“Чикаго” – “Кливленд” – 85:92 (28:29, 18:25, 19:15, 20:23)

Ч: Гибсон – 20+13 самбар. Жеймс Жонсон – 16+8 самбар. Маррей – 12.

К: Жеймс – 29+11 самбар. Мо Уильямс – 18.

Кавальерс Чикагогийн талбайд улирлын ээлжит хожлоо авлаа. Энэ тоглолтын үеэр ЛеБрон Жеймс НБА-ын улирлын тоглолтын 15000 дахь оноогоо авч, энэ амжилтыг хамгийн залуудаа үзүүлсэн тоглогч боллоо. ЛеБрон 25 нас, 79 хоногтойдоо энэ амжилтанд хүрсэн бол Коби 27 нас, 136 хоногтойдоо 15000-ын босгыг давж байж. ЛеБрон 540 тоглолтонд 15000 оноо цуглуулж байгаа бол Коби 657 тоглолтонд 15000 оноо авч байлаа.

“Гэмтэл бэртэлгүй байсаар байна гэдэгтээ итгэлтэй байна, дээд амжилтуудыг үргэлжлүүлэн эвдэх болно” хэмээн ЛеБрон хэлжээ. ЛеБроныг Буллзын хөгжөөн дэмжигчид халуун дотноор дэмжиж байлаа. Энэ нь ч учиртай. ЛеБроны ирэх зун чөлөөт агент болох бөгөөд Буллзийн хувьд түүнд хамгийн том гэрээ санал болгох боломжтой багуудын нэг, ЛеБроныг мөрөөдөгсдийн томхон төлөөлөгч юм.

Буллзын хувьд 10 дараалан хожигдож байгаа бөгөөд 2001 оноос хойш нэг улиралд хамгийн олон дараалж хожигдов.

“Индиана” – “Детройт” – 106:102 (33:18, 29:23, 25:29, 19:32)

И: ГрейнЖер – 29. Мёрфи – 20+8 самбар. Раш – 15. Хибберт – 15.

Д: Стаки – 25. Б. Гордон – 17. Саммерс – 12.

2 хоногийн өмнө Пейсерсийн зүгээс Д. Грейнжерийг гэмтлийн улмаас хэзээ талбайд гарах боломжгүй, хэзээ эргэн ирэх нь тодорхойгүй байна гэж байсан ч өнөөдрийн тоглолтонд тоглож, багаа тэргүүлэн 29 оноо авчээ. Пейсерс сүүлийн 3 тоглолтынхоо 2-т нь хожив.

Грейнжерээс гадна Родни Стаки мөн эргэн иржээ. Пистонсийн хамгаалагч тэрээр 2 долоо хоногийн өмнө Кавальерстэй тоглож байхдаа ухаан алдан талбайг орхиж байлаа. Тэрээр эргэн ирээд 25 оноогоор багаа тэргүүлж. Мөн Бен Уоллес 8 тоглолт өнжсөний эцэст тоглолтонд оролцож. Гэхдээ Пистонсийг хожилд хүрэхэд дээрх 2 тоглогчийн нэмэлт хүч хангалтгүй байв.

“Торонто” – “Оклахома” – 89:115 (25:39, 19:32, 21:26, 24:18)

Т: Бош – 22+10 самбар. Барньяни – 15. Белинелли – 12.

О: Дюрант – 31. Жефф Грин – 25. Уивер – 12.

Торонто талбай дээрээ Оклахоматай тоглож эхний үед 14, эхний хагаст 27 оноогоор хоцорч, эсэргүүцэл үзүүлж чадалгүй хожигдов. Оклахома ийн 42-25 болж, бүсдээ 5-д бичигдэж байна. Плей-офф одоо эхэлвэл тэд эхний шатанд Ютатай.

Рэпторсийн хувьд муу тоглолтууд нв үргэлжилсээр л. Бош гэмтсэнээс хойг тэд тун муу тоглох болсон бөгөөд Бош эргэн ирээд ч энэ баг урьдын хэмнэлээ олж чадахгүй л байна. Тэд сүүлийн 12 тоглолтынхоо 10-т нь хожигджээ.

“Атланта” – “Шарлотт” – 93:92 ОТ (20:26, 26:18, 18:25, 20:15, 9:8)

А: Жош Смит – 18+11 самбар. Жо Жонсон – 18. Кроуфорд – 16.

Ш: Фелтон – 25. Ж. Уоллес – 20+16 самбар. С. Жексон – 19.

Жо Жонсон маш олон удаа амжилтгүй довтолж байсан, бүр эхний 9 довтолгоогоо бүгдийг нь алдсан ч тоглолтын хамгийн чухал шидэлтээ оновчтой болгож, багтаа хожил авчирлаа. Бобкэтсийг талбай дээрээ хүлээн аван тоглосон Хоукс нэмэлт цаг дуусахад 4 секунд хүрэхгүй хугацаа дутуу байхад 1 оноогоор хожигдож байсан ч Жо Жонсон цаг дуусахтай уралдан дундаас шидэж, тэр нь амжилттай болсноор Майкл Жордан эзэнтэй багийг хожив. Жонсоны өмнө Р. Фелтон оновчтой довтолж, Бобкэтс 1 оноо илүү болоод байлаа.

