“Юта” – “Портленд” – 118:105 (29:27, 31:25, 28:25, 30:28)

Ю: Окур – 28 + 8 самбар. Кириленко – 22. Мэттьюз – 16.

П: ОлдриЖ – 27 + 12 самбар. Уэбстер – 20. Бэйлесс – 14.

Өрнөд бүсэд одоогоор хамгийн сайн формтой байгаа баг нь одоогоор Юта Жазз. Тэд өнөөдөр талбай дээрээ Портлэндийг хожсоноор дараалсан хожлоо 7 болгов. Дерон өнөөдрийн тоглолтыг амархан байсан гэж хэлж. Тэр зүгээр л бөмбөгөө дамжуулаад, бөмбөг авсан нь оноо авч байлаа гэжээ. Юта энэ долоо хоногт Портлэндийг 2 дахиа хожив.

Юта өнөөдрийн тоглолтын 2-р хагаст 70 хувьтай довтолжээ. Окур 28 оноо авсан бол Кириленко 9 довтолж, 8-ийг нь оновчтой болгож 22 оноо авсны дээр 8 оновчтой дамжуулалт, 6 самбараас авалт хийсэн байна.

Портлэнд 8 дахь тоглолтондоо дараалан Брэндон Ройгүй тоглож байна. Портлэнд одоо бүсийнхээ 8-д унаад байгаа. Хьюстон, Мемфис, Нью-Орлеанс зэрэг багууд Портлэндийн ард ойрхон байгаа тул улирлын сүүл рүү плей-оффийн өрсөлдөөн Өрнөд бүсэд ширүүн өрнөх бололтой.

“Нью-Йорк” – “Вашингтон” – 106:85 (22:22, 19:23, 31:20, 34:20)

Н: Робинсон – 23 + 8 дамжуулалт. Дэвид Ли – 22 + 10 самбар. Галлинари – 15 + 9 самбар. Чандлер – 15.

В: Янг – 15. Фой – 15. Блатч – 14.

Крис Духон Никсийн гараанд гарсан ч тэрээр мөн л оновчгүй довтолж, муу шидсэн хэвээр байсан тул Майк Ди`Антони түүнийг 2-р хагаст огт тоглуулаагүй бөгөөд Нэйт Робинсоныг холбогчоор тоглуулжээ. Дараагийн хэдэн тоглолтонд ч Нэйт үндсэн холбогч байх болов уу. Робинсон ч 2-р хагаст тун сайн тоглож, Никс 2-р хагаст өрсөлдөгчөөсөө 25 оноо илүү авснаар 3 дараалсан хожигдлоо зогсоов.

Визардс Нью-Йорк хотод 4 дараалан хожигдоод байна.

“Атланта” – “Клипперс” – 103:97 (17:23, 24:23, 28:26, 34:25)

А: Жонсон – 34. Кроуфорд – 22. Хорфорд – 16 + 10 самбар.

К: Каман – 17 + 10 самбар. Гордон – 17. Дэвис – 16.

Хоукс өнөөдөр Клипперст 4-р үед 9 оноогоор хожигдож байсан ч оноог барьж, улмаар 6 онооны илүүгээр хожив. Жо Жонсон нийт 34 оноо авсан бөгөөд 2-р хагаст 8 довтолж, 7-г нь оновчтой болгож багаа тэргүүлжээ. Сэлгээнээс Жамал 22 оноо авсан байна. Клипперс 8 тоглолт бүхий зочлон тоглолтоо ердөө 2 хожилтой дуусгав.

“Торонто” – “Нью-Жерси” – 108:99 (28:22, 29:34, 26:22, 25:21)

Т: Бош – 20 + 9 самбар. Барньяни -20. Райт – 18.

Н: Харрис – 15 + 8 дамжуулалт. И – 15. Кортни Ли – 14.

Хедо Туркоглу, Хосе Кальдерон, Д. ДеРозан зэрэг тоглогчид нь гэмтэлтэй байгаа ч Торонто талбай дээрээ Нетсийг хожлоо. Бош, Барньяни нар 20 оноогоор багаа тэргүүлжээ. Торонто сүүлийн 6 тоглолтынхоо 5-д нь хожив. Нестийн хувьд 4-44 болжээ.

“Филадельфи” – “Чикаго” – 106:103 НЦ (26:25, 19:26, 26:19, 23:24, 12:9)

Ф: Брэнд – 26 + 9 самбар. Игуодала – 25 + 8 дамжуулалт + 8 самбар. Грин – 15.

Ч: Роуз – 30 + 9 дамжуулалт. Денг – 17 + 11 самбар. Салмонс – 17.

