Өнөөдөр НБА-ын талбайд 11 тоглолт болсон. Гэхдээ эдгээр тоглолтуудаас илүүтэйгээр солилцоо наймаанууд анхаарал татаж байна. Хэд хэдэн томоохон солилцоо боллоо.

Кливленд, Вашингтон, Клипперс багууд наймаа хийж, үр дүнд нь Энтуан Жеймисон Кавальерсийн тоглогч болов.

Кливлендээс Зидрунас Илгаускас, 2010 оны драфтын эхний бүсээс тоглогч сонгох эрх, Эмир Прелдчиц нар Вашингтонд очжээ. Вашингтоноос Энтуан Жеймисон Кавальерст, Дрью Гуден Клипперст очсон бол Клипперсээс Себьястан Телфайр Кавальерст, Эл Торнтон Вашингтонд очив.

Жеймисон 5 улирал хагас Визардсийн төлөө тоглоод солигдлоо. Визардс ийн Кэрон Батлер, Энтуан Жеймисон гэсэн лидерүүдээ, мөн овоо цалин авдаг Брэндон Хэйвүд, Дишон Стивенсон нараа үдэв. Магадгүй Аренасын хэрэг явдлаас шалтгаалж түүний гэрээ ч цуцлагдаж болох юм. Визардсийн цалингийн цэс ихээхэн суларч байгаа бөгөөд өөр сайн тоглогчдыг авах боломжтой. Улирлыг эхлүүлсэн Визардсаас одоо нэр нь л үлдэж, бусад нь огт өөр шахуу.

Жеймисон ирэх 2 улиралд нийт 28 сая долларийн цалин авна. Гэхдээ тэр энэ цалиндаа таарсан тоглолт үзүүлж чадна, ямар ч багт хэрэгтэй. ЛеБронд сайн хань болох нь тодорхой. Одоо 33-тай Жеймисон эхний 5 улиралдаа Голден Стэйтэд тоглоод Далласт 1 улирал тоглосон. Дараа нь Вашингонд ирж байв.

Кавальерс аваргын төлөө өрсөлдөх гол баг байсан, одоо бүр ч хүчирхэг боллоо. Гэхдээ Жеймисон Кавальерст үлдэх эсэхийг бас харж л байя. Магадгүй түүнийг Сансад өгч, Амаре Стаудмайрийг авах санал тавьж магадгүй гэсэн мэдээллүүд гарчээ.

Вашингтоных болсон Илгаускас одоо 34 настай, НБА-д 12 жил тоглохдоо Кавальерсийн төлөө л зүтгэж байв. Гэхдээ Илгаускас buyout хийж, өөр ямар ч багт үнэгүй очих боломжтой байгаа. Магадгүй эргээд Кавальерстээ ч нэгдэж болох. Мөн Даллас Маверикс түүнийг ихээхэн сонирхож байгаа гэнэ. Далласийн төвийн тоглогч Эрик Дампьер гэмтэл аваад байгаа юм.

Хьюстон Рокитс багийнхаа сүүлийн 10 жилийн гол од тоглогчоо зарлаа. Супер одын статус эзэмшдэг байсан Трэйси МакГрэйди өнөөдрийн солилцоогоор Сакраменто Кингзийн харьяат болов. Рокитсоос МакГрэйди, Карл Ландри, Жоей Дорси нар Кингзт очиж, Кингзээс Кевин Мартин, Кенни Томас, Хилтон Армстронг болон Сержио Родригес нар Рокитсийнх болжээ.

Рокитс ийн залуухан, оноо түүдэг сайн тоглогчтой болов. Гэхдээ Мартинд Кингзийн тоглолтын стил яг таг тохирдог байсан, тэр ч утгаараа олон оноо авдаг байсан бол одоо шал өөр буюу хамгаалах стилтэй Рокитст хэр сайн тоглохыг харъя. Рокитс мөн энэ жилийн шилдэг 6 дахь тоглогчийн шагналд нэр дэвшигч Карл Ландригаасаа салав. Ер нь Мартинийг ЛАндригаар сольчихлоо гэж үзэж болно. МакГрэйдиг өгснөөр түүнд өгч байгаа цалингийн дарамтаасаа салж байгаа хэрэг. МакГрэйди энэ улиралд НБА-ын хамгийн өндөр цалин авч байгаа тоглогч.

Кингзийн хувьд ердөө 3 сарын Кевин Мартиний баг байлаа. Гэвч улирал эхлээд удаагүй байхад Мартин гэмтэж, энэ хооронд шинэ тоглогч Т. Еванс өөрийгөө бүрэн харуулж чадсан нь Кингзийн удирдлагад нэгийг бодогдуулсан биз. Еванстай Кингз Мартинтай Кингзээс хавьгүй сайн тоглож байсныг ч бид харсан. Ингээд Мартинийг үдэв. Ирэх зун тэд самбарын сайн тоглогчдоос ангуучлах биз.

