“Вашингтон” – “Юта” – 87:103 (21:23, 22:27, 22:30, 22:23)

В: Блэтч – 20. Н. Янг – 16.

Ю: Окур – 22+11 самбар. Бузер – 22+10 самбар. Дер. Уильямс – 20+12 дамжуулалт.

Юта өмнөх тоглолтондоо Пейсерст хожигдсон тул энэ удаа тун хариуцлагатай тоглож, Визардсийг талбайд нь хожлоо.

Окур, Бузер, Дерон нар 3-уулаа тун сайн тоглож, 20+ оноо авцгааж, 10+ самбараас авалт юм уу дамжуулалт өгчээ.
Визардс дараалсан хожигдлынхоо дээд амжилтыг ахиулж 15 болгов. 3-р сард Визардс нэг ч хожсонгүй.

Ютагийн хувьд 1 сарын 9-нөөс хойш 29 хожиж 9 хожигдоод байгаа бөгөөд бүсдээ дэд байранд бичигдэх боломжтой. “Бид одоо илүү сайн сагсан бөмбөг тоглож байна. 3 сарын өмнөхөөс одоогийн баг хамаагүй сайн” гэж Дерон хэлжээ.

“Нью-Орлеан” – “Портленд” – 101:112 (23:28, 18:29, 27:33, 33:22)

Н: Коллисон – 22. Дэв. Уэст – 18. Окафор – 14.

П: Рой – 28. Олдридж – 24. Батум – 13.

Брэндон Рой өнөөдөр тун сайн тоглож, 14 довтолгооныхоо 12-ыг нь оновчтой болгон нийт 28 оноогоор багаа тэргүүлж Портлэнд Хорнетсийг талбайд нь хожлоо. Портлэндийн гарааны тоглогчид өнөөдөр нийт 47 довтолж 36-г нь оновчтой болгосон бөгөөд хувиар бол 76.6 байжээ.

Портлэнд сүүлийн 12 тоглолтынхоо 10-т нь хожиж бүсийнхээ 8-р байрыг хадгалсаар байгаа төдийгүй Спэрсийг гүйцэх боломж ч өндөр байгаа юм.

“Чикаго” – “Нью-Жерси” – 106:83 (28:23, 25:14, 29:19, 24:27)

Ч: Парго – 27. Гибсон – 22+13 самбар. Б. Миллер – 14.

Н: Т. Уильямс – 16. Хэйес – 14. Дуглас-Робертс – 13.

Буллз талбай дээрээ Нетсийг амархан хожлоо. Жаннеро Парго улирлын хамгийн өндөр оноогоо авсан бол Таж Гибсон өөрийн дээд оноогоо авч Буллзын хожилд гол үүрэг гүйцэтгэжээ. Буллз 34-38 болж байгаа бол 8-д бичигдэж байгаа Торонто 35-36 амжилттай байгаа юм.

“Хьюстон” – “Лейкерс” – 101:109 (34:27, 11:35, 24:27, 32:20)

Х: Скола – 28+10 самбар. Брукс – 26. Тэйлор – 15.

Л: П. Газоль – 30+8 самбар. Брайант – 17+9 дамжуулалт+10 самбар. Фишер – 15.

Оклахома Ситид “муухай” хожигдсон Лейкерс өнөөдөр алдаагаа засч Рокитсийг талбайд нь хожлоо. Лейкерс эхний үед 7 оноо дутуу авсан ч 2-р үед 24 оноо илүү авснаар тоглолтын ерөнхий дүр зураг тодорхой болжээ. 2-р үеийн сүүлийн 6 минутанд Лейкерс 20 оноо авсан бол Рокитс нэг ч оноо аваагүй байна.

По Газоль улирлын хамгийн өндөр 30 оноог авчээ.

Хэдий Лейкерс хожсон ч баг нь 3-р үе дуусахад 20 онооны давуу байгаад 4-р үед энэ тэргүүллээ нэг оронтой тоо болгосонд нь дасгалжуулагч Фил Жексон сэтгэл дундуур байгаа гэнэ.

Рокитсийн хамгаалагч Кевин Мартин, довтлогч Ш. Баттьер нар гэмтлийн улмаас тоглоогүй.

“Голден Стэйт” – “Даллас” – 90:111 (27:31, 14:36, 21:24, 28:20)

Г: Маггетти – 21. Карри – 17. Эллис – 14.

Д: Беабу – 40+8 самбар. Мэрион – 18. К. Батлер – 14.

Шинэ тоглогч Р. Беабу Лхагва гаригт Портлэндтэй тоглоход талбайд ердөө 48-хан секунд байж, нэг ч оноо авч чадаагүй. Харин өнөөдөр тэрээр 40 оноо авч, олныг гайхашруулав. Гэхдээ Голден Стэйтийн эсрэг л дээ.

“Ямар гайхалтай тоглолтыг Беабу хийв ээ. Итгэмээргүй. Манай тоглогчид түүнийг хамгаалж байсан ч, хамгаалахгүй сул шидүүлсэн ч ялгаагүй байсан. Тэр шидэлт бүрээ оновчтой болгож байлаа. 9 удаа 3 онооны шидэлт гэдэг гайхалтай. Би ийм зүйл болно гэж таамаглаагүй” гэж Дон Нельсон хэлжээ.

Беабу нь өнгөрсөн жилийн драфтын 25-аар НБА-д орж байсан нэгэн. Дирк лав түүний ийм супер довтолгооны тоглолтыг өмнө нь харж байсан гэдгээ хэлж. Гэхдээ бэлтгэл дээр.

Шинэ тоглогчийн гайхалтай тоглолт, 1.0 out of 10 based on 1 rating