Өнгөрсөн шөнө Ла Лигийн 29-р тойргийн 3 тоглолт болов. Барселона Мальоркагийн талбайд зочлон тоглож 1:0-ээр хожсоноор хүснэгтийг Реалаас 3 онооны давуутай тэргүүлж эхэллээ. Реал өнөө шөнө Атлетико Мадридтай дерби хийнэ.

Мальорка энэ улиралд тун сайн тоглож байгаа бөгөөд талбай дээрээ лигийн 13 тоглолтноос 12-т нь хожоод байлаа. Талбай дээрх формоороо лигтээ Реалын дараа л бичигдэж байсан юм. Барсагийн эсрэг ч тун сайн тоглосон бөгөөд жаахан азгүй байсан нь 3 ч удаа шон цохисноор нь харагдана. Эхний үед багууд гоол хийгээгүй, харин 2-р үед Чавигийн булангийн цохилтонд Пуойль хүчр, улмаар Златан Ибрахимович гүйцээн хожлын гоолыг хийв. Златан 2010 онд тун тааруу тоглож байгаа ч сүүлийн 3 тоглолтондоо дараалан гоол хийж, өөр дээр нь ирж байгаа шүүмжлэлийг бага ч гэсэн сарниулж байна. Гоол хийсэн Златанаас гадна хаалгач Виктор Вальдес тун сайн тоглож, хэд хэдэн эвгүй цохилтуудыг хааж байв.

Барса ирэх долоо хоногт Аваргуудын лигт Арсеналтай тоглох хуваарьтай тул Пэп Гуардиола гол тоглогч Мессигээ амрааж, сэлгээгээр л тоглолтонд оруулснаас гадна гэмтэлтэй хэд хоносон Чавиг мөн сэлгээгээр талбайд гаргажээ.

Мальоркагийн хувьд энэ тоглолтын өмнөх байдлаар лигтээ 4-т бичигдэж байсан, өнөө шөнө Севилья Виллареалыг хожвол арлынхан 4-р байраа алдана.

Ла Лигээс унахгүйн төлөө тэмцэж байгаа Реал Зарагоза энэ тойрогт Валенсиг 3:0-ээр хожиж, тун чухал 3 оноо авав. Тэд өмнөх 2 тоглолтондд хожигдож, уг тоглолтын өмнө 18-р байрны багаас зөвхөн 1 онооны давуу байсан ч хүчтэй багаас 3 оноо салгасан байна. Валенсигийн хувьд аваргын төлөө өрсөлдөөнийг ерөнхийдөө мартахаас өөр аргагүй, зөвхөн 3-р байраа хадгалахыг л бодох болж байх шиг.

Мөн Тенериф – Малага багуудын тоглолт тэнцээгээр өндөрлөжээ.

Сарагоса — Валенси 3:0

Гоол: Диого, 41; Арисменди, 63; Ярошик, 71
Сарагоса: Роберто, Паредес, Контини, Диого, Андер (Пеннант, 75), Габи (Агуйлар, 88), Ярошик, Эдмилсон, Элисеу (Колунга, 81), Арисменди, Суазо
Валенси: Санчес, Алексис, Деальберт, Фернандеш, Хоакин (Висенте, 82), Бруно, Мата (Домингес, 69), Мадуро, Пабло, Банега (Бараха, 85), Жигич

Мальорка — Барселона 0:1

Гоол: Ибрагимович, 63
Мальорка: Дуду Ават, Айосе, Рамис, Нунеш, Маттиони, Валеро, Марти, Суарес (Кейта, 77), Кастро (Вебо, 90), Адуритц, Виктор (Альварес, 59)
Барселона: Вальдес, Максвелл, Алвеш, Пуйоль, Милито, Иньеста (Месси, 51), Кейта, Яя Туре (Хави, 61), Ибрагимович, Хеффрен (Хонатан, 76), Родригес

Малага — Тенерифе 1:1

Гоол: Апоньо, 66 – Альфаро, 85-пен
Малага: Мунуа, Гамес, Торибио, Мтилига, Гонсалес, Маноло, Апоньо, Дуда, Бен Ашур (Баха, 47), Кайседо (Хуанми, 64), Фернандо (Валдо, 46)
Тенерифе: Арагонесес, Сицилья, Бертран, Кулебрас (Луна, 46), Мартинес, Рикардо, Ричи (Омар, 77), Хуанлу (Динеи, 70), Альфаро, Айосе, Нино