Ливерпулийн сүүлийн 10 жилд авсан тоглогчдын жагсаалт

2000
(өвөл)
-
(зун)
Эмил Хески, «Лестер»-ээс ирж, «Ливерпүүл»д 4,5 улиралыг үдсэн
Бернар Диомед, «Осер», 3 (1 улирал зээлээр)
Гари Макаллистер, «Ковентри», 2
Ник Бармби, «Эвертон», 2
Маркус Баббель, «Бавари», 4 (1 улирал зээл)
Кристиан Циге, «Мидлсбро», 1
Грегори Виньяль, «Монпелье», 5 (2,5 зээл)
2001
(өвөл)
Игор Бишчан, «Динамо Загреб», 4,5
Даниель Сьолунд, «Вест Хэм», 2
Яри Литманен, «Барселона», 1
(зун)
Йон Арне Риисе, «Монако», 7
Милан Барош, «Баник», 3
Ежи Дудек, «Фейенорд», 6
Крис Киркленд, «Ковентри», 7 (5,5 зээл)
Антони ле Таллек, «Гавр», 5 (3,5 зээл)
Флоран Синама-Понголь, «Гавр», 5 (3 зээл)
2002
(өвөл)
Абель Шавьер, «Эвертон», 1,5 (0,5 зээл)
(зун)
Алу Диарра, «Бавария», 3 (2 зээл)
Бруно Шейру, «Лилль», 4 (2 зээл)
Эль-Хажи Диуф, «Ланс», 3 (1 зээл)
Салиф Диао, «Седан», 5 (2,5 зээл)
Патрис Лужи, «Аяччо», 3
2003
(өвөл)
-
(зун)
Стив Финнан, «Фулхэм», 5
Харри Кьюэлл, «Лидс», 5
Карл Медьяни, «Сент-Этьен», 3 (2 в аренде)
2004
(өвөл)
-
(зун)
Жибриль Сиссе, «Осер», 2
Хосеми, «Малага», 1,5
Антонио Нуньес, «Реал», 1
Шаби Алонсо, «Реал Сосьедад», 5
Луис Гарсия, «Барселона», 3
2005
(өвөл)
Маурисио Пеллегрино, «Валенсия», 0,5
Фернандо Морьентес, «Реал», 1,5
Скотт Карсон, «Лидс», 3 (2,5 зээл)
(зун)
Будвейн Зенден, «Мидлсбро», 2
Пепе Рейна, «Вильярреал», 4,5
Антонио Барраган, «Севилья», 1
Мохаммед Сиссоко, «Валенсия», 3,5
Марк Гонсалес, «Альбасете»зээл, 2 (1 зээл)
Питер Крауч, «Саутхемптон», 3
Жек Хоббс, «Линкольн Сити», 4 (1,5 зээл)
2006
(өвөл)
Ян Кромкамп, «Вильярреал», 0,5
Даниэль Аггер, «Брондбю», 4
Робби Фаулер, «Манчестер Сити», 1,5
(зун)
Крэйг Беллами, «Блэкберн», 1
Габриэль Палетта, «Атлетико Банфилд», 1
Фабио Аурелио, «Валенсия» , 3,5
Жермейн Пеннант, «Бирмингем», 3 (0,5 зээл)
Дирк Кюйт, «Фейенорд», 3,5
Набиль Эль Жар, «Сент-Этьен» , 3,5
2007
(өвөл)
Хавьер Машерано, «Вест Хэм» (зээл), 3
Альваро Арбелоа, «Депортиво», 2,5
(зун)
Себастьян Зун, «Атлетико Ланус», 2 (1 зээл)
Эмилиано Инсуа, «Бока», 2,5
Кристиан Немет, «МТК Будапешт», 2,5 (1 зээл)
Андрей Воронин, «Байер», 2,5 (1зээл)
Фернандо Торрес, «Атлетико», 2,5
Йосси Бенаюн, «Вест Хэм», 2,5
Райан Бабел, «Аякс», 2,5
Лукас Лейва, «Гремио», 2,5
Шарль Итанж, «Ланс», 2,5 (зээл)
Дамьен Плессис, «Лион», 2,5
Дани Пачеко, «Барселона», 2,5
2008
(өвөл)
Мартин Шкртел, «Зенит», 2
(зун)
Филипп Деген, «Боруссия Дортмунд» , 2
Андреа Доссена, «Удинезе» , 2
Диего Кавальери, «Палмейрас» , 2
Давид Н’Гог, ПСЖ, 2
Робби Кин, «Тоттенхэм», 0,5
Альберт Риера, «Эспаньол» , 2
2009
(өвөл)
-
(зун)
Сотириос Кирьякос, АЕК, 0,5
Глен Жонсон, «Портсмут» , 0,5
Альберто Аквилани, «Рома» , 0,5
Дээд амжилтууд
Хамгийн үнэтэй наймаа – Фернандо Торрес («Атлетико», £20m нэмэх Луис Гарсия)
Рафа Бенитезийн гадаадаас довтлогчид авчрахдаа нэг бус удаа алдаа гаргаж байсан ч энэ удаад Эль-Ниньогийн хувьд жинхэнэ нүдээ олсон сонголт болов. Гэрээ санасан Луис Гарсия дээр нэмээд 20 сая гэдэг бол өнөө үеийн европын хамгийн шилдэг төвийн довтлогчийг авчирсантай харьцуулахад шалихгүй зүйл. Хурдтай, урьдчилан таамаглахын аргагүй, хүчирхэг испани довтлогч ирсэн даруйдаа Стивен Жеррардтай гайхалтай хослолыг бий болгон Фаулер, Овен, бүр Иан Рашаас ч хурдан эхний 50 гоолоо оруулсан билээ.
Хамгийн ашигтай наймаа-Шаби Алонсо. «Реал Сосьедад»-аас £10,5-аар аван, «Реал Мадридад» £30m-р зарсан.
“Энфилд”-эд ирмэгцээ Премьер лигийн шилдэг пасслагчдийн нэг болсон Шаби Алонсогийн тухай энд дурьдах нь илүүц бизээ. 2008-09 онд гайхалтай нэгэн улирлыг үдсэний дараагаар түүнийг явахтай холбоотой шуугианы цуурай бидний санаанд илхэн байгаа хойно. Хэдийгээр санхүүгийн хувьд ашигтай наймаа болсон ч “мөнгөнд жаргал байдаггүй” гэдгийн үлгэрийг тодоор харуулсан.
Бүтээгүй хамгийн шуугиантай наймаа -Габриэль Хайнце («Манчестер Юнайтед»)
10 жилийн хугацаанд Копууд илүү нэртэй тоглогчдын наймааг хийж байсан боловч дуулиан тарьснаараа үүнийг гүйцэх нь гарахгүй л болов уу.
2007 оны зун Рафа олон жилийн уламжлалыг эвдэхээр шийдэн Хайнцед 7 сая фунтын санал тавихад мань эр ч дуртай зөвшөөрөв. Харин Манчестер Юнайтед эрс татгалзаж, аргентин залуу сар орчим гундуу царайлан, МЮ-гийнхан хэвлэлд “эд нартай бид ийм зүйл хийдэггүй” гэсэн байнгын хариу өгч байсны эцэст “эзэн нь юмаа мэдэн”, Реалаас бүгдийнх нь таалалд нийцсэн /Ливерпүүлээс бусад/ санал ирснээр асуудал шийдэгдэв.

