“Финикс” – “Шарлотт” – 109:114 ОТ (33:26, 21:22, 29:29, 15:21, 11:16)

Ф: Стив Нэш – 23 + 9 дамжуулалт. Фрай – 20. Дадли – 18 + 10 самбар.

Ш: Жэксон – 30 + 9 самбар. Диао – 24 + 11 самбар. Уоллес – 21 + 9 самбар.

Бобкэтс нэмэлт цагт Сансыг талбайд нь хожлоо. Бобкэтс баг Финиксийн талбайд анх удаа хожил авч байгаа нь энэ. Санс сүүлийн 9 тоглолтынхоо 7-д нь, мөн улирлыг 14-3 эхэлснээсээ хойш 12-18 амжилт үзүүлээд байна.

Үндсэн цаг дуусахаас 19.9 секундын өмнө Стивен Жексон 3 оноо авч, тоог тэнцүүлсний дээр нэмэлт цагийн эхэнд 20 фут зайнаас оновчтой шидэж Бобкэтст тэргүүлэл авчирж. Энэ нь уг тоглолт эхэлснээс хойшхи Бобкэтсийн ердөө 2 дахь тэргүүлэл байжээ. Жексон энэ тоглолтонд 30 оноогоор багаа тэргүүлсэн бөгөөд түүнийг энэ улирлын Бүх оддын тоглолтонд оролцох эрхтэй хэмээх НБА сонирхогчид цөөнгүй байна.

“Сакраменто” – “Голден Стэйт” – 99:96 (23:18, 26:20, 24:22, 26:36)

С: Удрих – 24. Эванс – 23. Хоуз – 18 + 13 самбар.

Г: Кёрри – 27 + 9 самбар. Мартин – 20. Маггети – 19 + 12 самбар.

Кингз дараалсан хожигдлоо 7 дээр зогсоов. Тэд Голден Стэйтийш хожиход Удрих, Эванс нар багаа тэргүүлж. Харин Кевин Мартин маш муу тогложээ. Кингз эхний 30 тоглолтынхоо талд нь хожоод байсан ч дараагийн 13 тоглолтынхоо 12-т нь хожигдож уруудсан. Одоо тэп плей-офф бодоход тун хүнд.

“Вашингтон” – “Лейкерс” – 103:115 (29:30, 15:30, 28:27, 31:28)

В: Жэмисон – 27 + 9 самбар. Батлер – 18 + 8 самбар. Фой – 11. Хэйвуд – 11 + 8 самбар.

Л: Газоль – 26 + 10 самбар. Брайант – 26 + 8 дамжуулалт. Одом – 15 + 8 самбар.

Лейкерсийнхэн АНУ-ын ерөнхийлөгч Барак Обаматай уулзсаныхаа маргааш нь нийслэлийн багтай тоглож, 12 онооны илүүгээр хожив. Коби, Газоль нар тус бүр 26 оноо авч багаа тэргүүлжээ. Лейкерс өмнөх 8 зочлон тоглолтынхоо 6-д нь хожигдоод байсан. Өнөөдөр хожсоноор 8 тоглолт бүхий аялан тоглолтынхоо 4 дэх тоглолтноос 2 дахь хожлоо авлаа.

Визардсийн хувьд 4 дэхээ дараалан хожигдов.

“Нью-Йорк” – “Миннесота” – 132:105 (40:16, 28:29, 28:19, 36:41)

Н: Дэвид Ли – 28 + 10 самбар. Харрингтон – 26 + 10 самбар. Чандлер – 20.

М: Брюйер – 22. Сешнс – 20. Павлович – 16.

Никс сүүлийн тоглолтондоо 50 онооны зөрүүгээр хожигдож онигоотсон ч энэ удаа Миннесотаг 27 онооны илүүгээр хожлоо. Лигийн түүхэнд 50-аас дээш оноогоор хожигдсон тоглолтынхоо дараагийн тоглолтонд хамгийн олон онооны илүүгээр хожил авсан баг нь Никс болов. Мөн 50+ оноогоор хожигдсоныхоо дараах тоглолтонд 20+ онооны илүүгээр хожил авсан лигийн түүхэн дэх 3 дахь баг бас болжээ.

Никс тоглолтын эхнээс л тасарч, 15 оноо дараалан авсан бол Миннесота нэг ч оноо аваагүй байна. Никс 1 сарын 3-нд Пейсерсийн эсрэг мөн 132 оноо авсан удаатай.

Крис Духон нэг ч оноо аваагүй хэрнээ 13 оновчтой дамжуулалт хийсэн. Өмнө нь Никсээс Грег Энтони 1993 онд Орландогийн эсрэг нэг ч оноо аваагүй ч 14 оновчтой дамжуулалт хийж байж.

“Даллас” – “Милуоки” – 108:107 (28:27, 31:26, 24:24, 25:30)

Д: Новицки – 28 + 8 самбар. Терри – 21. Ховард – 13.

М: Богут – 32 + 9 самбар. Дельфино – 22. Женнингс – 12.

Улирлын эхэнд энэ 2 баг тоглоход Новицки баззер-шот хийн Даллас хожиж байсан. Энэ удаа ч тэд ойролцоо тоглолт хийж, Даллас ганц оноогоор хожив. Даллас энэ улиралд 5 оноо дотор шийдэгдсэн 17 тоглолтынхоо 13-т нь хожоод байна. Мөн Даллас 2007 оны 1 сараас хойш 10 дахиа дараалан 1 оноогоор шийдэгдсэн тоглолтонд хожил авлаа. 1959-1960 онд Сент Луис Хоукс ийм нөхцөлд мөн 10 дараалж хожиж байж.