Хоукс өнөөдөр талбай дээрээ Бостоныг хожсоноор энэ улиралд хоорондоо таарсан 4 тоглолтонд бүгдэд нь Хоукс хожлоо. 11 жилийн дараа ийн Хоукс Селтиксийг улирлын тоглолтонд бүрэн давамгайлав. Түүгээр зогсохгүй Хоукс бүсдээ дэд байранд бичигдэх боллоо. Саяхан Мэжикийг гүйцэн 3-т орсон бол ингээд Селтиксийг гүйцэн 2-т бичигдэх болж байна. Өнөөдрийн тоглолтын 4-р үед Жо Жонсон 16, нийт 27 оноо авснаар багаа тэргүүлжээ. Бостоноос Пол Пирс 35 оноо авч бүр сайн тоглосон  ч Рондо, Рэй Аллен нар түүнд тус болж чадсангүй.

Селтикс сүүлийн 7 тоглолтынхоо 5-д нь, мөн Орландо, Атланта багуудад дараалаад хожигдов. Хоуксийн талбайд 18732 үзэгч цугласан гэсэн албан ёсны мэдээлэл байсан бөгөөд энэ улиралд 4 дэх удаагаа л ордон үзэгчдээр дүүрсэн гэнэ.

Кливленд Индианаг талбайд нь хожиход ЛеБрон 22 оноо, 13 оновчтой дамжуулалт, 9 самбараас авалт хийв. Тэрээр сүүлийн 6 тоглолтноос 3 дахь удаагаа трипл-дабл хийхэд ганц самбар дутаж байгаа нь энэ.  Кавальерс 7 дахиа дараалан ялж, 37-11 болж байгаа бөгөөд энэ нь одоогоор лигийг тэргүүлэх үзүүлэлт юм.

Денвер 8 дараалаад хожсоныхоо дараа өнөөдөр Оклахомагийн талбайд зочилж тоглоод хожигдлоо. Дюрант 30 оноо авсан бол түүний эсрэг мөн 30 орчим оноо авах байсан Кармело гэмтлээс болоод мөн л тоглосонгүй.

Лейкерс өнөөдөр Филадельфид зочилсон. 2001 оны шигшээ тоглолтонд Айверсон – Коби, Шак нартай “үзэлцэж” хожигдож байсан бол энэ удаа Айверсон- Коби нар 3-р үед хуучин цагаа дурсацгаан ээлж дараалан довтолгоонуудаа амжилттай болгож байлаа. Тэдний өрсөлдөөн тэнцээгээр дууссан ч олон талаараа Лейкерс баг хамаагүй давуу байж, Филлиг талбайд нь хожив. Лейкерс айлын талбайд 4 дараалан хожигдсоныхоо дараах 7 зочлон тоглолтынхоо 5-д нь хожоод байна.

Энэ улиралд Вачова Центрийн бүх билет ердөө 2 удаа л зарагдсан бөгөөд эхнийх нь Айверсоны эргэн ирсэн анхны тоглолт байсан бол 2 дахь нь өнөөдрийн тоглолт байлаа. Коби бол Филадельфид өссөн, эндхийн Ловер Мэрионы ахлах сургуульд тоглож байгаад 1996 оны драфтаар  НБА-д элсэж байв. Тэрээр уг сургуулиараа тоглолтын өмнө зочилсон гэсэн. “Нас ахих тусам дурсамжаа эргэн санамтгай болдог юм байна” хэмээн Коби хэлж. Коби драфтын 13-аар анх Шарлоттод сонгогдож, шууд Владе Дивацаар наймаалагдан Лейкерст ирж байсан бол Айверсоныг Фила номер 1-ээр сонгож авч байв. Айверсон, Коби 2-уулаа MVP хүртэцгээсэн. Айверсон Филадельфигийн түүхийн 2 дахь хамгийн олон оноо авагч бол Кобид Лейкерсийн түүхийн хамгийн олон оноо авсан тоглогч болоход одоо 47 оноо хэрэгтэй.

Өнөөдрийн тоглолтын эхний хагаст Коби, Айверсон нар адилхан 2-хон оноо авцгаасан ч 3-р үед сайхан өрсөлдөөн харуулж, ээлжлэн амжилттай довтлолцож байлаа. 31-тэй Коби одоо ч топ түвшинд хэвээрээ байгаа бол 34-тэй Айверсон тийм биш болсон ч 3-р үед тун сайн тоглож, 15 оноо авсан. “Тэр бол оноо авагч. Тэр бид 2 адилхан. Бид 70 настай болсон ч оноо авч чадна” хэмээн Коби дараа нь хэлжээ.

Вашингтон Нетсийн талбайд зочилж, арай гэж хожив. Аренас, Критентон нарыг шийтгүүлснээс хойш тэд ийн анхны хожлоо авчээ. Нетс өмнөх тоглолтондоо хожоод байсан ч дараалсан хожил авч чадахгүй хэвээрээ үлдлээ.

Стифен Жексон хуучин багийнхаа талбай дээр зочилж тоглохдоо 30 оноо авч Бобкэтс Голден Стэйтийг хожиход чухал хувь нэмрээ орууллаа. Мөн Бүх оддын тоглолтонд оролцох Жеральд Уоллес 30 оноо, 13 самбараас авалт авчээ. Жексоныг Голден Стэйтийн фэнүүд тоглолтын турш “бүү”-лсэн байна. Голден Стэйт сүүлийн 6 тоглолтынхоо 5-д нь хожигдов.

