“Бостон” – “Портленд” – 98:95 НЦ (30:25, 25:25, 19:19, 17:22, 7:4)

Б: Пирс – 24, Рондо – 19, Уоллас – 14
П: Миллер – 28, ОлдриЖ – 19+10 самбар, Уэбстер – 19.

Селтикс талбай дээрээ Портлэндийг нэмэлт цаг хожсоноор дараалсан хожигдлоо 3 дээр зогсоов. 10 тоглолтыг өвдөгний гэмтлээс болж өнжсөн Гарнетт өнөөдөр эргэн ирсэн. Селтикс энэ улиралд Гарнеттийг гараанд гарсан 30 тоглолтын 23-т нь хожсон бол түүний эзгүйд 11 тоглож, 6-д нь хожигдсон амжилттай.

Рэй Аллен өнөөдөр муу тоглосон ч нэмэлт цаг дуусахад 42 секунд дутуу байхад 3 онооны шидэлтээ оновчтой болгосон нь Селтиксийн хожилд гол нөлөө үзүүлсэн болно.

Портлэндийн лидер Брэндон Рой тоглоогүй, дахин 3-4 тоглолт ч өнжиж магадгүй гэнэ. Түүний эзгүйд өнөөдөр Андре Миллер 28 оноо авч, 8 дамжуулалт, 8 самбараас авалт хийж багаа тэргүүлжээ.

“Вашингтон” – “Майами” – 88:112 (15:32, 27:25, 22:28, 24:27)

В: Блатч – 19, Батлер – 14. Фойе – 14.
М: Уэйд – 32+10 дамжуулалт, О’Нил – 18, Бизли – 15.

Хит энэ долоо хоногт “орон гаран” байна. Эхлээд 30 онооны зөрүүтэй хожил, 2 хоногийн дараа 39 онооны хожигдол, өнөөдөр 24 онооны илүү хожил. Өнөөдөр Хит Визардсийн хожиход Бүх оддын тоглолтын гарааны хамгаалагч Д. Уэйд 32 оноо авч багаа тэргүүлсэн бол Жермайн 18 оноо авчээ.

Удонис Хаслем 479 дэх тоглолтоо хийж, Хитийн түүхийн 3 дахь хамгийн олон тоглолтонд оролцсон тоглогч болжээ.

“Торонто” – “Милуоки” – 101:96 (28:25, 20:32, 20:16, 33:23)

Т: Жек – 27, Бош – 17, Белиньелли – 12
М: Риднур – 27, Богут – 22, Женнингс – 14.

2 хоногийн өмнө Крис Бош кареерийнхаа хамгийн олон оноог авсан ч Торонто Бакст хожигдсон. Харин энэ удаа Бош 17 оноо авсан ч баг нь хожив. Бакс хамгийн ихдээ 15 оноогоор тэргүүлж байсан ч хожил авч чадаагүй. Тэд сүүлийн 4 тоглолтынхоо 3-т нь хожигдоод байна. Тэд энэ улиралд айлын талбайд нийт 22 тоглож, 17-д нь хожигджээ. Харин Рэпторс талбайдаа хийсэн сүүлийн 9 тоглолтынхоо 8-д нь хожлоо.

Рэпторсийн төвийн тоглогч А. Барньяни өнөөдөр нурууны гэмтлээс болж тоглоогүй бөгөөд энэ улиралд 2 дахь удаагаа л тоглолт өнжив.

“Орландо” – “Сакраменто” – 100:84 (23:22, 25:10, 29:17, 23:35)

О: Ховард – 19+15 самбар, Льюис – 15, Редик – 15
С: Эванс – 15, Томпсон – 10+10 самбар, Родригес – 8.

Дуайт бэлтгэл бүрийнхээ дараа 100 удаа торгуулийн шидэлт хийж байгаа гэнэ. Ямар ч байсан өнөөдөр тэрээр Кингзийн эсрэг торгуулийн эхний 10 шидэлтээ дараалан оруулж, сүүлийн 2-ийнхоо нэгийг нь алдан тун сайн шиджээ. Мэжик өнөөдөр хожсоноор 28-15 болж байгаа бөгөөд бүсдээ 4-т бичигдэж байгаа.

Кингзийн хувьд 6 дахиа дараалан хожигдож буйн дээр айлын талбайд 3-18 амжилт үзүүлээд байна.
“Филадельфи” – “Даллас” – 92:81 (24:25, 30:23, 18:12, 20:21)

Ф: Янг – 22, Спэйтс – 14, Айверсон – 11
Д: Новицки – 15, Гуден – 14, Мэрион – 12.

