2010 оны шилдэг тамирчдын чансааг тодорхойлох, тамирчдын дунд шударга өрсөлдөөнийг өрнүүлэх, дараагийн уралдаан тэмцээнд бэлтгэх байнгын бэлтгэл сургуулилттай байлгах зорилготой шинэ оны анхныхаа тэмцээнийг МЧБХ энэ сарын 6-7ны өдрүүдэд зохион байгуулах гэж байна.

МУГТ, дэлхийн хошой мөнгөн медальт, Ази тив болон Азийн наадмын аварга, Зүүн азийн наадмын аварга, дэлхийн цомын хүрэл медальт О.Пүрэвбаатарын нэрэмжит Залуучуудын ОУ-ын тэмцээнийг тус холбооноос зохион байгуулах болжээ.

Тэмцээн спортын төв ордонд 2 өдөр үргэлжлэн явагдаж аваргуудаа тодруулна. Тус тэмцээн ОУ-ын бөхийн холбооны дүрмийн дагуу шүүгчдийн зөвлөл удирдан явуулах юм.

Мөн тэмцээнд оролцох тамирчид ОУ-ын бөхийн холбооны залуучуудын хөнгөн жингийн ангиллаар 50, 55, 60, 66 кг-ийн жинд оролцох юм байна.Тэмцээний мандатыг тэмцээний өмнөх өдрийн 02-р сарын 06-ны өглөө 10-15 цагийн хооронд олгох бөгөөд амжилттай оролцсон тамирчдыг эхний 1,2,3-р байр эзлүүлэн цом мөнгөн шагнал олгох юм байна.