17-р жарны тийн урвагч хэмээх бар жилийн сар шинийн баярт зориулсан хүчит 256 бөхийн барилдаан Монгол Бөхийн Өргөөнөө болж өнгөрлөө. Cap шинийн барилдаанд Архангай аймгийн Батцэнгэл сумын харъяат даян аварга Г.Өсөхбаяр, Өвөрхангай аймгийн Баруунбаян-Улаан сумын харъяат МУ-ын арслан До.Ганхуяг, Хөвсгөл аймгийн Шинэ-Идэр сумын харъяат МУ-ын арслан Х.Мөнх-баатар, Говьсүмбэр аймгийн Сүмбэр сумын харъяат МУ-ын арслан Д.Азжаргал, Булган аймгийн Гурванбулаг сумын харъяат МУ-ын гарьд И.Доржсамбуу, Говь-Алтай аймгийн Чандмань сумын харъяат МУ-ын гарьд Н.Ганбаатар тэргүүтэй манай улсын шилдэг аварга, арслан, гарьд, заан, харцага, начингууд зодоглолоо.

Барилдааны 1-ийн даваанаас л онц сонирхолтой барилдаанууд гарч улсын алдар цолтой бөхчүүд өвдөг шороодож, аймаг цэргийн цолтой сайчуул хоорондоо тунан барилдаж байсан. Улсын заан Д.Амгаланбаатар, харцага Т.Мөнгөнцоож, заан Ц.Мягмарсүрэн нар эрт өвдөг шороодоцгоосон юм.

Энэ өдөр бүхэлдээ цэргийн арслан, Монгол туургатны аварга Ч.Санжаадамбынх байлаа. Тэр Даян аварга А.Сүхбатын, УИХ-ын гишүүн Л.Гүндалайгийн, УБ хивс компаний  нэрэмжит шагналуудыг бүгдийг хүртлээ.

Түүнчлэн өрсөлдөгч бүрээ хүч бяр, уран мэхээр ааглан давсаар үзүүр түрүүнд нутгийн аварга Г.Өсөхбаяртай үлдсэн. Үзүүр түрүүний барилдаан ч их удсангүй. Санаачилгыг бүрэн авч барилдсан цэргийн арслан ах аваргаа давж сар шиний барилдаанд түрүүллээ.

Ийнхүү цэргийн арслан Ч.Санжаадамба сар шиний барилдаанд түрүүлснээр энэ барилдааны 47 жилийн түүхэнд аймаг, цэргийн цолтойдоо түрүүлсэн анхны бөх боллоо.

Тэр 2010 он гарснаас хойш 6 барилдаанд зодоглож 5-д нь түрүүлж үнэмлэхүй амжилттай явна. Энэ хугацаанд 39 давж 1 унажээ.

3-ын даваа
1. дая.ав Өсөхбаяр у.н Пэрэнлэйдорж
2. у.ар Ганхуяг а.н Дагва-Очир
3. у.ар Мөнхбаатар а.н Н.Батсуурь
4. у.г Доржсамбуу у.н Ганбат
5. у.г Ганбаатар у.н Баянжаргал
6. у.з Ганбат у.н Цанлиг (барьц шододж)
7. у.з Бумбаяр а.а Батсуурь
8. у.з Рагчаа а.з Занданбат
9. у.з Батзориг а.з Мягмарсүрэн
10. у.з Соронзонболд у.н Наранбаатар
11. у.х Элбэг а.а Багахүү
12. у.х Пүрэвжав а.а Цэрэндаваа
13. у.х Баасандорж а.а Ариун-Эрдэнэ
14. у.х Магалжав а.а Гончигдамба
15. у.х Амартүвшин а.а Суманчулуун
16. у.х Батболд а.а Мэндбаяр
17. у.х Бат-Орших а.з Пүрэвсайхан
18. у.н Ёндонсамбуу а.з Батчулуун
19. у.н Эрхэмбаяр а.а Эрдэнэбат
20. у.н Лхагвасүрэн а.а Батжаргал (олимп)
21. у.н Бүрэнбаатар а.н Чимэддорж
22. у.н Насандэлгэр а.а Болдбаатар
23. у.н Өсөх-Ирээдүй а.а Цэрэнтогтох (барьц сонгож)
24. у.н Бат-Эрдэнэ а.з Адъяабат
25. у.н Цацабшир а.а Дэлгэрсайхан
26. у.н Тогтохбаяр а.а Пүрэвдагва
27. у.н Содномдорж а.а Батмөнх
28. у.н Батзаяа а.з Ганзориг (Тэс)
29. у.н Энхбат а.а Санчир
30. а.а Отгонбаатар а.а Сангисүрэн
31. а.а Алтанхуяг а.а Энхбат
32. ц.а Санжаадамба а.н Бүрэнтөгс

4-ийн даваа
1. дая.ав Өсөхбаяр а.н Н.Батсуурь
2. у.ар Ганхуяг а.з Ганзориг (Тэс)
3. у.г Доржсамбуу а.з Мягмарсүрэн
4. у.г Ганбаатар а.з Батчулуун
5. у.з Ганбат а.а Цэрэнтогтох
6. у.з Рагчаа а.а Батжаргал (олимп)
7. у.х Элбэг а.а Болдбаатар
8. у.х Пүрэвжав а.а Суманчулуун
9. у.х Баасандорж а.а Д.Энхбат
10. у.х Магалжав а.а Мэндбаяр
11. у.х Бат-Орших ц.а Санжаадамба
12. у.н Эрхэмбаяр а.а Пүрэвдагва
13. у.н Бүрэнбаатар а.а Батсуурь
14. у.н Наранбаатар а.а Санчир
15. у.н Бат-Эрдэнэ а.а Отгонбаатар
16. у.н Цацабшир у.н Содномдорж (барьц сонгож)

5-ын даваа

1. дая.ав Өсөхбаяр а.з Батчулуун
2. у.ар Ганхуяг у.н Бүрэнбаатар
3. у.г Доржсамбуу а.а Суманчулуун
4. у.з Ганбат а.а Санчир
5. у.з Рагчаа у.х Магалжав
6. у.х Элбэг ц.а Санжаадамба
7. у.х Баасандорж у.н Бат-Эрдэнэ (барьц шодоод)
8. у.н Эрхэмбаяр у.н Содномдорж

6-гийн даваа

1. дая.ав Өсөхбаяр у.х Баасандорж
2. у.ар Ганхуяг у.х Магалжав
3. у.г Доржсамбуу у.н Эрхэмбаяр
4. у.з Ганбат ц.а Санжаадамба

7-ийн даваа

1. дая.ав Өсөхбаяр у.г Доржсамбуу

2. у.ар Ганхуяг  ц.а Санжаадамба

8-ийн даваа

дая.ав Өсөхбаяр ц.а Санжаадамба

(Мэдээллийг “Спортын цонх” форумын гишүүн С.Цагаан)