Аваргуудын лигийн шөвгийн 16 багийн эхний 4 тоглолт тун ”сонирхолтой” боллоо. Ялангуяа лхагвар гаригийн шөнө явагдсан тоглолтонд талбайн шүүгчид ”гол дүрийг” бүтээж ярианы сэдэв болоод байгаа. Ингээд эхний шатны тоглолтуудын дараа хэн хэн юу гэж ярьсаныг сонихоё.

Мирослав Клозе (Байерн Мюнхен)  ”Би зөн совингоороо отон тоглолтонд орсоноо мэдэрсэн л дээ. Гэхдээ үүнийгээ зурагтаар л харсан”

Жианкарло Абате (Италийн хөлбөмбөгийн холбооны ерөнхийлөгч ”Өнгөрсөн шөнө би өөрийнхөө нүдээр гутамшгийг харлаа. Миний юуны тухай ярьж байгааг та бүхэн мэдэж байгаа байх. Аваргуудын лигийн ийм өндөр хэмжээний тоглолтоыг шүүж байгаа шүүгч нар ажлаа ерөөсөө хийж чадахгүй байна. Миний яриад байгаа отон тоглолт бол хэдэн метрийн тухай зүйл шүү дээ, хэдэн см байсан бол ч бас яахав …

Чесаре Малдини : Сер Алекс гэрийн даалгаваргаа амжилтай биелүүллээ. Гэхдэ Миланчууд алдсан боломжоо ашигласан бол тоглолт огт өөрөөр өрнөх байсан юм. Ялангуяа Клаас Ян Хунтелаар 2 гоол оруулах сайхан боломжоо алдсан. Хэрвээ Лео (Леонардо) дараагийн тоглолтонд итгэлтэй байгаа бол би ч түүнийг дагана”

К.Роналду (Реал) : Эхний тоглолтдоо ялагдсан нь намайг тийм ч их зовоохгүй байна. Ялагдал гэдэг хөлбөмөбөгийн нэг л хэсэг шүү дээ. Аз болоход хариу тоглолтыг бид талбайдаа хийх учраас бүх зүйл урд байна. Ер нь нэг их зовлонгүй ялчихна гэж найдаад байгаа шүү”

Ческ Фабрегас ‘‘Залуу байхад хааяа алдаа гаргах юм байдаг шүү дээ. Фабиански яахав ганц алдаа гаргаал биз. Энэнийх нь төлөө газар дор ортол нь муулах ямар шаардлага байна аа. Бүх дуусаагүй байна. Хоёр дахь тоглолтоос бүх зүйл шалтгаалах учраас одоо энэ бүхнийг мартаад дараагийн тоглолтдоо анхаарал хандуулах хэрэгтэй байна’

Бастиан Шванштайгер ”Үнэнийг хэлэхэд бид яг хүсэж байсан шигээ сайн тоглож чадсангүй. Фиорентина тактикийн тал дээр үнэхээр сайн. эмх цэгцтэй тоглох юм. Уг нь 3-1-ээр ялах боломж байсан л даа. Гэхдээ яахав 1 : 1-ээр тэнцсэнээс л дээр үзүүлэлт авч чадлаа. Миний хувьд эхний хагаст тийм ч тоглож чадаагүй. Харин хоёрдугаар хагасаас тоглолт ороод нилээд хэдэн довтолгоо үүсгэсэндээ баяртай байна”

Силвестре Варела (Порту) ”Их хүнд тоглолт боллоо. Бидний хувьд бөмбөгийг илүү  эзэмшиж олон аюултай момент үүсгэж байснаараа ялалт авах бүрэн эрхтэй гэж бодож байна.  Хэдийгээр эсрэг багийн хаалгачын алдаанаас орсон ч гэсэн би оруулсандаа сэтгэл хангалуун байгаа. Хөлбөмбөг ийм л учраас сонирхолтой байдаг юм шүү дээ. Хасагдах шатанд манайх хүнд өрсөлдөгчтэй таарсан ч эхний тоглолтдоо давуу байдал үүсгэчихлээ. Одоо энэ үр дүнгээ хамгаалаад тоглочиход бүх зүйл ок гэж бодож байна”

Сол Кампбэл (Арсенал) ”Чөлөөөт цохилт заасны дара Португийн тоглогч намайг хашаад бөмбөгийг тоглолтонд оруулсан. Энэ бол яах аргагүй алдаа байсан. Яахав тэр тоглогч алдаа гаргасан байж болно гэтэл шүүгч өмнө нь зогсож байсан хэрнээ энэ бүхнийг зогсоогоогүй нь миний сонирхлыг татаад байгаа юм. Би тэгээд шүүгчтэй маргалдаад нэмэргүй гэдгийг ойлгоод тэр чигт нь л хаячихсан”

Диего Велле Валле (Фиорентинагийн ерөнхийлөгч) ”Манай баг ямар ч айж эмээсэн зүйл Байерний талбайд гайхалтай тоглож байсан. Энэ бол сайны дохио. Ер нь сүүлийн үед шүүгч нарын алдааг бид хэтэрхий их харах боллоо. Хэрвээ ажлаа хийж чадахгүй юм бол өөр юм олж хийх хэрэгтэй шүү дээ.
Хариу тоглолтонд л ийм ”харалган” шүүгч битий талбайд гараасай гэж залбирч байна”