Хас банкны “Ирээдүйн саятан” хүүхдийн хадгаламжийн нэрэмжит 100 буудалт даамын өсвөр үеийн аварга шалгаруулах 8 дахь удаагийн тэмцээн энэ сарын 22-24-ны өдрүүдэд болж өнгөрлөө. Мөн тэмцээн СХД-ийн 83-р сургууль дээр явагдсан бөгөөд 6 аймаг, 6 дүүрэг, 2 клубын нийт 91 тамирчин өрсөлджээ. Түүнчлэн тэмцээн 7-12 насны охид, хөвгүүд, 13-15 насны охид, хөвгүүд, 16-18 насны охид хөвгүүд зэрэг нийт 3 насны ангилалаар явагдсан юм. Тус тэмцээнийг Хас банк, Хөгжлийн алтан сан холбоо 8 дахь жилдээ ивээн тэтгэгчээр ажилласан байна.

Тэмцээний 7-12 насны охидын ангилалд  Хөтөлийн Номин-Эрдэнэ тэргүүлсэн бол , 2-т Дорноговь аймгийн Хонгорзул, 3-т Баянзүрх дүүргийн Одгэрэл нар орсон бол хөвгүүдээс энэ ангилалд тэргүүн байранд Дорноговь аймгийн Санжаа,удаах байруудад мөн тус аймгийн Даваа, Бат-Оргил нар удаалсан байна. 13-15 насны ангилалд 1-р байр БЗД Энхцэцэг, 2-т СХД Одбаяр, 3-т БГД Мөнгөнжолоо орсон бол хөвгүүдээс 1-р байрт БТДС Түмэннасан, 2-т Дорноговь аймгийн Соронзонболд, 3-т БТДС-ийн Бямбасүрэн нар эзэлжээ. Харин 16-18 насны охидын ангилалд 1-т Дархан-уул аймгийн Нандинцэцэг, 2-т Алтан титэм клубын Нямгэрэл, БЗД-ийн Намуун нар удаалсан бол хөвгүүдээс энэ ангилалд 1-т Алтан титэм клубын Энхбат, удаах байруудад Дорноговь аймгийн энхболд, мөн аймгийн Ганбямба нар орсон байна.