Дидье Дрогба Африкийн цомоос эргэн ирсэн даруйдаа  багтаа гоол бэлэглэсэн ч ялалт авчирч чадсангүй. 42 дахь минутад тэрээр  холын замд ядраагүй гэдгээ харуулж чөлөөт цохилтоос гайхалтай гоол оруулсан юм. Энэ гоол нь түүний лигтээ оруулж байгаа 15 дахь гоол нь аж.

Гэвч түүний гоолоос 10 орчим минут өмнө Хантын дамжуулалтаар  Муюколо Чехийн хаалганд гоол оруулаад байсан тул Дрогба багтаа тэргүүлэл бус тэнцээг авчирчээ. Анчелотти гарааны бүрэлдэхүүндээ Жое Коул, Эшли Коул нарын оронд Жирков, Баллакыг багтаасан бөгөөд цаг дуусахын өмнөхөн Даниель Старриж сэлгээгээр орж иржээ.
Тоглолтын турш Халлын фенүүд Терриг эдлвээр зүхэж  бүүлж байсан нь мань эрийг нилээд цухалдуулж байлаа. Карло Анчелотти тоглолтын дараа ”Терригийн хувьд сайн тоглогч, сайн ахлагч. Түүнээс илүү зүйлийг би шаардахгүй. Премьер лигийн ирэх тойргийн тоглолтуудад Терри оролцоно. Харин 2 сарын 13-нд Кардиффт болох ФА цомын тоглолтыг тэр өнжиж магадгүй Би багийнхныхаа хувийн асуудалд нэг их оролцох дуртай биш. Тоглолтын хувьд бол хөлбөмбөгт хааяа оноо алдах явдал байдаг шүү дээ. Бид өөрсдийгөө тааруухан байсан гэж бодохгүй байна.   Энэхүү нэг оноо нь доошоо унахгүй төлөө тэмцэж байгаа Халл ситигийн хувьд ус агаар шиг хэрэгтэй зүйл боллоо. Харин Челсигийн хувьд хүснэгтэд онц өөрчлөлт оруулсангүй.

Халл. 24,957 үзэгч .
ХАЛЛ СИТИ – ЧЕЛСИ – 1:1 (1:1).
Гоол : Муюколо, 30 (1:0). Дрогба, 42 (1:1).
Шар хуудас : Макшэйн, 59 (Халл Сити), Иванович, 29, Терри, 46, Дрогба, 88 (Челси).
Халл Сити: Майхилл, Макшэйн (Заятте, 90), Муюколо, Гарднер, Доусон, Фэгэн, Боатенг, Кэйрни, Хант, Веннегоор (Заки, 66), Алтидоре (Килбэйн, 86). Челси: Чех, Иванович, Рикарду Карвалью, Терри, Жирков (Э.Коул, 81), Баллак (Д.Коул, 72), Деку, Лэмпард, Малуда, Анелька (Старридж, 82), Дрогба.