Жазз талбай дээрээ Кингзийг хүлээн авч, Дерон Уилльямс, Карлос Бузерийн эзгүйд хожиж дөнгөв. Пол Миллсап энэ улиралд анх удаа гараанд гарч 32 оноо, 14 самбараас авалт, 7 оновчтой дамжуулалт хийн тун сайн тогложээ. Мөн Андрей Кириленко 18 оноо, 7 самбар, 5 блок хийн, фантази тоглоомын эзэддээ тун сайн үзүүлэлт өгчээ.  Юта 5 дахиа дараалан хожсон байна.

Буллз өнөөдөр Хорнетсийг талбайд нь нэмэлт цагт хожиж, 7 удаагийн дараалсан зочлон тоглолтоо өндөрлөв. Үүнийхээ сүүлийн 5-д нь дараалан хожоод байна. Буллз өнгөрсөн улиралд айлын талбайд 13-28 амжилт үзүүлсэн бол энэ улирлын эхний 19 зочлон тоглолтынхоо 15-д нь хожигдоод байлаа. Харин одоо 9-15 болоод байна. Нийлбэр дүнгээр 23-22 болжээ. Өнөөдрийн тоглолтын үндсэн цаг дуусахаас 0.2 секундын өмнө Л. Денг 2 оноо авч тоог тэнцүүлж, улмаар нэмэлт цагт Хорнетсоос 2 оноо илүү авснаар хожсон байна.

Рокитс талбай дээрээ Портлэндийг хожиж, 3 дараалж талбай дээрээ хожигдоод байсан цувралаа зогсоов. Аарон Брукс улирал эхэлснээс хойш 30+ оноог 5 дахиа авчээ.

Данканд өнөөдөр Ману, Мэйсон нар сайн тусалснаар Спэрс талбай дээрээ Мемфисийг хожив. Тони Паркерийг орлож, үндсэн холбогчийн үүрэг гүйцэтгэж байгаа Ж. Хилл ч тун дажгүй тоглосон байна. Мемфисээс тогтмол сайн тоглодог гарааны 5-ын ердөө 2 нь буюу Майо, Рэндольф нар л сайн тоглов.

Хит Пистонсийг талбайд нь “уншлаа”. Хит 92 оноо авсан бол Пистонс ердөө 65-хан оноо авсан байна.

Эл Жефферсон 4-р үед 12 оноо авсан бөгөөд тэд дээд тал нь 23 онооны илүүгээр тоглолтыг тэргүүлж, улмаар Миннесота талбай дээрээ Клипперсийг хожиж, улирлын 10 дахь хожлоо авчээ.  2 өдрийн өмнө Дорнод бүсийн хамгийн муу баг Нетст хожигдсон Клипперс энэ удаа Өрнөд бүсийн хамгийн муу багт хожигдсон нь энэ.

“Индиана” – “Кливленд” – 73:94 (18:36, 26:22, 20:19, 9:17)

И: Грэйнжер – 13+10 самбар, Раш – 12, Жонс – 11
К: Жеймс – 23+9 самбар+13 дамжуулалт, О’Нил – 22, Илгаускас – 13
“Филадельфи” – “Лейкерс” – 91:99 (18:19, 24:32, 25:25, 24:23)

Ф: Айверсон – 23, Брэнд – 19, Даламберт – 10+12 самбар
Л: Брайант – 24, Газоль – 19+10 самбар, Артест – 18
“Атланта” – “Бостон” – 100:91 (23:22, 30:19, 21:32, 26:18)

А: Кроуфорд – 28, Жонсон – 27, Смит – 12
Б: Пирс – 35, Гарнетт – 15, Р.Аллен – 9
“Детройт” – “Майами” – 65:92 (23:26, 13:21, 12:24, 17:21)
Д: Вилланова – 15, Принс – 10, Гордон – 10
М: Уэйд – 22, Аслам – 16, Врайт – 12

“Миннесота” – “Клипперс” – 111:97 (34:20, 22:17, 26:36, 29:24)

М: Брюир – 20, Флинн – 19, Холлинс – 19
К: Дэвис – 28, Гордон – 17, Торнтон – 15

“Нью-Жерси” – “Вашингтон” – 79:81 (26:18, 21:28, 19:17, 13:18)

Н: Ли – 19, Лопес – 17, Янлиан – 9
В: Бойкинс – 15, Блатш – 14, Йонг – 10
“Нью-Орлеан” – “Чикаго” – 106:108 ОТ (29:30, 21:27, 27:31, 25:14, 4:6)

Н: Уэст – 29+14 самбар, Торнтон – 20, Пол – 18+12 дамжуулалт
Ч: Денг – 26, Роуз – 18, Ноа – 13+18 самбар
“Оклахома-Сити” – “Денвер” – 101:84 (27:26, 24:19, 28:15, 22:24)

О: Дюрант – 30, Грин – 15, Уэстбрук – 12
Д: Биллапс – 19, Смит – 18, Мартин – 13

“Сан-Антонио” – “Мемфис” – 104:97 (28:21, 25:29, 24:20, 27:27)

С: Данкан – 19, Хилл – 18, Мэйсон – 17
М: Мэйо – 28, Рэндольф – 19+13 самбар, Конли – 12
“Хьюстон” – “Портленд” – 104:100 (18:28, 31:19, 29:24, 26:29)

Х: Брукс – 33, Лэндри – 21, Скола – 12
П: Фернандес – 25, ОлдриЖ – 20, Блэйк – 14
“Юта” – “Сакраменто” – 101:94 (22:20, 27:26, 24:17, 28:31)

Ю: Миллсэп – 32+14 самбар, Кириленко – 18+7 самбар+5 блок-шотов, Майлс – 12
С: Мартин – 33, Эванс – 25, Касспи – 8

“Голден Стэйт” – “Шарлотт” – 110:121 (28:24, 31:41, 21:27, 30:29)

Г: Мэггетт – 25, Эллис – 22, Карри – 22
Ш: Уоллес – 30+13 самбар, Жексон – 30, Фелтон – 14, Агустин – 14