“Сан-Антонио” – “Финикс” – 113:110 (21:25, 28:27, 28:24, 36:34)

С: Данкан – 21 + 10 самбар. Жинобили – 21 + 8 дамжуулалт. Жефферсон – 20.

Ф: Стаудмайер – 41 + 12 самбар. Ричардсон – 20. Стив Нэш – 18 + 11 дамжуулалт.

Бүх оддын тоглолтын цагираган дээрээс довтлох тэмцээний хошой аварга Жейсон Ричардсон чөлөөтэй байдлаас данкаа амжилтгүй болгосноор Санс Спэрсийн талбайд хожигдлоо. Санс ийн дараалсан хожигдлоо 5 дээр зогсоов.

Амаре өнөөдөр Данканы эсрэг 41 оноо авчээ. Жейсон Ричардсан, Амаре нар 4-р үед нийлээд 24 оноо авсан ч хамгийн чухал үед Ричардсон багаа хөөдсөн. Санс 2 оноо дутуу, цаг дуусахд 41.8 секунд үлдээд байхад Ричардсон сул гараад 2 оноо авч чадаагүй юм.

Спэрсээс Жефферсон 20 оноо авсан. Энэ улиралд тэрээр 6 дахь удаагаа л 20+ оноо авлаа. Эдгээр 6 тоглолтонд Спэрс бүгдэд нь хожжээ.

Спэрс сүүлийн 5 тоглолтынхоо 2-т нь л хожлоо.

“Атланта” – “Милуоки” – 106:102 НЦ (24:24, 20:22, 30:27, 18:19, 14:10)

А: Жо Жонсон – 24. Жош Смит – 22 + 15 самбар. Хорфорд – 17 + 10 самбар.

М: Сэлмонс – 32 + 8 самбар. Стэкхаус – 20. Богут – 14.

Бакс Салмонсийг солилцоогоор авснаас хойш анх удаа хожигдов. Салмонс улирлын хамгийн их 32 оноогоо авсны дотор нэмэлт цагт тоог 103:102 болгож ойртуулсан 3 оноо нь багтана. Гэвч үлдсэн 9.7 секундэд Бакс оноо авч чадаагүй байна.

Нэмэлт цагт Хоуксийн лидер Жо Жонсон 9 оноо авчээ.

Бакс Атлантагийн талбайд 6 дараалан хожигдсон нь энэ.

“Нью-Жерси” – “Вашингтон” – 85:89 (31:24, 19:20, 18:25, 17:20)

Н: И – 20 + 19 самбар. Харрис – 18 + 14 дамжуулалт. Лопес – 16 + 10 самбар.

В: Блэтч – 36 + 15 самбар. Торнтон – 20 + 8 самбар. Фой – 16.

Нетс энэ улиралд анх удаа дараалан хожил авах дөхсөн ч Визардсд талбай дээрээ хожигдов. Визардсаас А. Блатч өөрийн дээд амжилтаа тогтоож 36 оноо авчээ. Блатч  Хэйвүд, Батлер нарын наймаанаас хойш одын хэмжээний тоглолт үзүүлсээр байна. Тэрээр одоо Визардсийн довтолгооны нэг номерийн сонголт болжээ.

“Оклахома-Сити” – “Торонто” – 119:99 (34:24, 27:23, 30:20, 28:32)

О: Дюрант – 29. Жефф Грин – 20. Крстич – 16.

Т: Уимз – 14. Барньяни – 14. Дерозан – 13.

Оклахома Сити талбай дээрээ Крис Бошгүй Торонтог амархан хожлоо. Талбайн эзэд эхнээсээ л давуу тоглосон бөгөөд Дюрант 29 оноогоор багаа тэргүүлжээ. Оклахома Сити сүүлийн 13 тоглолтынхоо 11-т нь хожлоо. Тэд энэ улиралд 100+ оноо авсан 28 тоглолтынхоо 25-д нь хожиж байгаа гэнэ.

