Хоёрхон хоногийн дараа эхлэх цагаан олимпод зориулан Сэм авгын орны бүсгүйчүүд сонирхолтой сюрпризийн бэлджээ. Уулын цаначин Линдсей Вонн, Лэйси Шноор, сноубордчин Клэйр Бидез, Ханна Титер нар Спортс Илльюстрэйтед сэтгүүлд жин өвлийн хүйтэнд усны хувцастай зургаа авхуулцгаажээ.

Сонирхолтой нь энэхүү зургуудыг уг сэтгүүлийнхэн Канадын Бритиш Колумбийн Вистлер буюу олимпийн тосгонд энэхүү зургуудаа татуулсан байна. Эдэн дундаас хамгийн их анхаарал татаж буй нь Линдсей Вонн. Нэгдсэн улсын түүхэн дэх хамгийн шилдэг уулын цаначин бүсгүй хэмээгдээд байгаа дэлхийн хошой аварга энэ олимпод гурван алт авна гэж таамаглаж буй. Харин олимпоос өмнө сэтгүүлүүдийн нүүрэнд их үзэгдэх болж бүр усны хувцастай зургаа авхуулж буй нь олимпийн бамбар хэрхэн бадамлах бол гэдгээс ч илүү дуулианыг дэгдээгээд байгаа гэнэм.