МЖБХ-ноос зохион байгуулдаг 2010 оны өсвөр үеийн УАШТ өчигдөр спортын төв ордонд эхэллээ. Тэмцээнд Баян-Өлгий, Өмнөговь аймгаас бусад аймаг, нийслэлийн 61 байгууллагын 1000 өсвөрийн жүдоч оролцож байгаагаараа онцлог юм.

Тус тэмцээнд эрэгтэй 13, эмэгтэй, холимог таван жинд аваргуудаа тодруулах юм байна.

2009 он МЖБХ-нхны хувьд ажил, амжилтын ололттой жил болж өнгөрсөн. МЖБХ-ноос баримтлаж байгаа шинэ менежментийн дагуу жүдо бөхийн спортыг орон нутагт түлхүү хөгжүүлэхэд анхаарч өсвөр үеийн тамирчдад анхаарлаа хандуулж байгаагийн илрэл нь энэхүү тэмцээн юм.