Жо Жонсон нийт 18 оноо авсныхаа 16-г нь нэмэлт цаг болон 4-р үед авсан гэнэ. “Жо бол мэргэжлийнх. Тэр бол од. Тэр хэрэгтэй үед ямар ч шидэлт хийх чадвартай” гэж М. Вудсон тоглогчоо магтсан байна. Уг нь Ларри Брауны тактик нь Хоуксийг шидэхээс нь өмнө алдаа хийх байж. Бобкэтст алдаа хийх боломж байсан бөгөөд ингэсэн тохиолдолд Хоукс торгуулийн шидэлт хийх эрхгүй байлаа. Гэвч багахан хугацаанд тийм завдал болоогүй аж.

“Нью-Йорк” – “Филадельфи” – 92:88 (15:26, 33:24, 15:14, 29:24)

Н: Галлинари – 25. Дуглас – 22. Уолкер – 15.

Ф: Брэнд – 19. Игуодала – 17. Холидэй – 15+8 самбар.

Т. Дуглас нийт 22 оноо, үүнийхээ 14-ийг нь 4-р үед авснаар Никс талбай дээрээ 76-г хожлоо. Тэрээр 4-р үед 13 оноо дараалан авсан байна. Никсээс гол тоглогчид нь болох Дэвид Ли болон Уилсон Чандлер нар тоглоогүй ч хожил авч чаджээ. Никс 76-г 5 хоногийн дотор 2 дахиа хожиж байна.

“Сан-Антонио” – “Голден Стэйт” – 147:116 (41:28, 36:33, 44:29, 26:26)

С: Жинобили – 23+11 дамжуулалт. Р. Жефферсон – 21. Данкан – 17.

Г: Эллис – 39. Маггетти – 30. Р. Уильямс – 15.

Голден Стэйт Сан Антионод ирээд 24 дараалан хожигдов. Гэхдээ өнөөдрийнх шиг ингэж хожигдож байсангүй. Спэрс нийт 147 оноо авсан нь Грег Попович энэ багийг удирдаж эхэлснээс хойшхи хамгийн өндөр оноо юм.  Попович 1996 оноос хойш Спэрсийг удирдаж байгаа гэхээр 15 жилийн турш ийм олон оноо баг нь авахыг хараагүй болох нь. 2 хоногийн өмнө л гэхэд тэд Орландод хожигдохдоо нийт 84 оноо авч байсан бол өнөөдөр эхний хагас дуусахад л 77 оноо аваад байлаа.

Данкан ердөө 14-хөн минут тоглохдоо 17 оноо авсан байна. Гэхдээ Спэрсийг одоо Оклахома Сити, Лейкерс, Кливленд, Бостон гэсэн эвгүй учраанууд хүлээж байна. Эдгээр тоглолтын амжилтаар плей-оффт хэдээр гарах нь шийдэгдэнэ.

Голден Стэйт 1997 оны Валентиний өдрөөс хойш нэг ч удаа Сан Антионогийн талбайд хожиж чадаагүй хэвээр үлджээ.

Спэрсийн нэг тоглолтонд авсан дээд амжилт нь 163 бөгөөд 1976 онд Сан Диего Клипперсийн эсрэг ийм оноо авч байж.

“Сакраменто” – “Милуоки” – 108:114 2ОТ (21:29, 27:20, 25:17, 22:29, 6:6, 7:13)

С: Удрих – 26+9 дамжуулалт. Хэйес – 16+8 самбар. Лэндри – 16.

М: Женнингс – 35+8 дамжуулалт. Сэлмонс – 27. Богут – 21+11 самбар.

Магадгүй энэ тоглолтын үр дүн оны шилдэг шинэ тоглогчийг тодруулахад ихээр нөлөөлөх байх. Брэндон Женнингс болон Тайрук Эвансийн дуэльд Баксийн тоглогч цэвэр ялав.

Женнингс нийт 35 оноо, үүн дотор 3 онооны 8 шидэлтээ оновчтой болгож, 8 оновчтой дамжуулалт өгснөөр багийнхаа хожилд голлох үүргийг гүйцэтгэжээ. Харин Т. Эванс даруухан амжилт болох 15 оноо авсан бөгөөд тоглолт дуусахаас өмнө Э. Ильяоавад нүүр лүүгээ цохиулж талбайг орхисон. Тэрээр шинжилгээнд орох бөгөөд гэмтэл нь ноцтой бол магадгүй түүний эхний улирал дуусаж ч болох. Эвансийн эрүү нь хугарсан байж магадгүй.

Уг нь Кингз үндсэн цагт хожих магадлал өндөр байлаа. 23 секунд дутуу байхад Кингз 4 оноо илүү байсан, Салмонс 3 оноо авснаар зөрүүг 1 болгожээ. Удрих 2 торгуулиа оновчтой болгосноор зөрүү 3. Дараа нь Ильясова эвгүй нөхцөлөөс 3 онооны шидэлтээ оновчтой болгосноор тоо тэнцсэн байна.

