Спрайт лигийн Бүх оддын тоглолтонд шалгарсан тамирчид өчигдөр буюу 3-р сарын 17-нд Нийслэлийн халамжийн төвд зочлон, халамжийн төвийн хүүхдүүдэд гарын бэлэг гардуулж, хүмүүнлэгийн үйлс хийжээ. Энэ үйл ажиллагааг “TLG-13″ төрийн бус байгууллага зохион байгуулсан бөгөөд уг ТББ нь зөвхөн спортын уралдаан тэмцээнээс гадна энэ мэт нийгэм рүү хандсан, хүмүүнлэгийн үйл ажиллагаануудыг санаачлан зохион байгуулдаг юм. Өнгөрсөн жил уг халамжийн төвд 1000 ширхэг Спрайт ундааг бэлэглэж байжээ.

Америкийн Үндэсний сагсан бөмбөгийн холбоо NBA-Cares нэртэй нийгэм лүү хандсан хүмүүнлэгийн үйл ажиллагаа явуулж, олон нийтийн ажил үйлсд идэвхтэй оролцдог  бөгөөд “TLG-13″ төрийн бус байгууллага энэ үлгэр дуйрааллыг эх орондоо бодитойгоор хэрэгжүүлж байна.

Sprite league Cares гэж хэлж болохоор энэ үйл ажиллагаа тогтмол зохион байгуулагдах бөгөөд олон арга хэмжээнүүд зохион байгуулах ажээ.