Буллз энэ улиралд 4 удаа цаг сунган тоглохдоо бүгдэд нь хожоод байсан ч энэ удаа Филадельфигийн талбайд цаг сунгахад 3 оноогоор хожигдов. Филли дараалж 2 хожиж байгаа бөгөөд дараагийн Хорнетсийн эсрэг хийх тоглолтонд хожвол улирал эхэлснээс хойш анх удаа дараалж 3 хожил авна. Филлигээс Брэнд, Игуодала нар тун сайж тогложээ. Гэхдээ Игуодала үндсэн цаг дуусахад 5 секунд дутуу байхад торгуулийн шидэлтээ оновчтой болгосон бол Филли үндсэн цагт хожих байв. Самбараас Брэнд авч шидсэн ч оновчтой болоогүй. Үлдсэн 2 секунд хүрэхгүй хугацаанд Дерик Роузийн шидэлт оновчгүй болсноор цаг сунгасан байна.

Айверсон өнөөдөр тоглоогүй, түүний хүүхэд өвдсөн гэнэ.

“Бостон” – “Майами” – 107:102 (27:26, 26:25, 21:23, 33:28)

Б: Аллен – 23. Рондо – 22 + 14 дамжуулалт. Хаус – 16.

М: Уэйд – 30 + 13 дамжуулалт. Хаслим – 15 + 8 самбар. Алстон – 15.

Пол Пирсгүй Селтикс талбай дээрээ Хитийг 5 оноогоор хожив. 4-р үед Селтикс Хитээс 5 оноо илүү авсан байна. Пирсийн эзгүйд Рэй Аллен 23, Рондо 22 оноо, 14 оновчтой дамжуулалт хийсэн бол Гарнетт улирлын хамгийн олон 9 оновчтой дамжуулалт хийжээ. Улирал эхэлснээс хойш анх удаа Хитийн (24-25) хожигдол нь хожлоосоо илүү болов.

Пирс уржигдрийн тоглолтонд гэмтэл авсан тул тоглоогүй. Түүний гэмтэл тийм хүнд биш, дараагийн тоглолтонд оролцож магадгүй гэсэн. Селтикс эргээд дивизионоо тэргүүлэх боллоо.

“Нью-Орлеан” – “Оклахома-Сити” – 99:103 (22:22, 30:36, 24:24, 23:21)

Н: Торнтон – 22. Стоякович – 15. Уэст – 15.

О: Дюрант – 30. Уэстбрук – 26 + 10 дамжуулалт. Крстич – 14. Грин – 14.

Дюрант 30 оноо, Вестбрук түүнээс ч сайн тоглож 26 оноо, 10 оновчтой дамжуулалт, 8 самбараас авалт хийсний дээр Оклахома нийт 57.5 хувьтай довтолж, плей-оффийн төлөөх гол өрсөлдөгчдийнхөө нэг ХОрнетсийг хожлоо.

13.7 секунд дутуу байхад Вестбрук дундаас оновчтой шидэж тоог 101:97 болгосон ч Пежа зөрүүлээд 2 оноо авснаар 101:99 болжээ. Гэвч Дюрант торгуулийн 2 шидэлтээ оновчтой болгож 103:99 болж, улмаар үлдсэн 8.5 секундэд тоо өөрчлөгдөөгүй байна.

Полыг орлож байгаа Коллисоныг Вестбрук тоглолтын турш давамгайлсан. Коллисон Полыг орлосон эхний 2 тоглолтондоо нийт 33 оноо, 32 оновчтой дамжуулалт хийсэн ч өнөөдөр 12 довтолж, 4-ийг нь л оновчтой болгон 9 оноо, мөн 9 оновчтой дамжуулалт, 5 ТО хийв.

Дюрант сүүлийн 3 тоглолтонд дунджаар 36.0 оноо авч, 63.8 хувьтай довтолж байна. Мөн 25+ оноог дараалан авсан цуврал нь 23-т хүрэв.

Полын эзгүйд Хорнетсийн ордонд 12844 үзэгч цугласан нь энэ улирлын хамгийн бага тоо гэнэ.

“Даллас” – “Голден Стэйт” – 110:101 (32:21, 30:27, 19:27, 29:26)

Д: Терри – 21. Новицки – 20. Ховард – 19.
Г: Эллис – 46. Маггети -20 + 9 самбар. Си. Жей. Уотсон – 14.

