“Шарлотт” – “Голден Стэйт” – 101:90 (24:19, 29:35, 28:22, 20:14)

Ш: Огастин – 19. Ж. Уоллес – 18+10 самбар. Диао – 14+9 дамжуулалт+12 самбар.

Г: Карри – 25. Маггетти – 19. Морроу – 11.

Зочин багийн тоглогч С. Карриг Шарлоттын хөгжөөн дэмжигчид халуун дотноор угтан авсан бөгөөд анхны удаа бөмбөг авахад нь алга ташиж байв. Карри нь энд өссөн учир нэг ёсондоо “гэртээ” ирж байгаа хэрэг. Тэрээр тоглолтонд 25 оноо авч багаа тэргүүлсэн ч Бобкэтсийг барсангүй, хожигдлоо. Голден Стэйт ийн 4 дараалж хожигдов.

Бобкэтсийн С. Жексон хуучин багийнхаа эсрэг 16 довтолж, ердөө 5-ыг нь оновчтой болгожээ.

“Чикаго” – “Даллас” – 116:122 (26:30, 29:36, 25:28, 36:28)

Ч: Роуз – 34+8 дамжуулалт. Б. Миллер – 17.

Д: Новицки – 27. К. Батлер – 24. Бебуа – 24.

Даллас Чикагог хожсоноор дараалсан хожлын тоо нь 11 болов. Новицки нийт 27, 4-р үед 13 оноо авсан бөгөөд Даллас 14 онооны давамгайллаа 4 болгож алдсан ч хожиж дөнгөжээ. Буллзын хамгаалалт сул байсан нь Далласын 56.3 хувийн оновчтой довтолгооноос харагдана.  Буллз ийн 4 дэхээ дараалан хожиж, бүсдээ 8-руу ухарлаа.

“Майами” – “Атланта” – 100:94 (22:27, 30:29, 24:21, 24:17)

М: Уэйд – 38+10 дамжуулалт. Кв. Ричардсон – 22+11 самбар. Бизли – 22.

А: Кроуфорд – 24. Жо Жонсон – 20. Жош Смит – 17.

Майами талбай дээрээ Хоуксаас чухал хожил салгалаа. Ер нь одоо Дорнод бүсийн Буллз, Хит, Бобкэтс, Бакс зэрэг хэдэн багуудын хувьд тоглолт бүр чухал болоод байгаа, эдгээр багуудын нэг нь плей-оффоос мултрах юм. Хит өнөөдөр хожсоноор ямар ч байсан плей-оффын бүсэд үлдэж чадав.

Дуэйн Уэйд маш сайн тоглож, 38 оноо, 10 оновчтой дамжуулалт хийж багаа тэргүүлсэн бол М. Бисли тоглолтын  4-р үед нийт 14 оноо авчээ. Ялангуяа сүүлийн 2 минутанд 7 оноо дараалан авч тоглолтыг үндсэнд нь шийдсэн юм.

Энэ улиралд Хитийн гарааны холбогчоор Р. Алстон гарсан тоглолтуудад Хит 12-13, Карлос Аррой гарсан тоглолтуудад 9-7, Марио Чалмерс гарсан тоглолтуудад 11-11 гэсэн амжилт үзүүлээд байгаан байна.

“Юта” – “Клипперс” – 107:85 (26:32, 25:18, 32:22, 24:13)

Ю: Окур – 27. Бузер – 17+17 самбар. Корвер – 12.

К: Гуден – 20+12 самбар. Каман – 12+13 самбар.

Юта тоглолтыг тааруу эхэлсэн ч удалгүй өөрсдийн хэмнэлээ олж, Клипперсийг илт давуу хожлоо. Юта ийн улирлын 40 дэх хожлоо авав. Тэд өнөөдрийн тоглолтонд ердөө 6-хан удаа л ТО хийсэн гэнэ. Харин Клипперс 20 ТО хийжээ. Жазз энэ маягаараа сайн тогловол дивизионоо ч тэргүүлэх боломжтой. Тэд 40-22 бол Денвер 41-21 амжилттай байгаа юм.

“Нью-Йорк” – “Нью-Жерси” – 93:113 (32:22, 18:34, 24:27, 19:30)

Нью-Й: Д. Ли – 23. Чандлер – 20+10 самбар. Галлинари – 15.

Нью-Д: Харрис – 31. К. Ли – 25. Б. Лопес – 18+11 самбар.

Никс Нетсээс 16 онооны давуу байсан ч алдаж, улмаар 20 онооны зөрүүтэй хожигдож “шившиг” болов. Нетс 7-55 болж байгаа бөгөөд үлдсэн тоглолтуудаас 3 хожил авбал НБА-ын түүхэн дэх хамгийн муу баг болохгүй.

