Премьер лигийн 24-р тойрогтой холбоотой тоо баримт, статистик мэдээллээс хүргэе.

1 – Бриан Лаус Бёрнлигийн менежер болсноосоо хойшхи анхны хожлоо авчээ.

2 – Челси Арсеналтай хийсэн сүүлийн 16 тоглолтынхоо ердөө 2-т нь л хожигджээ.

2 – Бёрнли энэ тойрогт Вест Хэмийг 2:1-ээр хожсон. Бёрнли хаалга руу 2-хон цохьсон ч 2-уулаа гоол болсон бол Вест Хэм хаалга руу 8 цохиж, 1 гоол хийсэн гэнэ.

2 – Болтон лигийнхээ сүүлийн 25 тоглолтын ердөө 2-т нь л клин-шит хийсэн байна.

3 – Өнгөрсөн тойрогт 3 тоглогч улаан хуудсаар торгуулав. Тэд бол Сотириос Киргиакос, Стивен Пиенаар, Кристофер Самба нар.

4 – ПЛ-ийн топ 4 багт МЮ, Челси, Арсенал, Ливерпулийг тооцдог. “Их дөрөв”-ийн эсрэг энэ улиралд хамгийн сайн амжилт үзүүлээд байгаа баг бол Челси юм. Тэд нөгөө 3 багийнхаа эсрэг 4 тоглохдоо 4-үүлэнд нь хожсон төдийгүй ганц ч гоол хаалгандаа алдаагүй явна. Харин Арсенал хамгийн муу амжилттай, нөгөө 3-ийнхаа эсрэг 5 тоглохдоо 4-т нь хожигдож, 11 гоол хаалгандаа алджээ.

4 – Сток лигтээ хийсэн сүүлийн 4 тоглолтондоо дараалан хожигдоогүй явна.

4 – Хонконгийн бизнессмэн Балрам Чайнрай Портсмутын сүүлийн 6 сарын хугацааны 4 дэх эзэн нь болов.

5 – Челси энэ улиралд тоглолтын явцаас ердөө 5 гоол л хаалгандаа алджээ. Бусдыг нь торгуулийн цохилт, сет-писээс алдаад байна.

5 – Тоттенхэм өөрийн “White Hart Lane” цэнгэлдэхдээ хийсэн сүүлийн 5 тоглолтондоо дараалан гоол алдаагүй.

7 – Манчестер Юнайтед Портсмуттай хийсэн ПЛ-ийн бүх 7 тоглолтондоо хожжээ.

7 – Ливерпуль сүүлийн 7 лигийн тоглолтондоо ганц л гоол алдсан.

7 – К. Жоунс Сандерландийн төлөө 7 дахь лигийн гоолоо хийв.

9 – Манчестер Юнайтедийн эсрэг тоглож байгаа багууд нийтдээ 9 гоолыг өөрийн хаалгандаа хийжээ.

9 – Бирмингем лигтээ Вульвсийн эсрэг хийсэн 9 тоглолтондоо хожигдоогүй явна.

9 – Уиган сүүлийн 9 лигийн тоглолтынхоо ганцад нь л хожжээ.

10 – Вест Хэм сүүлийн 10 лигийн тоглолтынхоо ганцад нь хожжээ.

10 – Эвертон лигийнхээ сүүлийн 10 тоглолтноос анхны хожигдлоо хүлээв.

11 – Эвертон 1999 оны 9-р сараас хойш Энфилд цэнгэлдэхэд хожил аваагүй явна.

12 – Челси энэ улиралд лигтээ хамгийн олон буюу 12 клин-шит хийгээд байна.

12 – Дидье Дрогба Арсеналын эсрэг хийсэн сүүлийн 10 тоглолтондоо нийт 12 гоол хийгээд байна.

14 – Уиган – Сандерланд багууд лигтээ нийт 14 удаа л учраа таарчээ. Үүний 6-д нь тэнцэж, 3-т нь Хар муурууд, 5-д нь Латиксууд хожсон..

16 – Арсенал сүүлийн 16 зочлон лигийн тоглолтынхоо 2-т нь л гоол хийж чадаагүй.

16 – Сандерланд сүүлийн 16 лигийн тоглолтынхоо ердөө ганцад нь хожсоноос гадна сүүлийн 11 тоглолтноос нийт 33 оноо авах боломжтой байснаас ердөө 5-ийг авчээ.

18 – Болтон Фулхэмтэй ПЛ-т 18 тоглож, ердөө 3-т нь л хожсон гэнэ.

19 – ПЛ дэх Мерсисайдын дербид нийт 19 тоглогч улаан хуудас авчээ. Энэ бол ПЛ-ийн түүхэн дэх хамгийн “бохир” дерби. Сүүлийн 11 тоглолтонд нь нийт 10 тоглогч улаан хуудас авсан гэнэ..

23 – Уэйн Руни улирал эхэлснээс хойш оролцсон тэмцээнүүддээ нийт 23 гоол хийгээд байна. Энэ нь түүний хувийн дээд амжилттай тэнцжээ. Руни ямар ч байсан нэг улиралд хийсэн гоолынхоо дээд амжилтыг ахиулах нь.

32 – Бёрнли Вест Хэмийн талбай дээрээ 1978 оноос хойш буюу сүүлийн 32 жилийн хугацаанд анх удаа хожив.

36 – Челси бүхий л тэмцээнүүдэд талбай дээрээ хийсэн сүүлийн 36 тоглолтондоо хожигдоогүй явна.

50 – Дирк Кюйт Ливерпулийн төлөө 50 дахь гоолоо хийсэн.

53 – Портсмут 1957 оны 10 сараас хойш Олд Траффорд цэнгэлдэхэд хийсэн лигийн тоглолтуудынхаа алинд нь ч хожиж чадаагүй хэвээр.

100 – Жон Оби Микель Челсигийн төлөө ПЛ-т 100 дахь тоглолтоо хийлээ.

100 – Уилльям Галлас Арсеналын төлөө ПЛ-т 100 дахь тоглолтоо хийжээ.

213 – 213 дахь Мерсисайдийн дербид Ливерпуль хожлоо.

24-р тойргийг тоогоор илэрхийлэхүй, 10.0 out of 10 based on 1 rating