Новицки 4-р үед 9 оноо, Терри нийт 21 оноо авч Даллас Голден Стэйтийн дараалсан хожигдлыг 7 болголоо. Даллас үүний өмнөх 3 тоглолтондоо дараалан хожигдоод байсан юм. Монта Эллис 46 оноо авсан ч баг нь улирлын 35 дахь хожигдлоо хүлээжээ. 4 хоногийн өмнө Далласын эсрэг Андре Миллер 52 оноо авсан бол өнөөдөр Монта 46 оноо авлаа. Тэгэхээр Далласын хамгаалалт ер нь сул л байна.

Дон Нельсон НБА-ын хамгийн олон ялалттай дасгалжуулагч болоход 11 хожил дутуу байгаа. Баг нь үлдсэн 34 тоглолтоос 11 хожил авах болов уу?

“Сакраменто” – “Сан-Антонио” – 113:115 (29:31, 31:30, 23:27, 30:27)

С: Эванс – 32 + 8 дамжуулалт. Хоуз – 18. Кев. Мартин – 15.

СА: Ж. Хилл – 23 + 9 самбар. Данкан – 22 + 13 самбар. Жинобили – 20. Блэйр – 20.

Паркерийн эзгүйд Жорж Хилл бүр л сайн тоглож байна. Өнөөдөр тэрээр өөрийн дээд амжилтаа давтсан 23 оноо авч, өөрийн дээд амжилт 9 оновчтой дамжуулалт хийснээс гадна сүүлийн 6.5 секундэд 4 торгуулийн шидэлтээ оновчтой болгож, Спэрс Кингзийг талбайд нь хожлоо. Спэрс 4-р үед 13 онооны илүү байсан ч бариулж, тэвдэж байж хожсон байна.

“Жорж Хилл бол одоогоор лигийн хэмжээнд хамгийн сайжирсан тоглогч” хэмээн Попович тоглолтын дараа хэлж.

“Лейкерс” – “Шарлотт” – 99:97 (19:21, 30:26, 23:20, 27:30)

Л: Одом – 19. Байнум – 17 + 14 самбар. Газоль – 14. Артест – 14.

Ш: Жексон – 30. Мохаммед – 23 + 17 самбар. Мюррэй – 15.

Лейкерсийн супер од Коби ердөө 5 оноо авсан ч Лейкерс талбай дээрээ Бобкэтсийг хожсоноор Фил Жексон Лейкерсийн дээд амжилтын номонд бичигдэв. Тэрээр Лейкерсийг удирдан 534 дэх хожлоо авч, Пэт Райлигийн амжилтыг эвджээ. Фил мөн Буллызын түүхэн дэх хамгийн олон хожилтой дасгалжуулагч бөгөөд 9 улирал Буллзын дасгалжуулахдаа нийт 545 хожил авч байсан байна. Фил мөн улирлын тоглолтуудад хожлын 70 хувьтай НБА-ын ганц дасгалжуулагч юм.

Коби 30+ минут тоглоод хамгийн цөөн оноогоо авсан нь энэ. Өмнө нь тэрээр 40 минут тоглоод 6 оноо, 33 минут тоглоод 7 оноо, 42 минут тоглоод 8 оноо, 35 минут тоглоод 9 оноо тус тус авч байж.

Бобкэтсийн түүхэн дэх анхны Бүх оддын тоглолтонд шалгарсан Жеральд Уоллес өнөөдөр гэмтлээс болж тоглоогүй юм байна.

“Денвер” – “Финикс” – 97:109 (22:28, 27:32, 23:26, 25:23)

Д: Нене – 15 + 9 самбар. Жей. Ар. Смит – 15. Кен. Мартин – 14 + 10 самбар.

Ф: Стадамайр – 20 + 17 самбар. Ж. Ричардсон – 20. Нэш – 17 + 10 дамжуулалт.

Санс өнөөдөр 50 хувьтай довтолж, Денверийг хожсоноор 4 дэх дараалсан хожлоо авлаа. “Бид тоглолтын эхнээс төгсгөл хүртэл маш сайн тоглолоо” хэмээн Сансын дасгалжуулагч Жентри дараа нь хэлж. Наггетс талбай дээрээ 9 дараалж хожоод байсныг Санс ийн зогсоов. Кармело мөн л тоглоогүй, 6 дахь тоглолтоо дараалан өнжлөө. Тэрээр дараагийн Лейкерстэй хийх тоглолтыг ч өнжих гэнэ. Мелогийн гэмтэл анх таамагласнаас хүнд байжээ.

Биллапс уг нь Бүх оддын тоглолтын завсарлагын үеэр гэр бүлээрээ Мексикт очиж аялж, амрах төлөвлөгөөтэй байсан ч Полын оронд Бүх оддын тоглолтонд нэрлэгдснээр энэ аяллаа больсон гэнэ.