Ирэх долоо хоногт Менни Пакьяо Ганын ”Их Мастер” Жошуа Клоттей нарын тулаан болно. Техасын Ковбойз ордонд явагдах энэ тулаан уг нь Пакьяо – Мейвеейдер нарын хооронд болох байсан. Гэвч хоёр тал сэргээшийн шилжилгээн дээр санал зөрөлдсөн тул бокс сонирхогчдын хүсэн хүлээж байсан тэр тулаан цуцлагдсан юм. Гэхдээ өрсөлдөгч нь л өөрчлөгдсөн болохоос Пакьяо ”хүнд гар”-тай тулах нь ойлгомжтой байгаа. Жошуагийн хувьд Меннигээс жин, өндөрөөр харьцангуй илүү учраас Пакман өөрийнхөө тоглодог тактикаа бага зэрэг өөрчлөх хэрэгтэй болж байга аж. Пакьяогийн дасгалжуулагч Фредди Роа ”Жошуа бараг 165 паунд байгаа нь бидний өмнө нь тулалдаж байсан тамирчдаас хамгийн хүнд нь болж байгаа юм. Дээрээс нь хөлийн ажиллагаа сайтай учраас манай хүн (Пакьяо) хөдөлгөөнийг сайн ажиглаж байгаад эцийн цохилтыг нэг л удаа өгөх хэрэгтэй. Коттотой хийсэн тулаанаас хойш альхэдийнэ 4 сар өнгөрчээ. Энэ хугацаанд Менни байнгын бэлтгэлтэй байсан болохоор энэ тулааныг ядах юмгүй даваад гарна байх. Бидний хувьд анх удаагаа Ковбойз ордонд тоглох гэж байгаа болохоор тун чухал тулаан болно” гэжээ. Энэхүү тулаан энэ сарын 13-нд болох бөгөөд WBO-гийн хагас хөнгөн жингийн бүсийн төлөө өрсөлдөх аж.