Бакс Салмонсийг гараанд гаргасан 15 тоглолтынхоо 13-т нь хожжээ.

“Хьюстон” – “Бостон” – 87:94 (24:28, 17:22, 21:22, 25:22)

Х: Скола – 17+10 самбар. К. Мартин – 17.

Б: Пирс – 26. Р. Аллен – 19. Гарнетт – 15+8 самбар.

Рокитсийн хурдтай холбогч Аарон Бруксийг Селтиксийн од Ражон Рондо тун сайн хамгааллаа. Брукс сул зайнд гарсан тохиолдолд бусад Селтиксийн тоглогчид түүнийг зогсоож байв. Селтикс ийн өрсөлдөгч багийнхаа хамгийн аюултай тоглогчийг тун сайн хамгаалж чадсанаар Рокитсийг талбайд нь хожиж, дараалсан хожлыг нь 4 дээр зогсоов.

Селтикс зочлон тоглолтуудаас 23-12 амжилт үзүүлээд байгаа бол талбай дээрээ түүнээс муу 21-12 амжилттай байгаа нь сонин.

Бостон ийн Атлантатай хожил, хожигдол нь тэнцэж, 3, 4-р байранд бичигдэж байна. Гэхдээ эдгээр багуудын хожил, хожигдол тэнцвэл Хоукс өмнө нь бичигдэнэ, учир нь тэд энэ улиралд хоорондын тоглолтын хожлоор Селтиксээс илүү.

“Финикс” – “Юта” – 110:100 (32:22, 20:15, 29:30, 29:33)

Ф: Стадемайр – 44. Р. Лопес – 19+10 самбар. Нэш – 15+10 дамжуулалт.

Ю: Бузер – 23+16 самбар. Майлс – 17. Дер. Уильямс – 13.

Амаре Стаудмайр энэ улирлын өөрийн дээд болох 44 оноог авч, Санс талбай дээрээ Жаззыг хожиход гол үүрэг гүйцэтгэлээ. Эдгээр багуудыг улирлын төгсгөлд ганц нэг хожил л зааглах магадлалтай тул үлдсэн тоглолтууд бүр чухал, тэр дундаа хоорондын тоглолтууд нь бүр ч чухал гэдэг нь мэдээж.

Санс тоглолтын эхнээс л тэргүүлсэн бөгөөд хэмнэлээ алдахгүй тоглосоор энэ улиралд Жаззыг анх удаа хожлоо. Өмнө нь 2 хожигдоод байжээ.

Юта довтлогч А. Кириленкогүйгээр тоглосон бөгөөд төвийн тоглогч М. Окур нь 2-р үеэс тоглолтыг орхисон байна.

“Портленд” – “Вашингтон” – 76:74 (23:18, 19:12, 13:21, 21:23)

П: ОлдриЖ – 19+12 самбар. А. Милер – 14. Рой – 14.

В: М. Миллер – 16+8 самбар. Блэтч – 12. Фойе – 11.

Брэндон Рой өнөөдөр Визардсийн эсрэг 14 дараалан оновчгүй шидсэн ч 0.9 секунд дутуу байхад хожлын оноо авчээ. Рой өнгөрсөн долоо хоногт дунджаар 27 оноо авч, Өрнөдийн долоо хоногийн шилдэг тоглогч болоод байсан ч өнөөдөр хожлын оноо автлаа тун муу довтолж байв.

Визардсийн хувьд сайн хамгаалсан ч зөрүүлээд тун муу довтолж, дараалсан 10 дахь хожигдлоо хүлээгээд байна.

Портлэндийн Андре Миллер дараалан 600 дахь тоглолтоо хийжээ. Энэ нь одоогоор НБА-д хамгийн урт цуврал болж байна.

“Лейкерс” – “Миннесота” – 104:96 (31:20, 28:29, 19:19, 26:28)

Л: Брайант – 22+13 дамжуулалт. Одом – 18. П. Газоль – 17+14 самбар.

М: Флинн – 20. К. Лав – 19+11 самбар. Миличич – 16+12 самбар.

Аваргаа хамгаалсан хамгийн сүүлийн баг нь 2002, 2003 оны Лейкерс. Түүнээс хойш нэг ч баг дараалан түрүүлээгүй байгаа. Энэ жил Лейкерсийн магадлал өндөр байгаа ч өнөөдөр Эндрью Байнум нь гэмтэв.

Байнумтай Байнумгүй Миннесотаг хожиход хэцүү биш байсан ч плей-оффын чухал тоглолтуудад ганц бигмен нь ихээхэн хэрэг болно. Одоогоор Байнумийн гэмтлийн талаар тодорхой мэдээлэл байхгүй байгаа ч MRI-ын хариу яаж ч гарч болно.

Өнөөдрийн хожил нь Лейкерст плей-оффын эрх өгч байгаа бөгөөд Жерри Бассын 31 жилийн “эзэгнэл”-ийн 29 дэх плей-офф нь болжээ.

ЛеБрон хамгийн залуу 15000-тан, 10.0 out of 10 based on 1 rating