Хамгийн бүтэлгүй наймааны гарааны баг

Кирклэндээс 10 дахин бага үнээр, цалин ч бас түүндээ дүйсэн, дээрээс нь зөвхөн цомын тоглолтуудад л гаргаж байсан зэргийг нь харахад Шарль Итанжийн наймаа анхандаа тийм ч муу санагдаж байсангүй. Гэтэл 2009 оны 4 дүгээр сард “улаануудад” мартагдашгүй хар PR хийгээдхэв. Хиллсборогийн дурсгалд зориулсан арга хэмжээн дээр арзайтлаа инээн суугаа түүний дүр камерийн дуранд тодоос тод өртжээ. Цагаа олоогүй баяссан түүнийг ихээхэн дүнгээр торгон, хэл чимээгүй зээлээр явуулж санаа амарлаа.
Хамгаалалт:
Баруун жигүүрт Стив Финнантай яаж ч өрсөлдөөд баралгүй банзанд өмдөө элээсэн Хосеми. Игор Бишчан сүүлийн улиралд байраа буцаан эзэлснээр төвийн хамгаалалтыг Ян Кромкамп, Моурисио Пеллегрино нарт өглөө. Аргентин эр Валинсиад байхдаа Бенитезд үнэнчээр хүчин зүтгэсэн боловч шинэ саадыг давахад арай л хөгширсөн байсан юм /35 нас/. Хамгаалалтын шугамыг тухай сэдвийг Андреа Доссенагаар төгсгөл болгоё. 7 саяар ирсэн итали залуу тун удалгүй өөсрдийнхөө фэнүүдийн хүртэл доог болов. Мэдээж хэрэг Реал болон МанЮ-ийн хаалганд хийсэн гоолыг нь санан олон зүйлийг уучилсан ч бүгдийг нь уучилж чадаагүй юм.
Дунд шугам: Жерар Улье Николья Анелькагаас Эль Хажи Диуфыг илүүд үзэж цаадах нь Саутхэмптоны хаалганд дубль хийснээр эхэлсэн боловч үүнээс хойш огт гоол оруулахаа болиход нь эхлээд жигүүр лүү нэг явуулж үзээд эцэст нь “Болтон” руу явуулав. Манайханд төвийн хагасууд дүүрэн байсан болохоор Харри Кьюэллд төвд гарах боломж тэр болгон олдоод байсангүй. Арсенал, МЮ-ийн өмнүүр орон түүнийг авсандаа Ливерпүүлийнхэн ихэд баяртай байсан боловч гайтай байнгын бэртэл гэмтэл саад болсон юм. Ингээд сүүлд нь Райан Бабель. Заримдаа их л өндөр түвшний тоглолт үзүүлэх боловч харамсалтай нь тэр нь байнга биш болохоор Энфильдэд хүлээсээр залхаж байх шиг байна.
Францад гялалзаж байсан Жибриль Сиссегийн Энфильд дэх карьер нь гэмтэл болон Бенитез түүнийг баруун жигүүрт тавих зуршлаас болоод нуржээ.
Хүчний хувьд хэн ч гомдохооргүй Фернандо Морьентесийг Премьер лигт ирэхэд нь жинхэнэ байх ёстой газраа ирлээ гэцгээж байсан ч түүний оргил он жилүүд Реал болон Монакод үлдсэн байсан юм.
Робби Кийний явдал үүнээс ч илүү гунигтай. 20 саяар авахыг клубын удирдлагууд Бенитест нялзаасан бөгөөд хар багаасаа “улаанууд”-ын эгнээнд байхыг мөрөөдөж байсан түүний мөрөөдөл бодит байдалтай тулгаран буцаад Тоттенхэм рүүгээ явсан юм.

