Энэ өвлийн Формула-1ын амралт үйл явдлаар арвин, сонин содон зүйлээр дүүрэн, бүр дэндүү дүүрэн болж байна. Өнөөдөр бас нэгэн сонирхолтой явдал тохиолдлоо.

БМВ Заубер багийн удирдлагууд багтаа 39 настай Испаний уралдаанч Педро де ла Росаг авахаар гэрээгээ үзэглэжээ. 2002 оноос хойш нэг багийн төлөө бүтэн уралдаж байгаагүй тэр ийнхүү 8 жилийн дараа багийн үндсэн нисгэгч болж байна. 2002 оноос хойш тэр МакЛарен багийн туршин нисгэгч байсан ба Хуан Пабло Монтойяг эзгүй үед хэд хэдэн уралдаанд гарч уралдаж байв.

Зауберт ирсэн даруйдаа туршилтын уралдаануудад тун сайн байсан тэр ирэх улиралд амжилт үзүүлнэ гэдэгтээ итгэлтэй байна. Заубер багт түүний хамтрагч нь өнгөрсөн жил өөрийгөө хангалттай харуулж чадсан Камуй Кобаяаши байх юм. Формула-1-ын шинэ эринд хур их туршлага, залуу насны холимог баг хэрхэн хүч үзэхийг бид тун удахгүй харах нь ээ.