Энэ сарын 17-нд эхэлсэн Залуучуудын сагсан бөмбөгийн АШТ өнгөрөгч 7 хоногт өндөрлөж аваргуудаа тодрууллаа. Тус тэмцээнийг энэ жил лигийн тэргүүн тоглогч Баярсүх агсаны нэрэмжит болгон түүний ар гэрийнхэн, МСБХ хамтран зохион байгуулсан юм. Залуучуудын сагсан бөмбөгийн АШТ-ний эрэгтэйчүүдийн  тэргүүн байрыг ХҮДС эзэлсэн бол МУИС, Хасу Мегаватт багууд эзэллээ. Харин эмэгтэйчүүдээс МУИС-ийн баг тэргүүлсэн бол ШУТИС, ХҮДС-ийн багууд удаах байруудад шалгарсан юм. Ийнхүү ХҮДС-ийн эрэгтэйчүүдийн баг 5 жилдээ Залуучуудын сагсан бөмбөгийн аварга багаар тодорч байгаа юм. Мөн Ахмадын сагсан бөмбөгийн АШТ 30-аас дээш, 40-өөс дээш насны гэсэн 2 ангилалд явагдсан.

Тус тэмцээний аварга багуудыг танилцуулбал 30 аас дээш насны ангилалд Бизнесийн чөтгөрүүд баг тэргүүлсэн бол удаах байрт Монсоник баг, 1+11 багууд шалгарчээ. 40-өөс дээш насны ангилалд тэргүүн байранд Генералууд баг шалгарч удаах байруудад Алтайн бүргэдүүд, Найзууд багууд тус тус шалгарсан юм.