Япон улсын мэргэжлийн кикбоксын рингэнд Монголын мэргэжлийн кикбоксын “Заг” холбооны хоёр тамирчин хүч үзэж буй талаар бид өмнө нь мэдээлж байсан.

1 сарын 31-ны өдөр Токио хотын “Токyo Kourakuen Hall” ордонд “Todoken Break-1″ тэмцээн явагдсан бөгөөд энэхүү тэмцээнд Японы тамирчдаас гадна Монгол, Румыний тулаанчид өрсөлджээ.

57 кг-ийн жинд тулалддаг Д.Түвшинбаяр (япон нэр-Chiba Kenshiro) Шюүжиротой халз үзэж 1-р үеийн 2 минут 2 секундэд хүнд цохилтоор буулган авчээ. Харин Г.Мөнх-Од (Toramai Kenru) Румын улсын тамирчин Андрей Дандыг 2-р үеийн 2 минут 7 секундад дэвжээн дээр унагааж Монголы залуугийн нударганы амтыг мэдрүүлжээ.