт.

К: Дэвис – 19. Скиннер – 14. Торнтон – 12.

Хорнетс Клипперсийг 12 дахиа дараалан хожив. Хорнетс ийн сүүлийн 8 тоглолтынхоо 7-д нь хожил байгууллаа. Пол сүүлийн 5 тоглолтондоо нийт 74 оновчтой дамжуулалт өгөөд байна.

Клипперс тоглолтонд хожигдсоноос гадна драфтын 1 номероор сонгож авсан Блэйк Гриффинийгээ ч мөн алдаад байна. Гриффин энэ сард талбайд гарна гэж байсан ч 1-р сарын 20-нд гэмтэлтэй өвдгөндөө хагалгаа хийлгэх болжээ. Гриффин улирлын тоглолтонд нэг ч тоглолт хийгээгүй бөгөөд 10 сарын 23-нд болсон хяналтын тоглолтонд данк хийгээд буухдаа өвдгөө гэмтээсэн билээ.

Гриффин энэ улиралд нэг ч тоглолт хийгээгүй тул ирэх улиралд шинэ тоглогч гэсэн статустай байх юм. Оны шилдэг шинэ тоглогчийн шагнал ч хүртэх боломжтой. 2007 он драфтын тэргүүн Грег Оденд ч иймэрхүү явдал тохиолдож 2008-2009 оны шинэ тоглогчийн санал асуулгад нэр дэвшиж байлаа.

Клипперс 1988-89 онд Дэнни Мэннингийг сонгож, Мэннинг ердөө 26 тоглолт тоглоод л мөн өвдөгний хагалгаанд орж байж. 1998 онд Клипперс Майкл Оловокандиг 1-ээр авахад Нигери гаралт төвийн тоглогч эхний улиралдаа 45 тоглолт л хийж байлаа.

“Портленд” – “Милуоки” – 120:108 (31:16, 35:30, 31:25, 23:37)

П: Рой – 22. ОлдриЖ – 21. Миллер – 19.

М: Ильясова – 24. Микс – 21. Женнингс – 12.

Рой 2-р үед олон минут тоглоогүй ч 22 оноо авч багаа тэргүүлэн, Портлэнд талбай дээрээ Баксийг амархан хожлоо. Ройг гэмтэл зовоож байгаа ч дараагийн Мэжиктэй хийх тоглолтонд оролцоно гэжээ. 19 тоглолтыг нурууны гэмтлээс болж өнжсөн Руди Фернандес эргэн ирсэн бөгөөд дасгалжуулагч Н. МакМиллиан түүнийг дараагийн хэдэн тоглолтонд төдий л олон минут тоглуулахгүй гэж төлөвлөж байгаа гэнэ.

“Голден Стэйт” – “Майами” – 102:115 (23:22, 21:30, 32:38, 26:25)

Г: Мэггетти – 25. Морроу – 24. Эллис – 17.

М: Уэйд – 35 + 9 дамжуулалт. Ж. О’Нил – 24. Бисли – 19.

Уэйд энэ тоглолтыг өнжиж магадгүй байсан ч тоглож, 35 оноогоор багаа тэргүүлж, Хит Голден Стэйтийг талбайд нь хожлоо. Уэйд 15 довтолж, 10-ийг нь оновчтой болгосон юм. Мөн торгуулийн 15 шидэлтээ бүгдийг нь оновчтой болгосон байна.

Голден Стэйтийн хувьд сүүлийн 7 тоглолтынхоо 5-д нь хожигдсоны дээр улирлын хамгийн урт 7 дараалсан талбай дээрх тоглолтынхоо эхний 3-т нь 1-2 амжилт үзүүлээд байна.