Пауэрлифтингийн УАШ 5 дахь удаагийн тэмцээн спортын төв ордны А зааланд маргааш 11 цагт нээлтээ хийн эхлэх гэж байна. Тэмцээний техникийн зөвөлгөөний хурал өнөөдөр спортын төв ордны хурлын танхимд боллоо. Тус тэмцээнд хөдөө орон нутаг болон нийслэлээс 300 гаруй тамирчид оролцохоор мэдүүлгээ ирүүлжээ.

Ирэх 5-сард манай улсад Пауэрлифтингийн Азийн аварга шалгаруулах тэмцээнийг зохион байгуулна. Тус тэмцээнд оролцох Монголын тамирчдыг энэ удаагийн УАШТ-нээс сонгон шалгаруулах юм байна. Энэ жилийн тэмцээнд оролцож байгаа тамирчдын бэлтгэл сургуулилт ур чадвар түвшин ахицтай байгааг тэмцээний зохион байгуулагчид урьдчилан дүгнэж байна. Тэмцээн энэ сарын 6-ны өдөр өндөрлөж аваргуудаа тодруулна.