Италийн цомын хагас шигшээд учраа таарсан  Интер Милан – Ювентус  багуудын тоглолт урьд шөнө Сан Сирод явагдлаа. Киро Феррара багийнхаа бүрэлдэхүүнд хэд хэдэн сэлгээний тоглогчдоо багтаасан бол Моуриньо ч мөн Сантон, Балотелли гэсэн залуусаа гаргажээ.

10 дахь минутад Кандрева, Сиссикогийн довтолгоог Диего гүйцээж Юве тоглолтыг тэргүүлж эхэллээ. Буффон үүнээс хойш хаалгаа амжилттай манаж өрсөлдөгчдөө боломж олгоогүй бөгөөд хоёрдугаар үеийн дунд хүртэл гоол алдаагүй. Гэвч Шнайдерийн гүйцэтгэсэн чөлөөт цохилтыг Лусио чулуу болгосноор Хуучин ноёд ”сандрал” орлоо.

Үүнээс ч муу зүйл удалгүй тэднийг дайрсан. Тьягу Моттагийн цохилтыг Буффон хааж амжсан ч ойсон бөмбөгийг нь Марио Балотелли нэмж тооны харьцааг 2 : 1 болгожээ. Ювентус ийнхүү Италийн цомоос хасагдаж Европын лигээс өөр боломжгүй болж байх шиг байна.

Мэдээж Киро Феррарагийн ирээдүй энд бараг шийдэгдчихлээ. Ювентусын удирдлагууд түүнийг орлох хүнийг хайсаар байгаа ч одоохондоо ямар нэгэн тохиролцоод хүрээгүй байгаа бололтой. Өнөөдөр Киро Феррара багийнхантайгаа хамт сүүлчийн удаа бэлтгэл хийх бөгөөд энэ амралтын өдөр Лациотой хийх тоглолтонд Юве шинэ дасгалжуулагчтай оролцож мэдэх нь.

Интер – Ювентус
Гоол : 10′ Диего (0 : 1), 72′ Лусио (1 : 1), 89′ Балотелли (2 : 1)

Интер : Толдо, Майкон, Лусио, Матераззи, Сантон, Занеттим Камбьяссо (61′ Мунтари), Мотта, Шнайдер, Балотелли, Пандев (80′ Милито)

Ювентус : Буффон, Григера, Каннаваро, Кьеллини, Гроссо, Кандрева, Мело, Сиссоком, Де Чельи (92′ Паулуччи) , Диего, Амаури,