“Чикаго” – “Майами” – 74:103 (19:31, 14:32, 16:23, 25:17)

Ч: Уоррик – 14. Роуз – 12. Гибсон – 12 + 10 самбар.

М: Д. О`Нил – 24. Бисли – 15. Хаслем – 14.

Чикаго хотын унаган хүү Дуэйн Уэйдийг “Юнайтед Центр”-т цугласан үзэгчид халуун дотноор хүлээн авсан бөгөөд тэрээр ирэх зун чөлөөт агент болох юм. Зун чөлөөт агентад зарцуулж чадах мөнгөнийхөө хэмжээгээр Буллз тэргүүлж байгаа болохоор Уэйдэд санаатай байгаа нь мэдээж.

Тоглолтын хувьд өрсөлдөөнтэй болсонгүй. Хит эхнээсээ илт давуу тогложээ. Эхний хагас дуусахад Хит 30 онооны давуу болоод байлаа. Буллзийн хувьд плей-оффт үлдэхийн тулд тоглолт бүр чухал байгаа ч энэ мэт муу тоглолтуудаа зогсоож чадахгүй л байна. Хитийн хувьд бүсдээ 6-д бичигдэж эхлэв. Хит сүүлийн 12 тоглолтынхоо 9-д нь хожсон. “Энэ улирлын хамгийн сайн зочлон тоглолтуудын нэг боллоо. Яг одоогоор бид өөрсдийн хамгийн сайн тоглолтуудаасаа үзүүлж байна. 3-р сар бол их чухал. Одоо багийнхан бүгдээрээ ямар үүрэг рольтойгоо ойлгоцгоогоод байна” хэмээн Уэйд хэлжээ.

“Хьюстон” – “Клипперс” – 93:99 (28:19, 15:25, 27:25, 23:30)

Х: Брукс – 18 + 9 дамжуулалт. Ариза – 18 + 8 самбар + 8 дамжуулалт. Скола – 16 + 14 самбар.

К: Смит – 25 + 10 самбар. Гуден – 17 + 14 самбар. Дэвис – 16 + 8 дамжуулалт.

Клипперсийн зарим тоглогчид энэ улирлын анхны зочлон тоглолтын хожлоо авав. Тэдний нэг нь Дрью Гуден. Гуден сар гаруйн өмнө солилцоогоор Клипперст ирснээсээ хойш нэг ч удаа зочлон тоглолтын хожлын амтыг мэдрээгүй байв. Харин өнөөдөр Рокитсийн талбайд тоглож Лос Анжелесийн баг 2 сарын 2-ноос хойшхи анхны роад хожил авлаа. Барон Дэвис энэ хожилдоо их баяртай байгаа, дараагийн тоглолтонд их итгэл нэмнэ гэж хэлсэн гэнэ.

Рокитс Шэйн Баттьергүй байгаа, өнөөдөр мөн Кевин Мартинаа алдав. Мартин мөрөө гэмтээжээ.

“Портленд” – “Даллас” – 101:89 (32:27, 28:27, 20:21, 21:14)

П: Олдридж – 20 + 10 самбар. Миллер – 19 + 10 дамжуулалт. Кэмби – 17 + 11 самбар.

Д: Батлер – 25 + 9 самбар. Новицки – 15. Мэрион – 15.

Хэрэв плей-оффт эдгээр багууд тогловол улирлын тоглолтын амжилтаар Портлэнд айлгах нь. Эдгээр багууд энэ улиралд 3 дахиа тоглож, Портлэнд 3 дахиа хожлоо. 4 сарын 9-нд мөн нэг тоглох юм байна. Даллас 1998-99 оны улирлаас хойш анх удаа Портлэндэд улирлын тоглолтын цувралдаа ялагдав.

Хэрэв Даллас хожсон бол бүсийнхээ 2-т бичигдэх байлаа. Гэвч боломжийг ашиглаж чадсангүй. Өрнөдөд 47-25 амжилттай баг Далласаас гадна Денвер, Юта байгаа юм. Даллас 13 дараалж хожсоныхоо дараах 5 тоглолтын 4-т нь хожигдов. Портлэндийн хувьд Спэрсээс 7-р байрыг булаах боломжтой, даварвал Оклахомаг ч 6-р байрнаас нь түлхэхийг үгүйсгэхгүй.