Монголын Биатлоны холбоо удирдах зөвлөлийн гишүүдийн бүрэлдэхүүнээ өөрчлөн өвлийн спортын төрлөөр олон арга хэмжээ зохион явуулахаар төлөвлөжээ. Ингэснээр Монголын биатлоны холбооны үйл ажиллагаа дахин сэргэснийг харуулж байгаа юм.

Монголын Биатлоны холбоо, УБЕГ-тай хматран энэ сарын 30-нд “Цасны баяр”-ын арга эхмжээг зохион байгуулах гэж байна. Түүнчлэн ирэх сарын эхээр хүүхэд залуусын Найрамдал төвд Өсвөр насны хүүхдүүдийн дунд “цанын тэмцээнийг” явуулах юм байна.

Мөн энэ онд хилийн чанадад болох ОУ-ын Биатлоны холбоодын хурал, зөвөлгөөнд манай улсаа өөрийн холбооны төлөөлөгчийг томилон оролцуулахаар төлөвлөжээ. Тус холбоо цаашид биатлоны материаллаг бааз, спортын хэрэгслийг бүрдүүлэх тал дээр хичээн ажиллах бөгөөд өвлийн спорт сонирхогч хүүхэд залуучууд, бусад насныхныг өргөнөөр үйл ажиллагаандаа татан оролцуулна гэдгээ ярьж байлаа.

Түүнчлэн ирэх оноос эхлэн улсын нэрэмжит биатлоны тэмцээн уралдаан зохион байгуулах, энэ спортыг хөгжүүлэх, дэлгэрүүлэх, таниулан сурталчлах төлөвлөгөөтэй ажиллаж байгаа юм байна.