Сагсан бөмбөгийн “Мөнгөн цагариг” клуб, Худалдаа хөгжлийн банктай хамтран жил бүр зохион байгуулдаг хэвлэл мэдээллийн ажилчдын сагсан бөмбөгийн тэмцээн өнгөрөгч өдрүүдэд зохион байгуулагдлаа.

Радио, телевиз, сонин хэвлэл гээд бүхий л төрлийн мэдээллийн хэрэгслийг хамардаг өргөн цар бүхий тэмцээнд манай хамт олон тав дахиа оролцож гурав дахиа манлайлсан юм. Тэмцээний шигшээ тоглолтонд Ийгл телевизийн багтай хүч үзэж 29-11 ээр хожсоноор даян аварга болох нь энэ ээ. Тэмцээний мөнгөн медалийг Ийгл телевиз, хүрэл медалийг С1 телевизийн баг хүртлээ. “Спортын цонх” сэтгүүлийн хамт олон нь энэхүү тэмцээнд 2006 оноос тогтмол оролцож ирсэн ба энэ 5 жилийн хугацаанд 3 алт, нэг мөнгө, нэг хүрэл медаль хүртэж байгаа юм.

Эмэгтэй багуудыг “уламжлал ёсоор” МҮОНТ-ийн баг манлайллаа. Тэд энэхүү тэмцээнд 5 удаа түрүүлж “дархан аваргын” болзол хангаж байна. Үндэсний телевизийн бүсгүйчүүд өмнө нь нэг л удаа шигшээ тэмцээнд “Одод” телевизийн багт ялагдаж мөнгөн медаль хүртэж байжээ. Бүсгүйчүүдийн мөнгөн медалийг ТМ телевиз, хүрэл медалийг Монголын мэдээ сонины баг энгэртээ зүүлээ. Энэ тэмцээнд Спортын цонхын дасгалжуулагчаар уламжлал ёсоор Монголын Спортын Сэтгүүлчдийн холбооны тэргүүн дэд ерөнхийлөгч Ч.Отгонбаатар ажилласан юм.

Тэмцээний шилдэг эмэгтэй тамирчнаар Ийгл телевизийн Ж.Төгсжаргал, эрэгтэй тамирчнаар С1 телевизийн Л.Пүрэв-Очир нар шалгарав.

“Спортын цонх” онлайн сэтгүүл, www.sportnews.mn -ийн багийн бүрэлдэхүүн :

Э.Амарсайхан

Д.Ганбаатар

П.Цолмонбаатар

Ж.Батмөнх (Таван Цагариг сонин)

Г.Хантулга

Ч.Халиун

Б.Хосбаяр

(нэрэн дээр дарж тэдний бичлэгүүдтэй танилцана уу )