Эдди Жордан өнөөдрийн тоглолтонд Л. Уилльямс, Т. Янг нарыг сэлгээний тоглогч болгон, Ж. Холидэй, Э. Брэнд нарыг гараанд гаргажээ. Энэ өөрчлөлт үр дүнгээ өгч, Филли Өрнөдийн хүчирхэг багуудын нэг Далласыг хожив. Янг нар энэ улиралд Филлигийн бүх 41 тоглолтонд гараанд гарсан 3 тоглогчийн нэг байсан юм. Тэрээр Далласын эсрэг 22 оноо авсныхаа 16-г нь 2-р үед авчээ. Улмаар 2-р үед олсон давамгайллаа Филли хадгалж чадсанаар тоглолтонд хожсон байна.

“Атланта” – “Шарлотт” – 103:89 (31:17, 16:26, 36:22, 20:24)

А: Кроуфорд – 24, Хорфорд – 23, Жонсон – 19
Ш: Уоллас – 25, Жексон – 24, Маррей – 11.

Хоукс 1, 3-р үеүдэд маш сайн тоглосноор ойрд тун сайн тоглож байгаа багийг буулгаж авлаа. Шарлотт 6 дараалан хожоод байсан цуврал нь зогслоо. Хоукс дивизионоо тэргүүлсэн хэвээр үлдэж байгаа төдийгүй Бостоныг гүйцэн бүсдээ 2-т бичигдэх боломж ч өндөр байна. Хоукс 28-14 бол Бостон 28-13 байгаа юм.
“Детройт” – “Индиана” – 93:105 (19:31, 26:22, 22:32, 26:20)

Д: Хэмилтон – 27, Жеребко – 14, Стаки – 10
И: ГренЖер – 25, Раш – 19, Мерфи – 16+11 самбар.

Грейнжер, Раш, Мерфи нарын сайн тоглолтын ачаар Пейсерс өрсөлдөгчөө талбайд нь хожлоо. Пистонс 13 дараалж хожигдсоныхоо дараа 3 дараалж хожоод байсан, өнөөдөр хожигдлоо. Пейсерс айлын талбайд 23 тоглож, 5 дахиа л хожиж байна.
“Мемфис” – “Оклахома” – 86:84 – 28:20, 20:29, 24:20, 14:15

М: Гей – 25, Рэндольф - 25, Газоль – 15+13 самбар.
О: Дюрант – 30, Грин – 15, Харден – 13.

1.3 секунд дутуу байхад Руди Гэй дундаас Дюрантийн хамгаалалтын эсрэг оновчтой шидэж, Мемфис талбай дээрээ 10 дахиа дараалан хожлоо.  Оклахомаг Дюрант 30 оноогоор тэргүүлсэн ч сүүлийн шидэлтээ оновчтой болгож чадаагүй тул баг нь хожигдсон. Дюрант 17 тоглолт дараалан 25+ оноо аваад байгаа.

Эдгээр багуудын тоглогчдын дундаж нас нь аль алиных нь ердөө 25 гаруй. Өөрөөр хэлбэл лигийн хамгийн залуу 2 баг юм. Гэхдээ одоогоор аль аль нь 50 хувиас дээш хожилтой.

“Миннесота” – “Нью-Орлеан” – 94:96 (24:26, 29:27, 18:21, 23:22)

М: Жефферсон – 25+13 самбар, Флинн – 20, Брюир – 13
Н: Пол – 23, Вест – 14, Сонгайла – 13.

Жеймс Пози 2 тоглолт дараалан багтаа хожил авчирлаа. 2 хоногийн өмнө Мемфисийн эсрэг Пози 1.1 секунд дутуу байхад лэй-апаа оновчтой болгож Хорнетс хожиж байсан бол энэ удаа Миннесотагийн эсрэг ч мөн л сүүлийн мөчид амжилттай довтолсон байна. Хорнетс улирлын 23 дахь хожлоо авч байгаа бол Миннесота 35 дахь ялагдлаа хүлээв.

3.5 секунд дутуу байхад Ж. Флинн алдаатай оролт хийж, 3 оноо авснаар тоо тэнцсэн ч Миннесота  Позиг сүүлийн мөчид хамгаалж чадсангүй.
“Сан-Антонио” – “Хьюстон” – 109:116 (31:28, 25:27, 21:28, 32:33)

С: Данкан – 25+14 самбар, Паркер – 22+10 дамжуулалт, Хилл – 15
Х: Брукс, Лаури – оба-по 23, Лэндри – 19.

