2010 оны улсын аварга шалгаруулах 8 дахь удаагийн тэмцээн 1 сарын 26-30 ны хооронд Мишээл экспо төвд амжилттай зохиогдож өндөрлөлөө.

Тэмцээнд хот хөдөөгийн 23 байгууллага, клубын 278 тамирчид оролцож 28 жинд эрэгтэй, эмэгтэй, өсвөр үе, залуучууд, насанд хүрэгчид гэсэн ангилалаар бүтэн 5 хоногийн турш өрсөлдлөө.

Энэхүү тэмцээний онцлог нь кикбоксын улсын аваргуудаас гадна мутай боксын аваргуудыг 5 –н жинд тодоруулсан явдал юм.

Тэмцээний дүн гарахад Монголын кикбокс, тулааны спортын холбооны дэргэдэх Мишээл кикбокс төвийн тамирчид багаараа түрүүллээ.

Шилдэг тамирчинаар  “Мишээл кикбокс” төвийн Б.Наадам, шилдэг дасгалжуулагчаар  “Мишээл кикбокс” төвийн О.Алтанпүрэв шилдэг шүүгчээр Олон улсын хэмжээний шүүгч Ө.Саруул-Эрдэнэ нар тус тус шалгарчээ.

Энэхүү тэмцээнээс шалгарсан тамирчид тив, дэлхийн тэмцээнд Монгол улсаа төлөөлөн оролцох эрхтэй болж байна.