Хамгийн амжилттай наймааны гарааны баг

Алдарт Стамбулын шөнө Ежи Дудекийг домог болгосон ч Бенитезийг шинэ хаалгач хайхад нь садаа болсонгүй, Вильярреалаас 6 саяар Пепе Рейнаг авчирчээ. Өнөөдөр түүний амжилтыг эргэн харахад /3 алтан бээлий, бөмбөг хаалгандаа алдаагүй дээд амжилт, пенальти цохигчдын эрлэг/ өөрийн эрхгүй яаж ийм бага үнээр явуулаа вэ гэж дуу алдахад хүргэнэ.
Баруун жигүүрийн хамгаалалт: Даруу төлөв, найдвартай, тогтвортой Финнан. Финнантай харьцуулахад Рийзег тогтвортой гэж хэлэхэд хэцүү боловч олон хаалгачдын зүрхэнд шар ус хуруулж байсан түүний аймшигтай хүчтэй цохилтууд нь одоо ч хар дарсан зүүдэнд нь үзэгддэг байх. /Нөгөө талаас АЛ-ийн хагас финалд хийсэн автогоол нь олон Ливерпүүлийн фэнүүдийн хар дарсан зүүдэнд үзэгдсээр/. Даниел Аггер-Мартин Шкртел-ийн хослолыг ирээдүй рүү чиглэсэн гэх нь илүү зөв талтай. Аггерийн гоёмсог ганган тоглолт нь түүний байнгын бэртэл гэмтэл, Шкртелийн ширүүн төрх нь улирлын эхний муу формонд нь бага зэрэг дарагддаг нь үнэн л дээ.
Хавьер Машераногийн наймаа нилээн юм болж байж бүтсэн ч одоо бол ПЛ-т хамгаалах чиглэлийн хагасуудаас түүний урьд гарах хүн байхгүй байх. Шаби Алонсогийн хувьд дээр бичсэн. Харин Гари Маккаллистерийг тусад нь авч үзэх хэрэгтэй. 35 настай Шотландын домгийг Энфильдэд ирэхэд нь олон хүн хүндэтгэнгүй гэхдээ гайхан мөрөө хавчиж угтаж байсан бол хаалттай цохилт, тоглолт уншихын мастер түүнийг явахад нь бүгд нүдэндээ нулимстай үлдсэн юм. 2 улирал тоглохдоо тэрбээр багийн уур амьсгалын түлхүүр, залуу тоглогчдод туршлагаасаа харамгүй хуваалцагч, хагас хамгаалалтын гол хүн байсан билээ.
Дирк Кюйт авъяасаасаа илүү шургуу хөдөлмөрч зангаараа өөрийн байраа энд эзэлсэн гэхэд буруудахгүй. Луис Гарсиягийн АЛ-ийн хагас финалд оруулсан гоолыг Копууд хэзээ ч мартахгүй билээ. Универсал тоглогчид арай ихэдсэн гэж хэлж болох манай багт одоо төгсгөл хийхэд айлтгүй болсон. Учир нь тэнд Фернандо Торрес байгаа юм.

By Liverpoolfan