“Бостон” – “Лейкерс” – 89:90 (19:30, 33:17, 21:19, 16:24)

Б: Рондо – 21 + 12 дамжуулалт. Пирс – 15. Т. Аллен – 14.

Л: Э. Байнум – 19 + 11 самбар. Брайант – 19. П. Газоль – 11 + 11 самбар. Артест – 11.

7.3 секунд дутуу байхад Коби Брайант дундын шидэлтээ оновчтой болгож тоог 90:89 болгосон бөгөөд үлдсэн хугацаанд Селтикс амжилтгүй довтолсноор Лейкерс Селтиксийг талбайд нь хагас бөмбөгний илүүгээр хожиж чадлаа. Лейкерс ийн Селтиксийг 3 дахиа дараалан хожив.  2008 оны финалд 131-92-оор бут ниргэж байснаасаа хойш Селтикс Лейкерсийг хожоогүй л байна.

Бостон 4-р үед хамгийн ихдээ 11 онооны илүүтэй тэргүүлж байв. Рон Артистийн оролт амжилттай болсны дараа 89:88 буюу Бостон 1 онооны илүү үлдсэн. Пол Пирс шидэлтээ оновчтой болгосон ч шүүгч довтолгооны алдаа заасны дараа 28 секунд дутуу, Бостон 1 онооны давуу хэвээр байв. Харин үүний дараа Коби Рэй Аллений хамгаалалтын өмнөөс нэлээн хэцүү шидэлтээ оновчтой болгож, Лейкерс тэргүүлж эхэлсэн. Үлдсэн 7.3 секундэд Бостон довтолсон ч Рэй Аллений 3 онооны шидэлт оновчгүй болсноор Лейкерс хожлоо.

Фил Жексон Лейкерсийн удирдан 533 дахь хожлоо авч, Пэт Райлитай тэнцэв.

Селтикс сүүлийн 8 тоглолтынхоо 6-д нь хожигдлоо. Тэд Зул сараар Мэжикийг хожсоноосоо хойш 6-10 амжилт үзүүлээд байна.

Коби өнөөдөр 19 оноо авсан, түүнд одоо Лейкерсийн бүх үеийн онооны лидер болоход 28 оноо хэрэгтэй.

Лейкерсийн онооны лиерүүд
	оноо
Жерри Уэст	25,192
Коби Брайант	25,164
Карим Абдул Жаббар	24,176
Элжин Бэйлор	23,149
Mэжик Жонсон	17,707

“Детройт” – “Орландо” – 86:91 (21:29, 24:19, 20:16, 21:27)

Д: Стаки – 18. Жеребко – 16 + 9 самбар. Хэмилтон – 14.

О: Реддик – 17. Ховард – 16 + 15 самбар. Льюис – 15.

Детройтийн сүүлийн 16 жилийн хамгийн муу улирал үргэлжилж байна. Тэд өнөөдөр Орландог талбай дээрээ хүлээн авч тоглоод хожигдлоо. Уг нь бол Мэжик Пистонсийн Аубурн Хиллс ордонд хийсэн 11 тоглолтынхоо 10-т нь хожигдож байж.

Өнөөдөр Мэжик хожсоноор Стэн Ван Ганди 2010 оны Бүх оддын тоглолтын Дорнод бүсийн дасгалжуулагч болж байна. Тухайн бүсийнхаа хамгийн өндөр амжилттай багийн дасгалжуулагч нь Бүх оддын багийг дасгалжуулдаг дүрэмтэй бөгөөд нэг дасгалжуулагч 2 жил дараалдаггүй. Тиймээс Кавальерсийн М. Браун энэ жил Дорнодийг удирдах эрхгүй юм.

Бен Уоллес одоогоор 1999 блок шот хийгээд байгаа, дахин 1-ийг хийвэл 2000 блок хийсэн НБА-ын 6-10-аас намхан анхны тоглогч болох юм.

“Кливленд” – “Клипперс” – 114:89 (46:20, 21:19, 16:28, 31:22)

Клив: Жеймс – 32 + 11 дамжуулалт. Ш. О`Нил – 16 + 12 самбар. Гибсон – 14.

Клип: Дэвис – 30. Гордон – 12. Жордан – 11 + 13 самбар. Смит – 11.

Кавальерс эхний үед л 46 оноо авч, тоглолтыг үр дүнг бараг тодорхой болгожээ. Энэ 46 онооны хагасыг нь шахуу ЛеБрон авсан байна. Кавальерс эхний үед НБА-ын дээд амжилттай тэнцсэн 11 холын амжилттай шидэлт хийжээ.

Кавальерс 38 хожилтойгоор лигийг тэргүүлж байна.

“Нью-Жерси” – “Филадельфи” – 79:83 (25:22, 23:24, 12:23, 19:14)

Н: Лопес – 18 + 9 самбар. Хейес – 18 + 8 самбар. И – 15 + 12 самбар.

Ф: Игудала – 14 + 9 самбар. Деламберт – 12 + 11 самбар. Айверсон – 11. Уильямс – 11.

Филадельфи өнөөдөр лигийн хамгийн муу баг Нетсийн талбайд зочилж, амар биш хожил авлаа. Филли ийн дараалсан 3 хожигдлоо зогсоов. Игудала багаа тэргүүлэн 14 оноо авчээ. Түүний нэр 2 сарын 18-наас өмнө болох наймаанд хамгийн ихээр яригдаж байгаа. Филли энэ улиралд Нетсийг 3 дахиа хожиж байгаа бөгөөд 3 хожил 3-уулаа 5 онооны доторх хожлууд байв.

“Торонто” – “Индиана” – 117:102 (32:29, 31:30, 32:27, 22:16)

Т: Бош – 26 + 15 самбар. Барньяни – 17. Жэк – 16.