Никс 18 удаа холын шидэлт хийгээд 1-ийг нь ч оновчтой болгоогүй нь НБА-ын анти-дээд амжилт. Никс нэг тоглолтонд хамгийн олон удаа амжилгүй 3-аас шидсэн баг болж түүхэнд үлдэв.

Нетс энэ улиралд  Бобкэтсийг 2, Никсийг 2 хожжээ. Бусад 27 багуудаас ердөө 3-хан хожил салгаж.

“Мемфис” – “Сан-Антонио” – 92:102 (28:22, 20:36, 24:20, 20:24)

М: Майо – 23. М. Газоль – 17+13 самбар. Рэндолф – 15.

С: Р. Жефферсон – 18. Данкан – 17. Жинобили – 17.

Тони Паркер эхний хагаст баруун гарынхаа ясыг цуулснаар талбайг орхижээ. Спэрс түүнгүйгээр 6 долоо хоног тоглох нь. Өнөөдрийн тоглолтонд ямар ч байсан хожсон ч дараагийн тоглолтууд хүнд байх нь тодорхой.

Паркераа алдсан ч Спэрс өнөөдөр хожлоо. Тэд дараалан 4 хожив. Ричард Жефферсон өнгөрсөн оны 12 сарын 29-нөөс хойш анх удаа Спэрсийг оноогоор тэргүүлэв. Мемфис зочлон тоглолтуудаасаа дараалан 6 хожил авсан ч талбай дээрээ хийсэн сүүлийн 8 тоглолтондоо дараалан хожигдлоо.

“Миннесота” – “Хьюстон” – 98:112 (22:33, 28:27, 23:29, 25:23)

М: Лав – 20+11 самбар. Р. Гомес – 17. Холлинс – 15.

Х: К. Мартин – 30. Скола – 25+21 самбар. Брукс – 25+9 дамжуулалт.

Луис Скола 25 оноо, өөрийн дээд амжилт 21 самбараас авалт, Кевин Мартин 30, А. Брукс 25 оноо авснаар Рокитс Миннесотаг хожиж, улирлын 31 дэх хожлоо авлаа. Рокитсийн Т. Ариза 5 дахь, К. Лоури 10 дахь тоглолтоо тус гэмтлийн улмаас өнжжээ.

“Финикс” – “Индиана” – 113:105 (29:28, 34:29, 30:29, 20:19)

Ф: Стадемайр – 30. Хилл – 22+8 самбар. Ж. Ричардсон – 20+10 самбар.

И: Грейнжер – 24. Хибберт – 22. Мёрфи – 19+16 самбар.

Амаре 3 дахь тоглолтондоо дараалан 30 оноо авсан бөгөөд Санс талбай дээрээ Пейсерсийг хожиж, улирлын 40 дэх хожлоо авлаа. Энэ нь Сансын хувьд түүхэн дэх 1900 дэх хожил нь болсон байна.

Тоглолтын 2-р хагаст Сансын Фрай өрсөлдөгч багийнхаа Уотсоныг санаатай түлхсэн бөгөөд Уотсон, Грейнжер нар Фрай руу дайрчээ. Энэ будлианд Жейсон Ричардсон, Рой Хибберт нар ч нэгдсэн байна. Шүүгч тэднийг салгасан бөгөөд Фрай тоглолтноос хөөгджээ.

Өмнө нь Уотсон Нэшийг тоглолтын явцад тохойдож байсан бөгөөд энэ явдалтай холбоотойгоор Фрай Уотсоноос хариу авсан байж магадгүй л юм.

“Милуоки” – “Кливленд” – 92:85 (25:14, 17:27, 27:20, 23:24)

М: Женнингс – 25. Дельфино – 16+13 самбар. Богут – 15+9 самбар.

К: А. Жеймисон – 30+11 самбар. Дел. Уэст – 27.

Милоукигийн Брэдли Центрийн бүх тасалбар зарагдсан байлаа. Мэдээж ЛеБрон Жеймсийн тоглолтыг харахыг олон хүн хүсээ биз. Гэвч ЛеБрон өмнөх тоглолтонд шагайндаа бага зэрэг гэмтэл авсан бөгөөд сэдрээхгүй гэсэн үүднээс тоглосонгүй. Харин ордон дүүрэн үзэгчид 20 настай Брэндон Женнингсийн сайн тоглолтыг харлаа. Тэрээр 25 оноо авч багаа тэргүүлж, Бакс талбай дээрээ бүсийнхээ манлай багийг хожив.

Кавальерс ЛеБроныг тоглоогүй гарааны бүрэлдэхүүнд багтаагүй тоглолтуудад 10 дараалан хожигдсон нь энэ гэнэ. Жеймисон багаа 30 оноогоор тэргүүлсэн ч Мо Уилльямс түүнд хань болж чадсангүй.

Бакс сүүлийн сүүлийн 10 тоглолтынхоо 9-д нь хожжээ.