Торонто ийн 3 дараалан хожигдож баараггүй болгоод байсан 5-р байраа алдах магадлалтай болов. Тэд одоо 31-27 байгаа бол Буллз 31-28 амжилттайгаар яг ард нь бичигдэж байна.

“Орландо” – “Майами” – 96:80 (26:24, 26:24, 24:16, 20:16)

О: Р. Льюис – 22. В. Картер – 17. Редик – 15.

М: Уэйд – 21. Ж. О’Нил – 16. Олстон – 15. Кв.

Хэдийгээр Дуайт Ховард багтаа тус болж чадаагүй ч Мэжик талбай дээрээ Хитийг амархан хожлоо. Рашард Льюис 22 оноогоор багаа тэргүүлэв. Дуайт эрт олон алдаа гаргасан тул ердөө 24 минут тоглохдоо 7 оноо, 5 самбараас авалт хийжээ.

Хитийн од Дуэйн Уэйд 4 тоглолт өнжсөний эцэст тоглож, 21 оноо авсан ч баг нь хожлоос хол байв. Хит ийн 4 дараалан хожигдож, бүсдээ плей-оффийн гадна бичигдэх боллоо.

“Даллас” – “Нью-Орлеан” – 108:100 (35:24, 34:26, 17:25, 22:25)

Д: Новицки – 36. Батлер – 19. Кидд – 13.

Н: Коллисон – 35. Торнтон – 21. Стоякович – 16.

Шинэ тоглогч Даррен Коллисон ээлжит сайн тоглолтоо хийж, Далласын эсрэг 35 оноо авсан ч Дирк Новицки нийт 36, үүнийхээ 14-ийг нь 4-р үед авснаар Даллас талбай дээрээ хожил авлаа. Даллас ийн дараалан 7 хожив. Одоогоор лигт хамгийн урт хожлын цуврал.

Уг нь Хорнетс 25 онооны дутуу байсан ч тоог 101:97 болтол ойртуулсан. Коллисон энэ зөрүүг багасгахад гол үүрэг гүйцэтгэсэн бөгөөд 8 оноо дараалан авсан ч сүүлийн минутанд 2 ч удаа ТО хийснээр асуудал шийдэгджээ.

“Сакраменто” – “Клипперс” – 97:92 (32:18, 24:24, 20:26, 21:24)

С: Эванс – 22. Ландри – 18. Хэйвз – 16.

К: Каман – 18 + 11 самбар. Гуден – 17. Дэвис – 13.

Клипперс ердөө 37 хувьтай довтолж, Кингзийн талбайд хожигдол хүлээв. Кингз 12 сарын дунд үеэс хойш анх удаа талбай дээрээ дараалан хожлоо. Кингз харин 5 дараалж айлын талбайд хожигдов.

“Лейкерс” – “Денвер” – 95:89 (21:29, 22:23, 24:18, 28:19)

Л: Одом – 20 + 12 самбар. Артест – 17. Газоль – 15 + 14 самбар.

Д: Энтони – 21. Биллапс – 17. Аффлало – 16.

Өрнөдийн шилдэг багууд энэ улиралд 3 дахиа хоорондоо тоглов. Өмнөх 2 тоглолтонд Денвер хожоод байсан тул Лейкерс энэ удаа хожих хэрэгтэй байсан. Коби өнөөдөр маш муу тоглосон ч Рон Артитс Кармелог тун сайн хамгаалж, Ламар Одом сэлгээнээс эрч хүч өгснөөр Лейкерс талбай дээрээ хожлоо.

Артист 17 оноо авснаас гадна 6 удаа бөмбөг таслалт хийжээ. Коби 17 шидэж 14-ийг нь алсдан ч багийн бусад тоглогчид нь жигд сайн тоглосноор Лейкерс хожсон.

Кармело 21 оноо авсан бөгөөд 2 минут гаруй үлдээд байхад 6 дахь алдаагаа гаргаж тоглолтыг чөлөөлжээ.

Денвер сүүлийн 4:10-т нэг ч удаа оновчтой довтлоогүй байна.