МУ-ын ерөнхий сайд С.Батболдын ивээл дор “Аварга Хадбаатар” сангийн нэрэмжит МУ-ын 21 аймагт өсвөр үеийн үндэсний бөхийн аварга шалгаруулах барилдааныг тус сангаас зохион байгуулж байгаа. Энэ хүрээнд Баруун аймгуудад зохион байгуулсан барилдаан дуусах шатандаа явагдаж байгаа бол зүүн аймгуудаар ирэх 4-р сарын турш өсвөрийн хүүхэд залуучуудын дунд тус барилдаан явагдах юм.

21 аймагт зохион байгуулсан өсвөр үеийн үндэсний бөхийн барилдаанууд явагдаж аваргаа тодруулсаны дараа ирэх 5-р сард УБ хотын дүүргүүдийн хүрээнд зохион байгуулах юм байна. Харин тус барилдааны финалын барилдаан ирэх 7-р сарын 4-нд нийслэл хотноо явагдана. Түүнчлэн тус сангаас өсвөр үеийн хүүхэд залуучуудын дунд үндэсний бөхийн спортыг түлхүү хөгжүүлэхийг зорихоос гадна өсвөр үеийнхэнтэй хамтран улс эх орондоо ач холбогдолтой, үр өгөөжөө өгсөн олон талт үйл ажиллагаа зохион байгуулахаар төлөвлөж байгаа гэнэ.