Мөн МакГрэйди ч Кингзэд үлдэхгүй байхыг үгүйсгэхгүй. Тэрээр шууд Никст очиж магадгүй юм. Америкийн цагаар Пүрэв гаригийн өдрийн 3 цагт солилцоо наймаа хаагдана. Түүнээс өмнө юу ч болохыг үгүйсгэхгүй.

Чикаго Буллз хамгаалагч Жон Салмонсоо Бакст өгч, Курт Томас, Франсиско Элсон нарыг авчээ. Буллзийн хувьд Томас, Элсон нар, эсвэл Хаким Уоррик, Жо Александр гэсэн хослолуудын нэгийг сонгох боломжтой байснаас эхнийхийг нь авсан байна. Буллз ирэх улиралд Салмонст 5.8 сая доллар өгөх ёстой байсан ч одоо тийм шаардлагагүй болж байна. Ингэснээр Никс, Хит, Нетс зэрэг багуудтай адилхан ирэх зуны чөлөөт агентуудад хамгийн их мөнгө бүхий гэрээ санал болгох боломжтой болж байгаа юм.

Солилцоо наймааны цонх хаагдах дөхөж байна. Амаре Стаудмайрийн солилцоо явагдаж магадгүй. Хэдхэн цаг хүлээхэд л асуудал шийдэгдэнэ. Хүлээж л байя.

Өнөөдөр болсон тоглолтуудын дүн:

“Индиана” – Сан-Антонио” – 87:90 (28:24, 17:27, 22:18, 20:21)

И: ГрейнЖер – 23+8 самбар. Хибберт – 14. Ти Жей Форд – 14.

С: Т. Паркер – 28. Жинобили – 18. Р. Жефферсон – 13.

“Вашингтон” – “Миннесота” – 108:99 (25:31, 27:23, 34:21, 22:24)

В: Блэтч – 33+13 самбар. М. Миллер – 17.

М: Эл Жефферсон – 18. Р. Гомес – 16. Флинн – 15.

“Орландо” – “Детройт” – 116:91 (30:25, 26:30, 27:22, 33:14)

О: Дуайт Ховард – 33+17 самбар. В. Картер – 20. Ж. Нельсон – 14+9 дамжуулалт.

Д: Хэмилтон – 36. Принс – 13+8 самбар. Жеребко – 13.

“Нью-Жерси” – “Майами” – 84:87 (22:23, 23:28, 21:19, 18:17)

Н: Б. Лопес – 26+10 самбар. Харрис – 18. Дулинг – 14.

М: Бизли – 23+11 самбар. Кв. Ричардсон – 16+14 самбар. Кук – 11.

“Нью-Йорк” – “Чикаго” – 109:115 (27:25, 37:28, 20:29, 25:33)

Н: Эл Харрингтон – 27. Чандлер – 26. Д. Ли – 23+12 самбар.

Ч: Роуз – 27. Денг – 23. Б. Миллер – 21+10 самбар

“Нью-Орлеан” – “Юта” – 90:98 (23:17, 20:24, 28:31, 19:26)

Н: Коллисон – 24+9 дамжуулалт. Стоякович – 24. М. Торнтон – 14.

Ю: Миллсэп – 24+8 самбар. Бузер – 16+15 самбар. Дер. Уильямс – 16+10 дамжуулалт.

“Торонто” – “Мемфис” – 102:109 ОТ (16:28, 31:21, 22:22, 28:26, 5:12)

Т: Бош – 32+10 самбар. Браньяни – 14+10 самбар. Кальдерон – 12+9 дамжуулалт.

М: Гэй – 29+8 самбар. З. Рэндолф – 24+11 самбар. Майо – 22+8 самбар.

“Милуоки” – “Хьюстон” – 99:127 (20:20, 32:37, 14:43, 33:27)

М: Мба а Муте – 18+8 самбар. Женнингс – 13. Богут – 12.

Х: Ариза – 22. Баттье – 20+10 самбар. Лэндри – 19.

“Даллас” – “Финикс” – 107:97 (28:23, 28:26, 26:19, 25:29)

Д: Новицки – 28. Кидд – 18+10 дамжуулалт. Терри – 17.

Ф: Стадемайр – 30+14 самбар. Ж. Ричардсон – 19. Р. Лопес – 14.

“Голден Стэйт” – “Сакраменто” – 130:98 (30:29, 42:16, 35:31, 23:22)

Г: Си. Жей. Уотсон – 40. Морроу – 25. ЖорЖ – 16.

С: Томпсон – 17 + 15 самбар. Эванс – 17 + 10 дамжуулалт. Грин – 15.

“Клипперс” – “Атланта” – 92:110 (26:29, 18:27, 31:25, 17:29)

К: Каман – 21 + 10 самбар. Гордон – 18. Батлер – 18.

А: Хорфорд – 31. Смит – 20 + 9 самбар. Жонсон – 18.