2010 оны 2-р сарын 20-21-ны хооронд “Дуулиан-2020” тэмцээний шөвгийн 32-н хариу тоглолтууд явагдаж өндөрлөсөн. Нийт 40 тоглолт явагдах байсан боловч 39 тоглолт явагдсан. 5-р сургууль болон 33-р сургуулийн 15 насны ангиллын тоглолт явагдаагүй учир нь 33-р сургууль хүрэлцэн ирээгүй учраас хожлын эсрэг багт нь өгсөн. Бусад тоглолтууд амжилттай явагдаж өндөрлөсөн. Одоогоор нас насны шилдэг 16 баг тодроод байна. Эдгээр багууд эрх долоо хонгт буюу 2010 оны 2-р сарын 27-28-ны өдрүүдэд шөвгийн 16-н тоглолтуудаа хийх юм байна.

Нийт 39 тоглолдтонд 353 гоол орсон ба 1-р үе дээр 159 гоол харин 2-р үе дээр 194 гоол орсон. Энэ 194 гоол дундаас манай “Дуулиан-2020” тэмцээний 6000 дахь гоолийн эзэн тодорлоо. Энэ тоглогч маань 18-р сургуулийн 15 насны Уламбаяр овогтой  Тайвансайхан байсан. Бага Хангай ЦС-н эсрэг хийсэн  тоглолтын  2-р үеийн 21 дахь минутанд багийнхаа 6 дахь гоолийг хийснээр энэ жилийн 6000 дахь гоолийн эзнээр тодордлоо. Тухайн тоглолт 7:5-н харьцаатайгаар 18-р сургуулийн ялалтаар өндөрлөсөн байна.

Нийт 39 тоглолтонд 24 шар 4 улаан карт өгсөн. Картны тоо нь өнгөрсөн долоо хоногийхоос багассан боловч улаан карт 1 байсан бол энэ долоо хоногт 4 болж ихэссэн.

Энэ долоо хоногт хариу тоглолтууд явагдсан ба хэрэв тэнцсэн тохиолдолд шууд торгуулдийн цохилтоор тоглолтыг шийдэх байсан. Энэ нь  4 удаа тохиодсон: Эхнийх нь Хасу Мегаватт ХХК –н   52-р сургууль болон Тэнгэрийн Хишиг ХХК –н Ирээдүй ЦС сургуулийн 15 насны ангилалын тоглолт юм. Өмнөх тоглолтонд 2 баг 1:1-н харьцаатайгаар тэнцсэн. Харин хариу тоглолтондоо мөн л 4:4 харьцаатайгаар тэнцсэн. Ингээд торгуулийн цохилтоор тоглолтыг шийдэхэд 52-р сургууль 3:2-н харьцаатайгаар ялалт байгуулж дараагийн шатанд шалгарсан байна.

Мөн 92-р сургууль /Миг Даатгал/ болон Буянт Ухаа ЦС-н /MCS property/ 13 насны тоглолт нийт дүнгээрээ тэнцэж торгуулийн цохилтоор 92-р сургууль 3:2-оор хожсон. Хамгийн сүүлийн цохилтыг багийн ахлагч Баттулга алдсанаар 92-р сургуульд хожлыг өгсөн.

Багахан ч гэсэн сенсаци тарьсан баг бол 9-р сургуулийн 17 нас юм. Өмнөх тоглолтондоо жил болгон маш хүчтэй өрсөлдөгч байдаг 6-р сургуулийн багийн 3:1-р хожоод байсан. Энэ тоглолтонд хожих, тэнцэх эсвэл 1 гоолийн зөрүүтэй хожиход дараагийн шатандаа шалгарах байсан. Харин 6-р сургууль эцсийн минутанд 1 гоол хийснээр 4:2-р хожсон. Ингээд нийлбэр оноо тэнцэж торгуулийн цохилтоор 9-р сургууль 6-р сургуулийг 4:2-р буулгаж авчээ.

Ням гаригт болсон тоглолтонд нэг л тоглолт нийлбэр оноогоор тэнцсэн. Энэ тоглолт бол 2-р сургууль болон 65-р сургуулийн 13 насны ангилалын тоглолт юм. Хэсгийн тоглолтондоо бүх насны бүх багууд дундаас хамгийн олон гоол хийгээд байсан   2-р сургууль нь торгуулийн цохилтоор 4:3-р хожигдол амсаж шөвгийн 32-н тоглолтондоо бүдэрлээ.

Шилдэг 16 багт шалгарсан багуудад баяр хүргэж дараагийн шатанд нь амжилт хүсье. Шөвгийн 16-н тоглолтууд 2010 оны 2-р сарын 27-28-нд Хан Уул Дүүргийн заал болон Мон-Алтиус БТДС-н зааланд явагдах ба багууд хувиараа сайн хараарай. Мөн дараа дараагийн тоглолтонд хувцас хэрэгслээрээ жигдэрч тоглохыг анхааруулья. Хэрэв хувцас жигд бус байвал тоглуулахгүй гэдгийг анхаарна уу.

Илүү мэдээллийг www.duulian2020.mn

2010 оны 2- сарын 22-ны өдөр

Их Талын Дуулиан ТББ