“Даллас” – “Портленд” – 112:114 НЦ (21:26, 26:18, 22:29, 34:30, 9:11)

Д: Новицки – 28, Терри – 18, Ховард – 17
П: Миллер – 52, ОлдриЖ – 21, Бэйлесс – 17

Андре Миллерийг ийм оноо түүдэг тоглогч гэж бодсонгүй явж. Тэрээр өнөөдөр нийт 52 оноо авч, Портлэнд бүсийнхээ хүчтэй өрсөлдөгчдийн нэг Далласыг талбайд нь нэмэлт цагт хожлоо. Миллер 4-р үе болон нэмэлт цагт нийт 52 оноо авсан байна. Тэрээр энэ улиралд дунджаар 12.6 оноо авч байсан бол энэ тоглолтонд 22 довтолж, 31-ийг нь амжилттай болгосноос гадна торгуулийн 8 шидэлтийнхээ 7-г нь чулуу болгов. 52 оноо нь Миллерийн өмнөх хувийн дээд амжилт. Харин Портлэндийн дээд амжилтыг 54 оноо авч байсан Дэмон Стаудимайр эзэмшдэг. Энэ улирлын дээд оноо нь одоогоор Брэндон Женнингсийн авсан 55 оноо байгаа.

Нэмэлт цаг дуусахад 44 секунд дутуу байхад Жован Ховард дундаас оновчтой довтолсон нь Портлэндийн хожлын оноо байсан. Портлэнд ийн дараалсан 3 хожигдсоныхоо дараа хожил авав.

“Вашингтон” – “Нью-Йорк” – 106:96 (36:19, 14:25, 32:25, 24:27)

В: Миллер – 25, Жеймисон – 21+25 самбар, Фойе – 14
Н-Й: Ли – 24, Жеффрис – 17, Робинсон – 16

Майк Миллерийн олон талт шилдэг тоглолтын ачаар Визардс талбай дээрээ Никсийг хожив. Миллер 25 оноо, 9 самбар, 8 оновчтой дамжуулалт хийжээ. Мөн Жеймисон 21 оноо, 23 самбараас авалт хийж сайн тоглолт гаргав. Визардс талбай дээрээ 4 дараалан хожигдсон цувралаа зогсоосон нь энэ. Никсийн хувьд сүүлийн 5 тоглолтынхоо 4-т нь хожигдлоо.

“Мемфис” – “Нью-Орлеан” – 102:109 НЦ (33:18, 28:24, 20:34, 16:21, 5:12)

М: Газоль – 25+16 самбар, Рэндольф – 25+12 самбар, Майо – 17
Н: Уест – 22, Окафор – 21+10 самбар, Стоякович – 20

Өмнөх тоглолтонд гэмтэл авсан Крис Пол өнөөдөр тоглоогүй ч түүнийг орлосон залуу тоглогч Коллисон 17 оноо, 18 оновчтой дамжуулалт хийн супер тоглож, Хорнетс Мемфисийг нэмэлт цагт хожив. Ингэснээр Мемфисийн талбай дээрээ дараалж хожсон цуврал 18 дээр зогслоо. Коллисоны 18 оновчтой дамжуулалт түүний хувийн дээд амжилтаас гадна Хорнетсийн шинэ тоглогчдын дээд амжилт болов. Өмнө нь Крис Пол шинэ тоглогч байхдаа 16 оновчтой дамжуулалт хийж байж.

Мемфис 3-р үед 21 онооны илүү байсан ч бариулжээ. Хорнетс түүхэндээ дээд тал нь 22 онооны зөрүүг барьж хожиж байсан гэнэ. Хорнетсийн өнгөрсөн 10 тоглолтын 4 нь нэмэлт цагт дуусаж, эдгээрээс өнөөдрийнхөд л хожиж байгаа юм байна.

“Милуоки” – “Майами” – 95:84 (23:21, 33:17, 15:20, 24:26)

Мил: Уоррик – 22, Богут – 17+15 самбар, Женнингс – 17
Май: Уэйд – 21, Ричардсон – 16, О’Нил – 15+10 самбар

Уэйд 21 оноо авч багаа тэргүүлсэн ч 20 довтолж 6-г нь л оновчтой болгосон бөгөөд Бакс түүнийг бөмбөг эзэмших тоолонд маш сайн хамгаалалтыг хийж байв. Үүнийхээ хүчинд Бакс өнөөдөр Хитийг хожлоо. Нөөц тоглогч Х. Уоррик нийт 22 оноо авсныхаа 10-ийг нь 4-р үед авчээ. Бакс он гараад талбай дээрээ 6 тоглож, 6 дахиа хожлоо.

Хитийн 2 дахь оноо авагч Бисли болон хамгаалагч Чалмерс нар гэмтлийн улмаас тоглоогүй. Чалмерс 128 тоглолт дараалан тоглоод байжээ.

Эдгээр багууд нөгөөдөр дахин тоглоно.
“Сакраменто” – “Шарлотт” – 96:103 (33:29, 21:27, 13:34, 29:13)

С: Мартин – 31, Кэсспи – 14, Томпсон – 12+16 самбар
Ш: Уоллес – 38+11 самбар, Мохаммед – 17+10 самбар, Жексон – 13, Мюррей – 13

Жеральд Уоллес хуучин багийнхаа эсрэг гялалзаж, 38 оноо авснаар Бобкэтс Кингзийг талбайд нь хожлоо. Кингз 3-р үед тун муу тоглож 13-хан оноо авсан ч 4-р үед бараг л алдаагаа засаж, өрсөлдөгчдөө 13 оноо л алдаж. Гэхдээ л зөрүүг барьж арай чадсангүй хожигдов.

Жеральдийг Кингз 2001 онд драфтаар авч байлаа. Тэнд 3 улирал болсны дараа 2004 онд Бобкэтс лигт шинээр элсэж, багуудаас зарим тоглогчдыг драфтлан авсан бөгөөд тэдний тоонд Уоллес багтаж байв. Энэ улиралд тэрээр Бүх оддын тоглолтонд шалгараад байгаа.

“Орландо” – “Атланта” – 104:86 (21:18, 28:26, 28:19, 27:23)

О: Ховард – 31+19 самбар, Льюис – 17, Андерсон – 16
А: Кроуфорд – 19, Жонсон – 19, Смит – 16

Орландо талбай дээрээ Хоуксаас чухал хожил авч, бүсийнхээ 2-луу дэвшив. Хоукс, Мэжик хожигдол адилхан ч Мэжик 1 хожлын илүү тул 2-т орж, тэднээс ганц хожлоор дутуу Хоукс бүр 4-рүү ухарчээ.

Дуайт өнөөдөр дийлдэшгүй байж 31 оноо, 19 самбараас авалт хийжээ. Түүний эсрэг тоглосон Хорфорд, Пачулиа, Коллинз нар тун тааруу тоглож, нийтдээ 6 оноо, 11 самбар, 13 хувийн алдаа хийсэн байна.

Хоукс Бостоныг энэ улиралд 4 тоглож 4 хожсон ч Мэжиктэй 3 тоглож, 3 хожигдлоо. Мэжик маргааш Дэтройтийг хожвол Стэн Ван Ганди Дорнод бүсийн Бүх оддын багийн дасгалжуулагчаар нэрлэгдэх гэнэ.