Азгүй бүтэлгүйгээрээ дуудуулдаг Бентднер өнгөрсөн шөнө хангалттай азтай байлаа. Тэрээр Португийн хаалганд хет-трик хийж мэргэн буучдын жагсаалтанд хүч түрэн орж ирлээ. Хоёр долоо хоногийн өмнө 2 : 1-ээр ”харамсалтай” ялагдсан буучид уг нь 1 : 0-ээр ялахад л хангалттай байлаа. Гэвч тэд үүргээ давуулан биелүүлж багийн ахлагч Фабрегасгүйгээр 5 : 0 гэсэн гайхалтай ялалт байгууллаа. Сүүлийн үед форм сайтай байгаа Самир Насри тэдний ялалтын гол түлхүүр байсан. Франц тоглогчийн эхлүүлсэн довтолгоог 9 дэх минутад  Бендтнер гүйцээж тооны харьцааг нээсэн.

Улмаар 25 дахь минутад Андрэй Аршавиний ”бэлэн хоол”-ыг Дани довтлогч хүртэж дубль хийлээ. Эхний хагасын дараа Жесуалда Феррейра Кристиан Родригесийг талбайд гаргаж довтолгоондоо хүч нэмлээ. Родригес жигүүрээр аюултай довтолгоог өрнүүлж байсан Фалкао, Халк нар түүнийг нь чулуу болгож чадсангүй.

Ингээд үүний хариу болгож 63 дахь минутад Насри өөрийнхөө ур чадварыг хангалттай харуулсан гоол орууллаа. Буучдын довтолгоо үргэлжилсээр Эбуе, Бентднер нар эцсийн гоолуудыг оруулж нийт 5  гоолоор өрсөлдөгчөө буулган авсан.
Ийнхүү Арсеналчууд шөвгийн 8-д шалгарах эрхийг хамгийн түрүүнд хүртлээ. Арсене Венгер тоглолтын дараа ”Би шөвгийн наймд Английн багтай оноолт таармаар байна. Энэ улиралд бид МанЮ, Челсиг ялж чадаагүй байгаас учраас Европын тэмцээнд ялвал илүү амттай мэдрэмж авах болов уу” гэжээ.
Портучууд өнгөрсөн жил МанЮ-д ялагдаж тэмцээнийг орхиж байсан бол энэ жил бас л Английн багт дөнгүүллээ. 

АРСЕНАЛ – ПОРТУ – 5:0 (2:0)

Гоол :   Бендтнер, 9 (1:0). Бендтнер, 25 (2:0). Насри, 63 (3:0). Эбуе, 66 (4:0). Бендтнер, 90+1-с пенальти (5:0).

Арсенал : Мануэль Альмуния, Бакари Санья, Сол Кэмпбелл, Томас Вермален, Гаэль Клиши, Самир Насри (73), Александр Сонг, Абу Диаби, Томаш Росицки (57), Андрей Аршавин (76), Никлас Бендтнер,

Сэлгээ : Эммануэль Эбуе, 57, Денилсон, 73 Тео Уолкотт, 76

Порту : Элтон, Фусиле, Роланду, Бруну Алвеш, Альвару Перейра, Рубен Микаэль (76), Нуну Коэлью (46, Рауль Мейрелеш, Сильвестре Варела (76), Халк, Фалькао

Сэлгээ : Кристиан Родригес, 46, Фреди Гварен, 76, Мариано Гонсалес, 76