И: Хед – 15. Мерфи – 14 + 8 самбар. Раш – 14.

Торонто өнөөдөр Пейсерсийг талбай дээрээ хожив. Энэ нь тэдний 5 дахь дараалсан хожил. Торонто сүүлийн 20 тоглолтныхоо 15-д нь хожив. Одоо Рэпторс дивизионы аваргын төлөө өрсөлдөнө хэмээн бодож эхэлсэн гэнэ. Бостон сүүлийн үед муу тоглож байгаа тул Рэпторс сайн тоглолтоо үргэлжлүүлвэл Атлантик дивизионыг тэргүүлж болох тухай Бош төсөөлж байна.

Бош өнөөдөр 26 оноо, 15 самбараас гадна 7 оновчтой дамжуулалт хийжээ. Харин Хедо Туркоглу тоглолт дөнгөж эхлээд гэмтэл авч талбайг орхисон.

“Миннесота” – “Нью-Йорк” – 112:91 (23:26, 26:20, 33:26, 30:19)

М: Лов – 25 + 11 самбар. Жефферсон – 22 + 11 самбар. Холлинс – 16.

Н: Чандлер – 27. Дэвид Ли – 16 + 11 самбар. Галлинари – 15 + 10 самбар.

Эл Жефферсон энэ улиралд анх удаагаа 4-р үеийн сүүл хэрд сэлгээний сандалд сууж, багийнх нь бусад тоглогчид хожих нь ойлгомжтой болсон тоглолтын төгсгөлийг хэрхэн хийж байгааг харан, баясалтай суулаа. Кевин Лав, Жефферсон нарын амжилттай пост тоглолтууд болон самбарт найдвартай байсны хүчээр Миннесота талбай дээрээ Никсийг хожлоо. Нетс нэг үе овоо сайн тоглож байснаа сүүлийн хэдэн тоглолтуудад эргээд муудлаа. Тэд 18-29 болов.

“Сан-Антонио” – “Денвер” – 89:103 (23:21, 18:24, 27:30, 21:28)

С: Ж. Хилл – 17. Данкан – 16 + 10 самбар. Жинобили – 14 + 9 дамжуулалт.

Д: Кен. Мартин – 27 + 11 самбар. Биллапс – 25 + 11 дамжуулалт. Жей. Ар. Смит – 18.

НБА-ын онооны лидер Кармело Энтони 4 дэх тоглолтоо дараалан өнжсөн ч түүний эзгүйд Наггетс Спэрсийг талбай дээр нь хожлоо. Данканы эсрэг Кенион Мартин маш сайн тоглож 27 оноо, 11 самбараас авсан бол Биллапс ч хийдгээ хийж, 25 оноо авч, 11 оновчтой дамжуулалт өгчээ. Наггетс ийн сүүлийн 10 тоглолтынхоо 9-д нь хожив. Мело тоглоогүй 9 тоглолтын 6-д нь хожоод байна, Наггетс. Маргааш Наггетс Кингзтэй тоглох бөгөөд Кармело тоглох бололтой.

Наггетс өнөөдөр 53.6 хувьтай довтолсон нь Спэрсийн хамгаалалт сул байсныг илтгэнэ. Спэрс 6 тоглолт дараалан талбайдаа тоглож, ердөө 2-4 амжилт үзүүллээ. Спэрс одоо 8 тоглолт бүхий 3 долоо хоног гаруйн аялан тоглолт хийнэ.

“Оклахома-Сити” – “Голден Стэйт” – 112:104 (29:26, 25:29, 33:20, 25:29)

О: Дюрант – 45 + 11 самбар. Уэстбрук – 28 + 8 дамжуулалт. Сефолоша – 14. Грин – 14.

Г: Маггети – 26. Эллис – 25. Кёрри – 14.

45 оноо авснаар Дюрант онооны жагсаалтанд байр ахилаа. Тэрээр ЛеБроныг ардаа орхин, одоо зөвхөн Мелогийн ард бичигдэх болов. Дюрант өнөөдөр 21 довтолж 16-г нь оновчтой болгосны дээр торгуулийн бүх шидэлтээ хийж, бараг л төгс тоглолт үзүүлэв. Тэрээр мөн 25+ оноог 21 дэхээ дараалан авчээ.

Голден Стэйт Коби Карлтай 10 хоногийн гэрээг тоглолт болсон өдөр хийсэн бөгөөд тэрээр Денвер Наггетсийн дасгалжуулагч Жорж Карлийн хүү юм.

“Хьюстон” – “Финикс” – 111:115 НЦ (21:28, 27:32, 25:19, 27:21, 11:15)

Х: Брукс – 24. Ариза – 21. Скола – 17.

Ф: Стаудмайер – 36 + 11 самбар. Хилл – 19. Лопес – 14.

Санс 5 дараалж айлын талбайд хожигдсоны эцэст өнөөдөр Рокитсийг талбайд нь нэмэлт цагт хожлоо. Тэд 1 сарын 5-нд Кингзийн талбайд хожсоноосоо хойш өрсөлдөгчөө талбайд нь хожоогүй байв.

Рокитс тааруу буюу 38 хувьтай довтолж байсан ч хамгаалалт нь сайн байсан тул оноо ойролцоо яваад байв. Үндсэн цаг дуусахад 11.3 секунд дутуу байхад Ариза 3 оноо авч тоо тэнцсэн. Үлдсэн хугацаанд Нэш довтолсон ч түүний шидэлт дутсан байна. Ингээд цаг сунгахад Санс илүү тоглосноор хожил авчээ.

Рокитсийн Ариза хэдийгээр 21 оноо авсан ч 21 удаа довтолсон байна.