Үе үеийн ахмад тамирчдыг сурталчлах, тэднийг хөлбөмбөгийн спорттой байнгын холбоотой байлгах, эрүүл мэндийг нь бэхжүүлэх зорилготой 2010 оны цагаан сарын нэрэмжит ахмад хөлбөмбөгчдийн футзалын тэмцээний нээлт өнөөдөр Мон Алтиус БТДС-ийн зааланд боллоо. Тэмцээний нээлтийн үеэр МХБХ-ноос 55-аас дээш насны ахмад хөлбөмбөгчддөө цагаан сарын гарын бэлгийг гардуулан өглөө. Тэмцээнийг МХБХ-ноос томилогдсон Зохион байгуулах хороо удирдан явуулахаас гадна 4 насны ангилалд зохион байгуулж байгаа.

Тэмцээнд 28 багийн 280 тамирчин оролцож байгаа бөгөөд энэ сарын 5-ны өдөр аваргууда тодруулна. Түүнчлэн цагаан сарын дараа өсвөр үеийн  хөлбөмбөгийн УАШТ-нийг 3 насны ангиллаар зохин байгуулахаас гадна ирэх 3-р сард охидын хөлбөмбөгийн АШТ-нийг зохион байгуулах юм байна. Мөн тус холбооноос Залуучуудын болон Насанд хүрэгчдийн УАШТ-нийг Сэлэнгэ, Эрдэнэт хотноо тус тус зохион байгуулахаар болжээ.