Тим Данкан 20 000 оноо авсан лигийн түүхэн дэх 35 дахь тоглогч болсон ч Спэрс өнөөдөр талбай дээрээ Рокитст хожигдлоо. Рокитс Зул сараас хойш анх удаа айлын талбайд хожил авав.

37 секунд дутуу, Спэрс 4 оноо дутуу байхад Ричард Жефферсон дундын шидэлтээ алдсанаар СПэрсийн найдвар үгүй болсон юм. Спэрс 2 хоногийн өмнө Жаззад хожигдоход Жазз 2-р хагаст 61 хувьтай довтолж байсан бол өнөөдөр Рокитс 2-р хагаст 60 хувьтай довтолжээ. Спэрс маш муу хамгаалж байна гэсэн үг. Спэрс энэ улиралд хожил нь хожигдлоосоо их буюу сайн багуудын эсрэг тун муу тоглож байна.

“Нью-Йорк” – “Лейкерс” – 105:115 (30:36, 33:27, 22:21, 20:31)

Н: Ли – 31+17 самбар, Чендлер – 28, Галлинари – 20
Л: Брайант – 27, Газоль – 20, Байнам – 19.

Эхний 3 үед багууд тэнцүү тоглож байсан ч 4-р үед Лейкерс илүү тоглож хожлоо. 4-р үед Коби 13 оноо авсан байна. Лейкерс Никсийг 6 дараалан хожиж байгаа нь энэ. Лейкерс мөн 100-аас дээш оноо авсан 28 тоглолтынхоо 27-д нь хожиж байна. Харин 100-аас доош оноо авсан 15 тоглолтынхоо 9-д нь хожигджээ. Нисксийн хувьд 50 хувиас дээш хожилтой багуудын эсрэг 20 тоглож, 14-т нь хожигдоод байгаа гэнэ.

Коби өнгөрсөн жил Мэдисон Сквэр Гарденд 61 оноо авч байлаа. Ер нь тэрээр энд 11 удаа зочлохдоо дунджаар 30.5 оноо авдаг үзүүлэлттэй. Лейкерсийн ройд-трип дуусахад дахиад 6 тоглолт үлдсэн.

“Голден Стэйт” – “Нью-Жерси” – 111:79 (26:21, 24:23, 38:21, 23:14)
Г: Карри – 32, Мэггетт – 29, Мартин – 16
Н: Лопес – 21, Ли – 17, Яньлянь – 10.

Монта Эллис шагайгаа гэмтээсэн тул Дон Нельсон түүнийг 48 минут тоглуулж чадсангүй, харин шинэ тоглогч С. Курриг 48 минут тоглууллаа. Курри ч 32 оноо авч багаа тэргүүлсэн байна.

Нетс дахин 10 дахиа дараалан хожигдож байгаа, нийт 3-39 болов. Мөн хамгаалагч Девин Харрис нь эхний хагаст гэмтэл авч талбайг орхижээ.

Голден Стэйтийн Кори Маггетти өнөөдөр 29 оноо авсан.3 дараалж 30 оноо аваад байсан тэрээр өнөөдөр нэмээд 1 оноо авсан бол 2001 оны Э. Жеймисоноос хойшхи 4 дараалж 30+ оноо авсан анхны тоглогч болох байлаа. Гэхдээ тэрээр 1964 оны У. ЧАмберлинээс хойш 11 тоглолт дараалан 10-аас дээш торгуулийн шидэлт гүйцэтгэсэн  анхны Уириорзийн тоглогч болсон.

“Финикс” – “Чикаго” - 104:115 (26:35, 28:29, 29:24, 21:27)
Ф: Стодемайр – 23, Хилл – 17, Фрай – 16
Ч: Роуз – 32, Денг – 23, Ноа – 19.

Буллз Сансыг талбайд нь хожлоо. Буллз айлын талбайд ердөө 5 дахиа хожиж байгаа бол Санс талбай дээрээ 5 дахиа л хожигдов. Д. Роүз өнөөдөр 21 довтолгооныхоо 15-ыг нь оновчтой болгож 32 оноо авч багаа тэргүүлсэн байна.

Гайтид туслах Буш Клинтоны санд өнөөдрийн тоглолтонд авсан оноо бүхийнхээ тоогоор 1000 доллар хандивлах НБА-ын 10 тоглогчийн нэгэнд багтсан Роүз ийн 32 000 долларын хандив өргөв. Роүзээс гадна По Газоль, Т. Эванс, Э. Жеймисон, Жо Жонсон зэрэг тоглогчид авсан оноо бүрээ 1000 доллараар үнэлж, уг санд өгсөн байна.