Рафаэл Бенитез

Ливерпулийн энэ улирлын бүтэлгүйтэл Рафагийн энэ баг дахь ирээдүйг тодорхойгүй болгосоор байгаа. Харин Ливерпультэй адил бүтэлгүй улирлыг Италид үдэж буй Ювентус баг Рафаг сонирхоод эхэлжээ.

Аваргуудын лиг, Италийн цомоос мултарсны дараа дасгалжуулагч Чиро Феррарагаа халсан Юве Алберто Заккерониг богино хугацааны гэрээгээр ажиллуулж буй. Харин өнгөрсөн долоо хоногт Европа лигт бут ниргүүлсний дараа ирэх жил шинэ дасгалжуулагч авах хэрэгтэй гэдгийг ойлгохоос өөр аргагүй болов бололтой.

Сери А-даа ч Самплориад 1-0 ээр хожигдож 6-р байранд бичигдэж бүр ч нэрмээс болов.

Багийн ерөнхий захирал Роберто Баттега ч шинэ дасгалжуулагч сонирхож байгаагаа хэлээд “Бидний зорилго хүснэгтэнд Аваргуудын лигийн бүсд орох” гэжээ.

Фиорентинагийн дасгалжуулагч Пранделли мөн орох магадлалтай хүмүүсийн нэрсийн жагсаалтад бий. Гэхдээ Италийн хэвлэлүүд Ювегийн номер 1 бай бол Рафа гэж байна. Рафа итали хэлээр чөлөөтэй ярьдаг бөгөөд Беттега түүний багын сайн найз нь гэнээ. Энэ нь энэ яриаг улам лавшруулахад хүргэж байна.