Сагсан бөмбөгийн Сэнгүр лигийн тэмцээн энэ сарын 01-ний өдөр эхэлсэн бөгөөд тэмцээний тоглолтууд спортын төв ордонд 7 хоногийн даваа, лхагва, баасан гарагуудад явагдаж байгаа. Тус тэмцээний нээлт өчигдөр болсон бөгөөд энэ үйл ажиллагааны үеэр Олимп, Дэлхийн аварга, ОХУ-ын ГД, ГТ Сергей Александрович Белов хүрэлцэн ирж нээлтийн үйл ажиллагаанд оролцлоо.

Энэхүү эрхэм 1972 онд олимпийн аварга хэмээх нэр хүндтэй цолыг хүртэхийн зэрэгцээ Дэлхийн хоёр удаагийн аварга, Европын 4 удаагийн аварга энэ эрхэм бүх цаг үеийн шилдэг тоглогч, ОХУ-ын гавьяат дасгалжуулагч , мөн гавьяат тамирчин юм.

Мөн тэмцээний нээлтийн үеэр ОХУ-аас хүрэлцэн ирс эн алабны хүмүүстэй БТСГ-ын дарга Наранбаатар болон МСБХ-ны удирдлагууд уулзалт хийж хөрш 2 орны сагсан бөмбөгийн спортын хэтийн төлөв, хөгжил, хамтын ажиллагааны талаар ярилцсан юм. Түүнчлэн өчигдөр Нийслэлийн Засаг даргын орлогч Ц.Цогзолмаа ОХУ-ын “Школьная Баскетбольная лига” “КЭС-БАСКЕТ” бие даасан ашгийн бус байгууллагын Хүндэт ерөнхийлөгч Михаил Юрьевич Слободин, ерөнхий захирал Алексей Владимирович Фролов, олимп, дэлхийн аварга, ОХУ-ын гавьяат дасгалжуулагч, гавьяат тамирчин Белов Сергей Александрович нарыг хүлээн авч уулзлаа.

Уулзалтын сэдэв нь сургуулийн орчинд амьдралын эрүүл хэв маяг, нөхөрлөл, эх оронч үзлийг бий болгох талаар ярилцлаа. Хоёр тал сургуулийн биеийн тамирыг хөгжүүлэхэд хамтран ажиллах, ЕБС-дад сагсан бөмбөгийн сургалтыг зохион байгуулахад дэмжлэг үзүүлэх, хоёр улсын ЕБС-иудын сурагчдын дунд сагсан бөмбөгийн “Сурагчдын лиг”-ийн аварга шалгаруулах тэмцээн зохион байгуулах чиглэлээр хамтран ажиллах гэрээнд гарын үсэг зурлаа.

Энэхүү тэмцээний нээлт өнөөдөр спортын төв ордонд 17 цагаас болсон бөгөөд тэмцээнээс шалгарсан баг тамирчдыг ОХУ-ын Сурагчдын лигийн тэмцээнд оролцуулах эрхийг олгох юм. Мөн ОХУ-аас хүрэлцэн ирсэн зочид маргааш нутгийн зүг хүлгийн жолоо залах юм байна.