Дэлхийн аварга цолыг эзэмшигч Женсон Баттон энэ оны 2 дахь гараанд хамгийн шилдэг нь байж түрүүлснээр шагналын 25 оноо хувийн дүндээ нэмлээ.

Баттон өнөөдөр азтай, одтой байсан. Поул позишнд түрүүлсэн С. Феттель, удаалсан М. Уэббэр, Ф.Алонсо зэрэг нисэгчдэд тохиолдсон проблемууд 4-өөр гараа хийсэн Баттоныг тойрч байв. Феттель гараагаа сайн хийж, уралдааныг тэргүүлж байсан ч уралдааны дунд үе буюу 26 дахь тойрогт  жолоодлого алдан замаас гарсан бол Алонсо эхний эргэлт дээр л Шумахертай шүргэлцэж байраа алдсан болно.

Баттон 26-р тойргоос эхлээд л уралдааныг тэргүүлж, бүрэн хянаж байсаар дэд байр эзэлсэн Р. Кубицагаас 12 секундын давуугаар барианд оржээ.

Ферраригийн Фелипе Масса 2 дахиа дараалан подиум дээр гарсан бөгөөд 5-аар гараа хийгээд 3-аар барианд оров. Массагийн багийн Фернандо Алонсод эхний эргэлт дээр проблем гарсан ч түүнээс хойш алдаа гаргалгүй уралдсаар 4-р байранд орж, ДАШТ-ыг хувийн дүнгээр тэргүүлсэн хэвээр үлдсэн байна.

Мерседесийн Нико Росберг 5-д орсон бол 2008 оны дэлхийн аварга Льюис Хэмилтон 6-д оржээ. Льюис 4-р байрыг Алонсогоос булаах тун дөхсөн ч Марк Уэббэрээс болж чадаагүй юм. Алонсог Льюис довтлох үед Уэббэр Алонсогийн Макларенийг мөргөж замаас гаргажээ. Энэхүү тааруу жолоодлогоосоо болж Уэббэр өөрөө ч онооны бүсээс гарч, нутгийн дэмжигчдээ гонсойлгосон.

Уралдааны дараа Льюис Хэмилтон багийнхаа стратегит сэтгэл дундуур байгаагаа илэрхийлсэн байна.

Энэ уралдааныг бид анх удаа текстээр шууд дамжуулан хүргэсэн билээ.

Дараагийн гараа 7 хоногийн дараа Малайзид болно.

Австралийн Гран-пригийн дүн:

1. Женсон Баттон (“Макларен”) – 1:35,296
2. Роберт Кубица (“Рено”) + 12,0
3. Фелипе Масса (“Феррари”) + 14,4

4. Фернандо Алонсо (“Феррари”) + 16,3
5. Нико Росберг (“Мерседес”) + 16,6
6. Льюис Хэмилтон (“Макларен”) + 29,8
7. Витантонио Лиуцци (“Форс-Индия”) + 59,8
8. Рубенс Баррикелло (“Уильямс”) + 60,5
9. Марк Уэббер (“Ред Булл”) + 67,3
10. Михаэль Шумахер (“Мерседес”) + 69,3
11. Хайме Альгерсуари (“Торо Россо”) + 71,3
12. Педро де ла Роса (“БМВ-Заубер”) + 74,0
13. Хейкки Ковалайнен (“Лотус”) – 2 тойрог
14. Карун Чандок (“HRT”) – 2 тойрог
15. Тимо Глок (“Верджин”) – барианд ороогүй
16. Лукас ди Грасси (“Верджин”) – барианд ороогүй
17. Себастьян Феттель (“Ред Булл”) – барианд ороогүй
18. Адриан Сутиль (“Форс-Индия”) – барианд ороогүй
19. Виталий Петров (“Рено”) – барианд ороогүй
20. Бруно Сенна (“HRT”) – барианд ороогүй
21. Себастьен Буэми (“Торо Россо”) – барианд ороогүй
22. Нико Хюлькенберг (“Уильямс”) – барианд ороогүй
23. Камуи Кобаяси (“БМВ-Заубер”) – барианд ороогүй
24. Ярно Трулли (“Лотус”) – барианд ороогүй

ДАШТ-ын дүн:

Зохион бүтээгчдийн цом