TLG13 Төрийн бус байгууллага, MCS  Coca Cola компаниуд хамтран зохион байгуулдаг сонирхогчдын сагсан бөмбөгийн Спрайт лигийн бүх Оддын тоглолт өнгөрөгч амралтын өдрүүдээр явагдаж өнгөрлөө.

Шинийг сэдэж, ихийг бүтээж буй TLG13 байгууллагын зохион байгуулсан бас нэгэн сайхан арга хэмжээ нь энэ байсан.

Бүх Оддын тоглолт бүхэлдээ НБА-ийн Бүх оддын тоглолтыг санагдуулам байсан бөгөөд тэмцээнүүд, Бүх Оддын тоглолт нь дэлхийн оргил лигийн жишгээр явагдлаа. Ингээд та бүхэндээ Бүх Оддын тоглолтын оддыг танилцуулъя.

Хасу Мегаватт компаний нэрэмжит Холын зайн шидэлтийн аваргаар:

1. Төмрөө – Бридж Стар (19 оноогор) тэрээр 16 настай.
2. Оюунбат – УБДС 17 оноо

“Скайтел”ХХК-ын нэрэмжит УР ЧАДВАР-ын тэмцээны аваргаар 2 дахь жилдээ дараалж

1. Лвагвадорж – Их харанга 28 сек
2. Тулга – Хасу Мегаватт
3. Төгөлдөр – Скайтел
4. Давааням – МОНАТКА

Чингис Хаан банкны нэрэмжит Багийн тэмцээны ялагчаар 2 дахь жилдээ дараалж

1. Скайтелын шонхорууд баг 2 минут 28 секунд
2. Хасу мегаватт
3. Касс SBL
4. ЭМ-СИ-ЭС

Орчлон спорт клубын нэрэмжит two ball шидэлтийн тэмцээны аваргаар

1. ХХБ Алтанзагас Оюун-Эрдэнэ 66 оноогоор
2. Хөвсгөл
3. ЭМ-СИ-ЭС
4. Хаан банк

Энэ удаагийн Бүх оддын тоглолтын хамгийн оргил мөч болох Монголын хамгийн шилдэг Slam Dunk-чидийн хооронд болсон Sprite Slam dunk тэмцээн болох үед СТО-ны “А” заалны тог тасарсан боловч зохион байгуулагчид яаралтай арга хэмжээ авч үзэгчдийг удаан хүлээлгэлгүйгээр тогийг асааж оролцогчид  урьд өмнө болж байгаагүй гайхалтай сонирхолтой үзүүлбэрүүдийг ар араасаа үзүүлж ширүүн өрсөлдсөний эцэст ОТИС багийн Нямдорж 98 оноогоор түрүүлж Шанхайд болох NBA-н тогололтыг үзэх эрхээр шагнууллаа.

1. Нямдорж – ОТИС 98 оноо
2. Мөнхсайхан – ШУТИС 95 оноо
3. Мөнхболд – Хасын хөлгүүд
4. Санчир – ХҮДС
5. Хадбаатар – TLG13
6. Бүрэн – Магнай трейд

Бүх Оддын тоглолтын ялагчаар Зүүн бүсийн баг тодорч MVP шагналын эзнээр МОНАТКА багийн тоглогч Төрмагнай 16 оноо 3 бөмбөг таслалт 3 оновчтой дамжуулалт хийж багаа тэргүүлж Шанхайд болох NBA-н тоглолт үзэх эрхээр шагнуулав.

Баруун бүсийн Бүх оддын тамирчид
1-Оргил – ОТИС
1-Лхагвадорж – Их харанга
2-Батжин – ХААН БАНК
2-Цолмонбаатар – Таван цагираг
3-Амарсайхан – Таван цагираг
3-Оюунбат – УБДС
4-Майбаяр – Скайтел
4-Наранбаатар – Sak guard
5-Цэнгүүнбаяр – Sak guard
5-Даваадорж – ТЭЦ4
Дасгалжуулагч Уранмандах

Зүүн бүсийн Бүх оддын тамирчид
1-Алтан эрдэнэ – ХХБ
1-Эрдэнэбат – Төв аймаг
2-Жаргалсайхан – Касс SBL
2-Төрмагнай – МОНАТКА
3-Золжаргал – ХАСУ МЕГАВАТТ
3-Батбаяр – ХАСУ МЕГАВАТТ
4-Мандах – Хүчит шонхор
4-Батням – Электро МОН СЕТЬ
5-Баялаг – МОНАТКА
5-Ганболд – Төв аймаг
Дасгалжуулагч Хасу Мегаватт Дамба

SPRITE Санаа тавьж байна

Спрайт лигийн Бүх оддын тоглолтонд шалгарсан тамирчид  3-р сарын 17-нд Нийслэлийн халамжийн төвд зочлон, халамжийн төвийн хүүхдүүдэд гарын бэлэг гардуулж, хүмүүнлэгийн үйлс хийсэн. Энэ үйл ажиллагааг Sprite лигийн тоглогчдийн техникийн алдааны торгуулийн мөнгөөр санхүүжүүлж  “TLG-13″ төрийн бус байгууллага зохион байгуулсан бөгөөд уг ТББ нь зөвхөн спортын уралдаан тэмцээнээс гадна энэ мэт нийгэм рүү хандсан, хүмүүнлэгийн үйл ажиллагаануудыг санаачлан зохион байгуулдаг юм. Өнгөрсөн жил уг халамжийн төвд 1000 ширхэг Спрайт ундааг бэлэглэж байжээ.

Америкийн Үндэсний сагсан бөмбөгийн холбоо NBA-Cares нэртэй нийгэм лүү хандсан хүмүүнлэгийн үйл ажиллагаа явуулж, олон нийтийн ажил үйлсд идэвхтэй оролцдог  бөгөөд “TLG-13″ төрийн бус байгууллага энэ үлгэр дуурайллыг эх орондоо бодитойгоор хэрэгжүүлж байна.

Sprite league Cares гэж хэлж болохоор энэ үйл ажиллагаа тогтмол зохион байгуулагдах бөгөөд цаашид олон арга хэмжээнүүд зохион байгуулахаар төлөвлөжээ.